ត្រាវិញចាត់តាំងពិធីប្រឡងសម្ដែងបង្ហាញសម្លៀកបំពាក់ប្រពៃណីជនជាតិខ្មែរ លើកទី ៣ ឆ្នាំ ២០២៣

សិល្បករឆ្នើម សាងសេដ្ឋ។

អ្នកយកសារព័ត៌មាន៖  សូមជម្រាប​សមមិត្តសិល្បករឆ្នើម សាងសេដ្ឋ ចូលរួមប្រឡង​សម្ដែងបង្ហាញសម្លៀកបំពាក់ប្រពៃណីជនជាតិ​ខ្មែរលើកទី ៣ ឆ្នាំ ២០២៣ នេះ មានប៉ុន្មានអង្គ​ភាពចូលរួម ហើយគុណភាពយ៉ាងណាដែរលោក?
សិល្បករឆ្នើម សាងសេដ្ឋ៖ ចូលរួមប្រ​ឡងសម្ដែងបង្ហាញសម្លៀកបំពាក់ប្រពៃណីជន​ជាតិខ្មែរឆ្នាំនេះ រួមមាន ១០ អង្គភាពគឺស្រុកទីវកឹង ស្រុកយ្វៀងហាយ ស្រុកកូវង៉ាង ស្រុកចូវថាញ់ ​ស្រុកកាងឡុង ស្រុកថ្កូវ ស្រុកកូវកែ ទីផ្សាររួមខេត្ត យ្វៀងហាយ ទីក្រុងត្រាវិញ និងសាកលមហាវិទ្យា ល័យត្រាវិញ ដោយមានសិប្បករ នាដករ នាដកា រិនីជាង១២០ នាក់។ រីឯពីធីប្រឡងសម្ដែងបង្ហាញ សម្លៀកបំពាក់ប្រពៃណីជនជាតិខ្មែរឆ្នាំនេះ ប្រៀបនឹងឆ្នាំមុនៗ មានរបៀបរៀបរយល្អ ប្រសើរជាង  ស្អាតជាង។ នោះហើយបានបង្ហាញច្បាស់ពីការ យកចិត្តទុកដាក់របស់បណ្តាមូលដ្ឋាន និងការខ្នះខ្នែងនៃបណ្ដាក្រុមនីមួយៗ។ ដោយមាន ១០ កម្ម វិធីសម្ដែងចំនួន ៣១ ឈុត (គិតទាំងសម្លៀកបំពាក់ ៧ ពណ៌ប្រចាំសប្តាហ៍សម្រាប់ស្ត្រីខ្មែរ) មានជាង ២០០ សិប្បករ នាដករ នាដការិនីចូលរួមសម្ដែង និងមានទស្សនិកជនចូលរួមទស្សនាយ៉ាងកុះករ ពិសេសគឺអ្នករចនាបថ។    សម្លៀកបំពាក់ ប្រឡងរួមមាន ០៣ ប្រភេទ៖ ពលកម្ម បុណ្យទាន និងអាពាហ៍ពិពាហ៍។
តាមខ្ញុំពិនិត្យវាយតម្លៃគឺ កម្មវិធីចូលរួមប្រឡងសម្ដែងបង្ហាញសម្លៀកបំពាក់ប្រពៃណីជនជាតិខ្មែរឆ្នាំនេះ បណ្ដាក្រុមសុទ្ធតែបានក្ដាប់ជាប់តាមសេចក្ដីចុះផ្សាយ លក្ខន្តិកៈរបស់គណៈចាត់តាំង និងត្រៀមបម្រុងយ៉ាងហ្មត់ចត់។ ភាគច្រើនបណ្ដាក្រុមចេះសិក្សាស្រាវជ្រាវនូវសម្បត្តិវប្បធម៌ សិល្បៈ ប្រជាប្រិយខ្មែរ ដើម្បីក្រេបយកអត្ថន័យបំពេញ ចូលទៅក្នុងការអត្ថាធិប្បាយនៃឈុតឆាកនីមួយៗឱ្យពីរោះក្បោះក្បាយឡើង។ រួមចំណែកដើម្បីអភិរក្ស និងអភិវឌ្ឍនូវតម្លៃសម្លៀកបំពាក់ប្រពៃណីនៃជន ជាតិខ្មែរនៅខេត្តត្រាវិញជាទីស្នេហានៃយើង។

ពិធីសម្តែងសម្លៀកបំពាក់ប្រពៃណី។ រូបថត៖ បាធី
នៅក្នុងពិធីប្រឡងនេះ មានជាច្រើនឈុតបាន សម្រិតសម្រាំងយ៉ាងហ្មត់ចត់ មិនត្រឹមតែជ្រើសរើសបទភ្លេងប៉ុណ្ណោះ នៅថែមទាំងផ្ដើមទុនខាង សម្លៀកបំពាក់ឧបករណ៍សម្ដែង មិនចាញ់អ្វីពីក្រុម ជំនាញឬអាជីពដូចជាអង្គភាព៖ ទីផ្សាររួមខេត្ត យ្វៀងហាយ ស្រុកយ្វៀងហាយ សាកលមហាវិទ្យាល័យត្រាវិញ ស្រុកកូវកែ... ជាដើម។ នេះហើយ សបញ្ជាក់ឱ្យឃើញច្បាស់ថា ប្រភពរចនាបថ  សោភណភាពនៃអម្ពរពស្ត្រាសំពត់ប្រពៃណីខ្មែរសម្បូណ៌បែប ច្រើនរូបសណ្ឋានខុសប្លែកពីគ្នាគួរជាទីមោទនៈ បានរួមចំណែកយ៉ាងសកម្មក្នុងការ ចលនាកសាងជីវិភាពរស់នៅវប្បធម៌នៅមូលដ្ឋានកសាងជនបទថ្មី និងកសាងអារ្យធម៌ទីក្រុង។
អ្នកយកសារព័ត៌មាន៖ ជាមួយនឹងលទ្ធផលដែលសម្រេចបានក្នុងបណ្តាថ្ងៃប្រឡងសម្ដែងបង្ហាញសម្លៀកបំពាក់ប្រពៃណីជនជាតិខ្មែរតាម ប្រសាសន៍សមមិត្តសិល្បករឆ្នើមម្នាក់ដែលមានការសិក្សាស្រាវជ្រាវខាងវប្បធម៌ខ្មែរតើសមមិត្ត បានផ្តាំផ្ញើអ្វីដល់ប្អូនៗសិប្បករ នាដករ នាដការិនី ក៏ដូចជាថ្នាក់ដឹកនាំបណ្តាអង្គភាពដែរ?
សិល្បករឆ្នើម សាងសេដ្ឋ៖ ទន្ទឹងជាមួយនឹងការជោគជ័យដែលយើងទទួលបាននោះ គង់នៅមានការឆ្លៀតឆ្លកមួយចំនួន គួរយើងគប្បីត្រូវ មានការសិក្សាស្រាវជ្រាវ និងដកពិសោធជាបន្តដើម្បីទុកឱ្យការប្រឡងពេលក្រោយៗទៀតឱ្យបានល្អប្រសើរឡើងនោះគឺ៖ ទី ១. គប្បីជ្រើស សម្លៀកបំពាក់សមស្របនឹងឈុតសម្ដែងសម្លៀក បំពាក់ចៅការប្រុស ខ្មែរស្លៀកសំពត់សម្លុយ ចុះ មិនមែនស្លៀកចុកក្បិន ភ្លេងនាទីសម្ដែងត្រូវយោង តាមកាលកំណត់ (ម៉ោងកំណត់)។ នេះជាកត្តាយ៉ាងសំខាន់ក្នុងការជ្រើសរើសបណ្ដាឈុតល្អត្រូវទៅតាមប្រធានបទដែលគណៈចាត់តាំងបានកំណត់។ ទី២. សិប្បករ នាដករ មិនត្រូវការច្រើន ពេកទេ គប្បីជ្រើសអ្នកដែលមានទេពកោសល្យហាត់ពត់បានត្រឹមត្រូវ និងដំឡើងកម្មវិធីបានល្អ។  មិនគប្បីយកសិល្បៈសម្ដែងមកបង្គ្របលើការសម្ដែង សម្លៀកបំពាក់នោះឡើយ។ ខ្លឹមសារសំខាន់នោះ  គឺ៖ បង្កភាពអស្ចារ្យនៃកម្មវិធីឈុតឆាកសម្ដែង។ ពិសេសគឺ ភាពច្នៃប្រតិដ្ឋ លេចធ្លោនៃនាដករ នាដការិនីម្នាក់ៗសមស្របជាមួយឈុតសម្លៀកបំពាក់តាមប្រភេទនីមួយៗ។ ទី ៣. ក្នុងការសម្ដែង សម្លៀកបំពាក់ប្រពៃណីខ្មែរ គប្បីជ្រើសរើសយក សម្លៀកបំពាក់ឧបករណ៍ និងភ្លេងឱ្យស៊ីចង្វាក់គ្នា។ វិធីករ វិធីការិនី ត្រូវជ្រើសយកអ្នកសមរូប  សមរាងស្រីប្រុសត្រូវមានកម្ពស់ប្រហាក់ប្រហែលគ្នា មានសំឡេងពីរោះ អានច្បាស់ពាក្យ ច្បាស់អត្ថន័យ។ ព្រោះថាអ្នកកាន់កម្មវិធីជាសសរទ្រូងនៃកម្មវិធីសម្ដែងចំពោះក្រុមនីមួយៗ។ 

ពិធីសម្តែងសម្លៀកបំពាក់ប្រពៃណី-ឧបករណ៍កសិកម្ម។ រូបថត៖ សុជា
កម្មវិធីប្រឡងបានបញ្ចប់ ប៉ុន្តែទស្សនីយភាពនៃការសម្ដែងបង្ហាញសម្លៀកបំពាក់ប្រពៃណីខ្មែរ នៅដិតជាប់ក្នុងសន្ដានចិត្តនៃទស្សនិកជនយើង ជានិច្ចពិបាកនឹងបំភ្លេចបាន ឡើយ។ ចំពោះបងប្អូន សិប្បករ នាដករ នាដការិនី ដែលបានអញ្ជើញ ចូលមករួមប្រឡងលើកនោះ នេះហើយជាអនុ ស្សាវិរីយ៍ដ៏ល្អប្រពៃ គួរចាំ គួរមោទនៈ គួរស្ងើចសរសើរ។ ថ្ងៃស្អែក បងប្អូនវិលត្រឡប់ទៅភូមិកំណើតវិញ បន្តនូវកិច្ចការរៀងៗខ្លួន។ ប៉ុន្តែនៅដិតជាប់ក្នុងចិត្តជានិច្ចនូវអនុស្សាវរីយ៍ដ៏ល្អស្អាត ការចងមិត្ត ទំនាក់ទំនងរវាងមិត្តនឹងមិត្តដែលបានចូលរួមប្រឡងជាមួយគ្នានាឱកាសបុណ្យអកអំបុកនៅរមណីយដ្ឋានគូស្រះស្រីដ៏សែននមោរម្យនៃខេត្តត្រាវិញជាទីស្នេហានៃយើងគេទាំងឡាយនេះ៕     
                                                                                                          សូមអរគុណសមមិត្តសិល្បករឆ្នើម!
                                                                                                                  អនុវត្តដោយ៖ ស៊ើងហ៊ុង