សកម្មភាពជាច្រើនដើម្បីភាពជឿនលឿនរបស់នារីខ្មែរ

បងស្រី ត្រឹងធីអាញ់ធឺ អញ្ជើញទៅសួរសុខទុក្ខ ជូនអំណោយបង ថាច់ធី​សាហ្វឹង ដែលសកម្មភាពក្នុងការងារសមាគមនៅមូលដ្ឋាន។

     គណៈអចិន្ត្រៃយ៍សមាគមសហព័ន្ធន៍នារីស្រុកកូវកែ បង្កើតផែនការជាក់ស្តែងដើម្បីចង្អុលការសមាគមនារីមូលដ្ឋានអនុវត្តបណ្តាសកម្មភាពសមភាពភេទ ដើម្បីភាពជឿនលឿនរបស់នារី។ អនុវត្តយុទ្ធសាស្ត្រជាតិស្តីពីសមភាពភេទ កម្មវិធីទប់ស្កាត់អំពើហិង្សាលើភេទ កម្មវិធីព័ត៌មានស្តីពីសមភាពភេទរបស់ខេត្តត្រាវិញដំណាក់កាល ២០២៣- ២០២៥ រួមចំណែកញ៉ាំងឲ្យបងប្អូននារីបង្កើនការយល់ដឹង និងមានទង្វើជាក់ស្តែងស្តីពីសមភាពភេទ កាត់បន្ថយការគម្លាតភេទ លើកតម្កើងតួនាទីរបស់នារីនិយាយរួម នារីខ្មែរនិយាយដោយឡែកបានខ្ពង់ខ្ពស់ស្មើគ្នា។ ដើម្បីកាត់បន្ថយបញ្ហាគម្លាតភេទក្នុងប្រព័ន្ធនយោបាយ និងសង្គម សមាគមសហព័ន្ធន៍នារីស្រុកតែងយកចិត្តទុកដាក់ក្នុងការបណ្តុះបណ្តាល បំពាក់បំប៉នបង្កើនចំណេះដឹង លទ្ធភាពរបស់កម្មាភិបាលនារី កម្មាភិបាល​នារី​ជនជាតិ​ខ្មែរ បង្កលក្ខណៈឲ្យបងប្អូន​នារីចូលរួមទទួលនាទី​ជាអ្នកគ្រប់គ្រង ​ដឹកនាំ។ អត្រានារីបានចាត់ចូលក្នុងគម្រោងផែនការទទួលនាទីបណ្តាថ្នាក់ដឹកនាំសំខាន់ៗរបស់ស្រុកស្មើនឹង ៤៥,៥%។ អត្រានារីចាត់ចូលក្នុងគម្រោងផែនការទទួលបណ្តានាទីដឹកនាំផ្នែករដ្ឋរបស់ស្រុក/ឃុំស្មើនឹង ៣៧,០៤%។ គិតតាំងពីដើមឆ្នាំ ២០២៣ មកទល់ពេលនេះ សមាគមសហព័ន្ធន៍នារីស្រុកបានបង្កលក្ខណៈជូនបងប្អូននារីចំនួន ១.១0៧ នាក់បានរៀនវិជ្ជាជីវៈ និងចំណេះ ជំនាញ។ ក្នុង​នោះ​មាន​នារី​ខ្មែរ ៣៨%។

     សមាគមសហព័ន្ធន៍នារីឃុំផុងភូ  ដែលអនុវត្តល្អបណ្តាសកម្មភាពដើម្បីភាពជឿនលឿនរបស់នារីខ្មែរ និងសមភាពភេទ។ សមាគមសហព័ន្ធន៍​នារីឃុំផុងភូ មាន​សមាជិកា​ជាង ១.៣៥០ ​នាក់។ ក្នុង​នោះ សមាជិកា​ខ្មែរ ៦៥% ។

     បងស្រី ត្រឹងធី​អា​ញ់ធឺ ប្រធានសមាគមសហព័ន្ធន៍នារីឃុំផុងភូមានប្រសាសន៍ថា៖ ការបង្កើនគុណភាព ប្រសិទ្ធភាពបណ្តាសកម្មភាពដើម្បីភាពជឿនលឿនរបស់នារី និង សមភាពភេទ តែងបានគណៈកម្មាធិការបក្ស រដ្ឋអំណាច និងសមាគមសហព័ន្ធន៍នារីឃុំយកចិត្តទុកដាក់អនុវត្តល្អជានិច្ច។ សមាគមសហព័ន្ធន៍នារីឃុំ តែងម្ចាស់ការស្នើគណៈកម្មាធិការបក្ស និងរដ្ឋអំណាច ឲ្យបង្កលក្ខណៈជូននារីបានរៀនសូត្របង្កើនចំណេះដឹងដើម្បីធ្វើការងារ កសាងគ្រួសារ សម្បូររុងរឿង សមភាព សុភមង្គល និងសកម្មក្នុងការចូលរួមធ្វើការងារនយោបាយ សេដ្ឋកិច្ច-សង្គមនៅមូលដ្ឋាន។ ជាក់ស្តែងឆ្នាំ ២០២៣ សមាគម សហការជាមួយសមាគមសហព័ន្ធន៍នារីស្រុកបង្កលក្ខណៈជូនកម្មាភិបាល សមាជិកា ២២០ លើកនាក់ ក្នុងនោះមានកម្មាភិបាល សមាជិកាខ្មែរ ៥០% បានរៀនសូត្រ បង្កើនចំណេះដឹងអំពីសមភាពភេទ ចំណេះដឹងក្នុងការពង្រីកសេដ្ឋកិច្ច ។ល។

     អ្នកស្រី ថាច់ធីសាហ្វឹង នៅភូមិលេខ ២ ឃុំផុងភូ ជាអ្នកសកម្មក្នុងការចូលរួមបណ្តាសកម្មភាពដើម្បីភាពជឿនលឿនរបស់នារីខ្មែរនៅមូលដ្ឋាន។ បងសាហ្វឹងមានប្រសាសន៍ថា៖ ពីមុនខ្លួនខ្ញុំផ្ទាល់មិនសូវយកចិត្តទុកដាក់ក្នុងការរៀនសូត្របង្កើនចំណេះដឹងអំពីសមភាពភេទក៏ដូចជាចំណេះដឹងពាក់ព័ន្ធដល់នារី និងកុមារីឡើយ។ ពីព្រោះខ្ញុំយល់ឃើញថា ខ្ញុំជានារីភេទខិតខំធ្វើការងារមេ​ផ្ទះ​ឲ្យបាន​ល្អប៉ុណ្ណោះ ។ ឆ្នាំ ២០០៩ ខ្ញុំបានសមាគមសហព័ន្ធន៍នារីឃុំ ចលនាឲ្យចូលរួមបណ្តាសកម្មភាពហើយបានសមាគមបង្កលក្ខណៈឱ្យខ្ញុំបានចូលរួមបណ្តាវគ្គហ្វឹកហាត់បណ្តុះបណ្តាល ជំនួយឲ្យខ្ញុំយល់ដឹង ច្រើនអំពីបញ្ហាក្នុងសង្គមដែលនារីគួរយកចិត្តទុកដាក់អនុវត្ត។ ក្នុង​នោះ មានបញ្ហាមួយចំនួនដែលនារីត្រូវម្ចាស់ការធ្វើគឺបញ្ហាការពារ​សិទ្ធិ និង​ផល​ប្រយោជន៍​ស្រប​ច្បាប់ផ្ទាល់ខ្លួនក៏ដូចជាចូលរួមការពារសិទ្ធិ និងផលប្រយោជន៍របស់​នារីនៅមូលដ្ឋានជាដើម។

     បងស្រីត្រេវធីង៉ុកឡិន អនុប្រធានសមាគមសហព័ន្ធន៍នារីស្រុកកូវកែមានប្រសាសន៍ថា៖ ដើម្បីផ្សព្វផ្សាយឲ្យបានទូលំទូលាយបណ្តាសកម្មភាពដើម្បីភាពជឿនលឿនរបស់នារីនិ​យាយរួម នារីខ្មែរនិយាយដោយឡែកជំនួយឲ្យបងប្អូននារីគ្រប់រូបយល់អំពីតួនាទី និងភារកិច្ចរបស់ខ្លួនក្នុងសង្គម ។ ទន្ទឹមនឹងនោះ សមាគម សហការជាមួយបណ្តាផ្នែកមានសមត្ថកិច្ចបង្កើនការផ្សព្វផ្សាយជាច្រើនរូបភាពនិងអនុវត្តល្អការងារបណ្តុះបណ្តាល បំពាក់បំប៉នចំណេះដឹងជូនបងប្អូននារីគ្រប់រូបក្នុងស្រុក ដើម្បីបងប្អូននារីម្ចាស់ការក្នុងការការពារសិទ្ធិ ផលប្រយោជន៍ផ្ទាល់ខ្លួន ព្រមទាំងចូលរួមការពារសិទ្ធិ និងផលប្រយោជន៍ស្របច្បាប់ជូនបងប្អូននារី និងកុមារីរួមក្នុងទូទាំងស្រុក៕

អត្ថបទ- រូបថត៖ សុជា