ស្ងើចសរសើរសមូហភាព បុគ្គលក្នុងការងារស្វែងរកចាប់ខ្លួនបន្ទាន់ករណីប្លន់ហាងមាសនៅស្រុកចូវថាញ់

            កាលពីថ្ងៃទី ៨ ខែធ្នូ នគរបាលខេត្តត្រាវិញ ចាត់តាំងពិធីស្ងើចសរសើរ ជូនរង្វាន់ដល់សមូហភាព បុគ្គលដែលមានស្នាដៃឆ្នើមក្នុងការធ្វើឱ្យជាក់ច្បាស់ដោយរួសរាន់ករណីប្លន់ទ្រព្យសម្បត្តិដែលកើតមានឡើងនៅហាងលក់មាសនាអនុសង្កាត់លេខ ៣ ទីប្រជុំជនចូវថាញ់ ស្រុកចូវថាញ់ក្នុងរាត្រីថ្ងៃទី ៣០/១១/២០២៣។

            អញ្ជើញចូលរួម និងចង្អុលការពិធីនេះ មានសមមិត្ត ឡេងវ៉ាំងហាំង អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្ត លោកវរសេនីយ៍ឯក ត្រឹងស្វឹងអាញ់  នាយកនគរបាលខេត្តអញ្ជើញចូលរួមជាអធិតី។ ចូលរួមពិធីនោះ នៅទាំងមាន វរសេនីយ៍ឯក ឡេវ៉ាំងទឺ នាយករងនគរបាលខេត្ត ថ្នាក់ដឹកនាំបណ្ដាអង្គភាពជំនាញការ និងបណ្ដាសមូហភាព បុគ្គលមានស្នាដៃឆ្នើមក្នុងការងារត្រួតពិនិត្យ ស្វែងរកធ្វើឱ្យច្បាស់ករណីប្លន់ទ្រព្យសម្បត្តិដូចពោលខាងលើ។

សមមិត្ត ឡេវ៉ាំងហាំង ស្ងើចសរសើរដល់បណ្តាបុគ្គលមានស្នាដៃឆ្នើម។ ផាមហើង

            របាយការណ៍ក្នុងពិធីនោះ វរសេនីយ៍ឯកបម្រុង វ៉វ៉ាំងក្វឹក ប្រធានការិយាល័យតម្រួតព្រហ្មទណ្ឌនៃនគរបាលខេត្តបានឱ្យដឹងថា ជាករណីដែលមានលក្ខណៈធ្ងន់ធ្ងរ មុខសញ្ញាអនុវត្តអំពើយ៉ាងគ្រោះថ្នាក់ គ្មានគិតវែងឆ្ងាយ ប្រថុយ មានការប្រើប្រាស់អាវុធដើម្បីបង្ករឿង និងមានចេតនាអនុវត្តអំពើបំពានដល់ទីបំផុត។

            រឿងរ៉ាវ ឆាប់បានលេចឮលើបណ្ដាញសង្គម និងកាន់តែបង្កភាពចចាមអារ៉ាមក្នុងប្រជាជន។ គណៈនាយកនគរបាលខេត្ត បានចង្អុលការការិយាល័យតម្រួតព្រហ្មទណ្ឌ សហការជាមួយបណ្ដាកងកម្លាំងពាក់ព័ន្ធផ្សព្វផ្សាយបណ្ដាវិធានការវិជ្ជាជីវៈព្រមៗគ្នា ចាត់តាំងតាមចាប់ខ្លួនមុខសញ្ញា។

            ជាមួយកិច្ចចង្អុលការយ៉ាងប្ដូរផ្ដាច់របស់គណៈនាយកនគរបាលខេត្ត កិច្ចសហការ​ស្អិតល្មួតរវាងបណ្ដាកងកម្លាំង នាយកដ្ឋានជំនាញការនគរបាលខេត្តទៀងយ៉ាង និងការ​ជួយឧបត្ថម្ភរបស់ប្រជាជន នគរបាលខេត្តត្រាវិញបានរកឃើញ និងចាប់មុខសញ្ញាបង្កហេតុការណ៍ជាបន្ទាន់ត្រឹមតែក្រោយរយៈពេល ៣ ម៉ោង។

            សមមិត្ត ឡេវ៉ាំងហាំង អនុលេខាគណៈកម្មាធិការបក្សខេត្ត ប្រធានគណៈកម្មាធិការ​ប្រ​ជាជនខេត្ត ស្ងើចសរសើរស្មារតីទទួលបន្ទុក និងចំណេះវិជ្ជាជីវៈរបស់នគរបាលខេត្តត្រា​វិញក្នុងការងារតស៊ូបង្ការ ប្រឆាំងបទល្មើសនាពេលកន្លង សក្ដិសមជាខែលការពារបក្ស រដ្ឋ និងការពារប្រជាជន។

            ឱកាសនេះ ប្រធានគណៈកម្មាធិការប្រជាជនខេត្តបានជូនកម្រងផ្កាប្រសិទ្ធពរនគរបាលខេត្តតា្រវិញ ជូនរង្វាន់ជាបន្ទាន់ដល់សមូហភាព ៦ កន្លែងស្ថិតក្រោមឱវាទនគរបាលខេត្តត្រាវិញដែលមានស្នាដៃឆ្នើមពិសេស។ ជូនបណ្ណសរសើរដល់សមូហភាព ២ កន្លែង និងបុគ្គល ៦ រូបស្ថិតក្រោមឱវាទគរបាលខេត្តត្រាវិញ នគរបាលខេត្តទៀងយ៉ាង និងការិយាល័យគរុការណ៍នៃតម្រួតព្រហ្មទណ្ឌ។ នាយកនគរបាលខេត្តជូនលិខិតសរសើរដល់​បុគ្គល ១៦ រូបស្ថិតក្រោមឱវាទនគរបាលខេត្ត និងបុគ្គល ៥ រូបជាពលរដ្ឋមានការរួមចំណែក ឧបត្ថម្ភកងកម្លាំងនគរបាលក្នុងដំណាក់កាលរកឃើញរឿងក្ដី៕

​ប្រែសម្រួល៖ សម្បត្តិ