ពង្រីកប្រសិទ្ធភាពចលនា “ប្រជាជនទាំងមូលសាមគ្គីកសាងជនបទថ្មី អារ្យធម៌ទីក្រុង” ជាគោលដៅក្នុងការកសាងខេត្តជនបទថ្មី

   អស់រយៈកាល ០៥ ឆ្នាំកន្លងដែលបានផ្សព្វផ្សាយអនុវត្តលើភូមិសាស្រ្ត​ខេត្តត្រាវិញ ចលនាជះឥទ្ធិពលយ៉ាងខ្លាំងក្លាលើគ្រប់វិស័យជីវភាពប្រជាជន ចលនាប្រជាជនពង្រីកប្រវេណីសាមគ្គី បំផុសពិសេសគឺប្រភពកម្លាំង សក្ដានុពល តម្លាភាព ក្នុងការពង្រីកសេដ្ឋ កិច្ច-សង្គមរបស់ខេត្ត កែលម្អ និងលើកកម្ពស់ ជីវភាពសម្ភារ ស្មារតី កសាងរបៀបរស់នៅអារ្យធម៌ និងយុត្តិធម៌។   ជំរុញទឹកចិត្តប្រជា ជនគ្រប់ជាន់ស្រ​ទាប់សាមគ្គីចូលរួមពង្រីកសេដ្ឋកិច្ច សកម្មជួយគ្នាកាត់បន្ថយភាពក្រីក្រស្ថិរភាព លើកកម្ពស់ជីវភាព ជំរុញទឹកចិត្តឲ្យធ្វើមានធ្វើបានស្របច្បាប់។ រណសិរ្ស និងបណ្តាអង្គការចាត់តាំងជាសមាជិកចលនាប្រជាជនបង្វែរផ្ទៃដីផលិតស្រូវមិនសូវមានផលមកដាំឈើហូបផ្លែមានប្រសិទ្ធភាពបានជាង ២០.០០០ ហិកតា ចូលរួមក្នុងបណ្តាក្រុមសហការ សហករណ៍។ កសាងបណ្តាទម្រង់ចងសម្ព័ន្ធផលិត លក់ផលិតផល ជំរុញមាំការអនុវត្តន៍កម្មវិធីឃុំនីមួយៗមានផលិតផលពិសេសមួយមុខ (ទូទាំងខេត្តមានផលិតផល ៨០ ប្រភេទបានទទួលស្គាល់ជាផលិតផល OCOP)។ ប្រជាជនបរិច្ចាគដីជាង ០២ លានម៉ែត្រក្រឡា ចូលរួមថ្ងៃពលកម្ម ជាង ៣០០.០០០ ថ្ងៃ និងគបវាល់រួមវិភាគទានជាសម្ភារសម្រាប់កសាងបណ្តាសំណង់ហេដ្ឋារចនាសម្ព័ន្ធជនបទគិតជាតម្លៃជាង ៧៣៥ ពាន់លានដុង។

 ប្រជាជនគ្រប់ជាន់ស្រទាប់លើកកម្ពស់ស្មារតីសាមគ្គីកសាងជីវភាពវប្បធម៌ ថែទាំ បុព្វហេតុអប់រំ ពង្រីកប្រភពធនធានមនុស្ស ថែទាំសុខភាពប្រជាជន កសាងគ្រួសារវប្បធម៌។ ពង្រីកប្រវេណីតបស្នងសងគុណ ជួយគ្នាទៅវិញទៅមក រួមចំណែកអនុវត្តមានប្រសិទ្ធភាពចលនាប្រឡងប្រណាំង “ទូទាំងប្រទេសចូលរួមដើម្បីជនក្រីក្រ មិនទុកឲ្យអ្នកណាម្នាក់នៅពីក្រោយខ្នង”។

លោក ង្វៀងវ៉ាំងត្រៀកប្រគេនប្រាក់ឧបត្ថម្ភបង្ការជំងឺកូវីដ-១៩ ដល់ព្រះឧបជ្ឈាយ៍ថាច់ហ្វាយ។ រូបថត៖ រតនា

  គិតតាំងពីឆ្នាំ ២០១៦ មកទល់ពេលនេះ ចលនាមូលនិធិ “ដើម្បីជនក្រីក្រ” គ្រប់លំដាប់ថ្នាក់បានជាង ២២៤ ពាន់លានដុង មូលនិធិ “សុខុមាលភាពសង្គម” បានជាង ២៤៣ ពាន់លានដុង។ ផ្តើមពីបណ្តាប្រភពមូលនិធិនោះ បានផ្សព្វផ្សាយកសាង និងជួសជុលផ្ទះជូនគ្រួសារក្រីក្រ ជិតក្រដែលជួបការលំបាកអំពីលំនៅឋានបានជិត ៣.២០០ ខ្នងជួបការ និងផ្ទះឧបការគុណជូនគ្រួសារគោលនយោបាយបានជិត ១.០០០ ខ្នង ។ ជូនអំណោយដល់គ្រួសារក្រីក្រមានស្ថានភាពលំបាកបានជិត ២១៣.០០០ ចំណែក។ កសាងសំណង់បម្រើក្នុងប្រជុំជីវភាពប្រជាជនបាន ៣៥០ សំណង់។ ឧបត្ថម្ភពិនិត្យ ព្យាបាលជំងឺជូនជនក្រីក្របានជិត ៣៤.០០០ លើកនាក់។ ចាប់តាំងពីឆ្នាំ ២០២០ មកដល់ពេលនេះឧបត្ថម្ភប្រចាំខែជូនគ្រួសារក្រីក្រស្ថិតក្នុងក្របខ័ណ្ឌគោលនយោបាយគាំពារសង្គម (អ្នកមានវ័យចាស់អនាថាមានអាយុពី ៦០ ឆ្នាំឡើទៅ)។ ចលនាបង្ក​បានភាពវិវឌ្ឍន៍យ៉ាងសកម្មក្នុងទូទាំងសង្គម ស្តីអំពីចំណេះដឹងក្នុងការចូល​រួមរក្សាអនាម័យបរិស្ថាន ទប់ទល់ជាមួយអាកាសធាតុប្រែប្រួល កសាងទិដ្ឋភាពបរិស្ថានភ្លឺ-បៃតង-ជ្រះ-ស្អាត។ ពង្រីកប្រជាធិបតេយ្យភាព សកម្មចូលរួមសង្កេតពិនិត្យ និងធ្វើវិវេចនាកម្មសង្គម រួមចំណែកកសាងប្រព័ន្ធនយោបាយមូលដ្ឋានស្អាតស្អំរឹងមាំ។ រណសិរ្សគ្រប់លំដាប់ថ្នាក់សហការជាមួយបណ្តាអង្គការចាត់តាំងសមាជិកផ្សព្វផ្សាយកសាងទម្រង់មានប្រសិទ្ធភាពជាច្រើនលើគ្រប់វិស័យដោយភ្ជាប់ជាមួយចលនា។ សហការ​ចាត់តាំងចេញទ័ពអនុវត្តសារាចរលេខ ១៥-CT/TU របស់គណៈអចិន្រ្តៃយ៍នៃគណៈកម្មាធិការបក្សខេត្ត “ស្តីពីជំរុញការងារគ្រប់គ្រង​សណ្តាប់ធ្នាប់សាងសង់ និងអនាម័យបរិស្ថាននៅនឹងបណ្តាទីក្រុង តំបន់ប្រជា​ជនស្នាក់នៅ ក្នុងសកម្មភាពផលិត- ធ្វើអាជីវកម្ម សេវាកម្មលើភូមិសាស្រ្តខេត្តត្រាវិញ” បានជាង ៣៤.០០០ លើក ដាំដើមឈើថ្មីគ្រប់ប្រភេទបានជាង ១,៣ ដើម។ ចូលរួមកសាងដងផ្លូវភ្លឺ-បៃតង-ជ្រះ-ស្អាតជិតបាន ៤០០ ខ្សែ។ សហការកសាងទម្រង់ “ផ្សព្វផ្សាយ អប់រំមុខសញ្ញានៅនឹងបណ្តាមូលដ្ឋានសាសនា” បានជាង ១២០ ទម្រង់​កសាងទម្រង់ “ផ្សព្វផ្សាយ អប់រំមុខ សញ្ញានៅនឹងគ្រួសារ និងសហគមន៍ប្រជា ជនស្នាក់នៅ” បានជិត ១៩០ ទម្រង់ កសាងទម្រង់ “លើភូមិសាស្រ្តគ្មានគ្រឿងញៀន” បាន ១៤ ទម្រង់ កសាងទម្រង់ “បន្ថយ ០៣ រក្សា ០៣” បាន​ ៤៣ ទម្រង់ ។ល។ រួមចំណែកធានាសណ្តាប់ធ្នាប់ សន្តិសុខសង្គម។

 កិច្ចចលនាបានរួមចំណែកជាក់ស្តែងក្នុងលទ្ធផលចលនាប្រឡងប្រណាំង “ត្រាវិញរួមជាមួយទូទាំងប្រទេសរួមកម្លាំងកសាងជនបទថ្មី”។ គិតមកទល់ពេលនេះ មាន ៧៧ ឃុំសម្រេចលក្ខឋានជនបទថ្មី (ក្នុងនោះមាន ៧២ ឃុំបានជូនសេចក្តីសម្រេច​ចិត្តទទួល ស្គាល់) ២១ ឃុំសម្រេចលក្ខឋានជនបទថ្មី លើកកម្ពស់ ៦/៩ អង្គភាពថ្នាក់​ស្រុកសម្រេច លក្ខឋានស្រុកជនបទថ្មី និងសម្រេចជាសារវន្ត ភារកិច្ចកសាងជនបទថ្មី។

   មេរៀនបទពិសោធន៍សំខាន់ក្នុងការកសាងជនបទថ្មី អារ្យធម៌ទីក្រុងគឺបង្កបាន​ការព្រមព្រៀង ស្របមតិក្នុងការដឹកនាំ ចង្អុលការ ចាត់តាំងអនុវត្ត និងកេណ្ឌប្រមូល​ការចូលរួមវិភាគទានយ៉ាងសកម្មពីប្រជាជន។ សេចក្តីសម្រេចចិត្តលេខ ០៤-NQ/TU ចុះថ្ងៃទី ២០ កក្កដា ឆ្នាំ ២០២១ របស់គណៈកម្មាធិការបក្សខេត្ត “ស្តីពីការកសាងខេត្ត​ត្រាវិញ​សម្រេចលក្ខឋានជនបទថ្មីមុនឆ្នាំ ២០២៥ “ បានដាក់ចេញភារកិច្ចមួយក្នុង​ចំណោមភារកិច្ច និងដំណោះស្រាយសំខាន់ៗគឺ “បន្តជំរុញមាំការងារផ្សព្វផ្សាយ លើកកម្ពស់ចំណេះ​ដឹងជូនកម្មាភិបាល បក្ខជន និងប្រជាជន លើកកម្ពស់បណ្តា​ចលនាប្រឡងប្រណាំងកសាងជនបទថ្មី” ជាមួយទស្សនៈ “កសាងជនបទថ្មី ជាភារកិច្ចនយោបាយសំខាន់ ជាប្រចាំ យូរអង្វែងរបស់ទូទាំងប្រព័ន្ធនយោបាយ និងប្រជាជនចូលរួម។ ពង្រីកកម្មវិធីគោលដៅជាតិកសាងជនបទថ្មីស្ថិរភាព យោងលើមូលដ្ឋានពង្រីកតួនាទីរបស់បុគ្គល របស់សហគមន៍ប្រជាជនស្នាក់នៅ ជាមួយនឹងគោលលំនាំ “ប្រជាជនដឹង ប្រជាជនពិភាក្សា ប្រជាជនធ្វើ ប្រជាជនត្រួតពិនិត្យ ប្រជាជនតាម ដានសង្កេតពិនិត្យ និងប្រជាជនទទួលផលប្រយោជន៍” ធានាលើក​កម្ពស់ជីវភាពសម្ភារ  និងស្មារតីរបស់ប្រជាជនគឺជាគន្លឹះស្នូល។ ទន្ទឹមនឹងនោះ​ បន្ត​លើកកម្ពស់គុណភាពបណ្តាលក្ខឋានដែលសម្រេចបានក្នុងដំណាក់កាល ២០១០-២០២០” ជាមួយនឹងគោលដៅជាក់ស្តែងគឺ៖ ដល់ឆ្នាំ ២០២៣ មានឃុំ ១០០% សម្រេចលក្ខឋានជនបទថ្មី (ឆ្នាំ ២០២២ មានបន្ថែម ០៤ ឃុំ ឆ្នាំ ២០២៣ មានបន្ថែម ០៤ ឃុំ)។ ខិតខំមានឃុំ ៥១% សម្រេចលក្ខឋានជនបទថ្មីលើកកម្ពស់ និង ២០% ឃុំសម្រេចលក្ខឋានជនបទថ្មីគំរូ។ល។ ខេត្តត្រាវិញសម្រេចលក្ខឋានជនបទថ្មីមុនឆ្នាំ ២០២៥។

លោក ង្វៀងវ៉ាំងត្រៀកប្រគេនឧបត្ថម្ភបង្ការជំងឺកូវីដ-១៩។ រូបថត៖ រតនា

   ដើម្បីបន្តលើកកម្ពស់គុណភាពរបស់កិច្ច ចលនានោះក្នុងពេលខាងមុខ រណសិរ្ស​គ្រប់លំដាប់ថ្នាក់ និងបណ្តាអង្គការជាសមាជិកគប្បីកំណត់ច្បាស់វិធានការសំខាន់ៗ ដំបូងបង្អស់គឺផ្តុំកម្លាំងជំរុញមាំការងារផ្សព្វផ្សាយ ចលនា ពង្រីកតួនាទីរបស់បុគ្គល ប្រជាជនក្នុងការចូលរួមកសាងជនបទថ្មី អារ្យធម៌ទីក្រុង ជាមួយគោលលំនាំ “ប្រជាជន​ដឹង ប្រជាជន ពិភាក្សា ប្រជាជនធ្វើ ប្រជាជនត្រួតពិនិត្យ ប្រជាជនតាមដានសង្កេតពិនិត្យ និងប្រជាជន ទទួលផលប្រយោជន៍” ធ្វើឲ្យសម្បូរបែបបណ្តាវិធីសាស្រ្តកេណ្ឌប្រមូល​ប្រភពកម្លាំង និងប្រើ ប្រាស់មានប្រសិទ្ធភាពបណ្តាប្រភពកម្លាំង។ បន្តចាត់តាំង​អនុវត្ត​មានប្រសិទ្ធភាព ខ្លឹមសារជាក់ស្តែង ០៥ យ៉ាងរបស់ចលនាភ្ជាប់ជាមួយ នឹង​ចលនា​ប្រឡងប្រណាំង “ត្រាវិញរួមជាមួយទូទាំងប្រទេសរួមកម្លាំងកសាងជនបទថ្មី” រួចសម្គាល់ថានេះជាភារកិច្ចនយោបាយសំខាន់ និងជាប្រចាំរបស់ទូទាំងប្រព័ន្ធរណសិរ្ស។

   លើកកម្ពស់ការងារទទួលបន្ទុករបស់រណសិរ្សក្នុងការចាត់តាំងយកមតិសង្គមក្នុងការពេញចិត្តរបស់ប្រជាជនស្តីអំពីលទ្ធផលក្នុងការកសាងជនបទថ្មី ធានាសត្យានុម័ត យោបល់ស្មោះត្រង់ គោលបំណងរបស់ប្រជាជនចំពោះលទ្ធផលកសាងជនបទ​ថ្មីនៅ​មូលដ្ឋាន។ ទន្ទឹមនឹងនោះ យកចិត្តទុកដាក់ពង្រីកតួនាទីត្រួតពិនិត្យ  និងធ្វើវិវេចនាកម្ម​សង្គម​របស់រណសិរ្ស បណ្តាអង្គការចាត់តាំងនយោបាយ-សង្គម និងប្រជាជន​ចំពោះ​ការផ្សព្វផ្សាយអនុវត្តកម្មវិធីគោលដៅជាតិកសាងជនបទថ្មីលើភូមិសាស្រ្តខេត្ត ដើម្បី​វាយតម្លៃទាន់ពេលលទ្ធផលដែលសម្រេចបានក្នុងរាល់ដំណាក់កាល  រកឃើញបណ្តា​ភាពអន់ខ្សោយ ដោះស្រាយបណ្តាការលំបាក។  ឆ្លងតាមរយៈនោះមានយោបល់ស្នើ​ឲ្យដាក់ចេញបណ្តាវិធានការដោះស្រាយមានប្រសិទ្ធភាពជាង រួមចំណែក​អនុវត្ត​សម្រេចជោគជ័យសេចក្តីសម្រេចចិត្តលេខ ០៤-NQ/TU របស់គណៈកម្មាធិការ​បក្សខេត្ត និងសេចក្តីសម្រេចចិត្តមហាសន្និបាតបក្ខភាគខេត្តត្រាវិញលើកទី ១១៕

ប្រែសម្រួ៖ តឹងង៉ុក