សមាជិកសមាគមអតីតយុទ្ធជនជួយគ្នាពង្រីកសេដ្ឋកិច្ច

    សមាគមអតីតយុទ្ធជនឃុំដូងចូវ ស្រុកយ្វៀងហាយពង្រីកល្អប្រវេណីកងទ័ពអ៊ំហូក្នុងការជួយឧបត្ថម្ភគ្នាក្នុងសមាជិកពង្រីកសេដ្ឋកិច្ចគ្រួសារ ឈានឡើងចាកផុតភាពក្រីក្រក្នុងជីវភាព។ សមាគមមពង្រីកសមាជិកបាន ២៤២ រូប ក្នុងនោះមានសមាជិកជាជនជាតិខ្មែរ ១៦៨ រូប ។

   គិតតាំងពីដើមឆ្នាំ ២០២៣ មកទល់ពេលនេះ សមាគមអតីតយុទ្ធជនឃុំដូងចូវបំផុសចលនា ជួយគ្នាពង្រីកសេដ្ឋកិច្ចបាន ​ ៣៨ លានដុង បង្កើនចំនួនគិតមកទល់ពេលនេះ បង្កមូលនិធិបានជាង ៩៥ លានដុងដោយមានសមាជិកជាង ៨០ រូបចូលរួមបំពេញ ដោះស្រាយឱ្យសមាជិក ៣៦ រូបខ្ចីសម្រាប់ពង្រីកសេដ្ឋកិច្ចគ្រួសារ ។

សមមិត្ត ថាច់បុត្ត(ឈរ) ចូលរួមកិច្ចបប្រជុំជាមួយបណ្ដាសមាជិកផ្សព្វផ្សាយផែនការរបស់សមាគម។

      សមាជិក ថាច់នៀង នៅភូមិសារយ៉ាំង បានឱ្យដឹងថា៖ បំផុសចលនាបង្កមូលនិធិជួយគ្នាពង្រីកសេដ្ឋកិច្ច ជួយឱ្យមនោសញ្ចេតនារវាងបណ្ដាសមាជិកក្នុងសាខាសមាគមបានជិតស្និទ្ធជាមួយគ្នាជាង មានការយោគយល់គ្នាជាង។ ក្រៅពីនោះ សមាគមអតីតយុទ្ធជន ចលនាបង្កើតក្រុមសហការចិញ្ចឹមលៀសសមុទ្របានមួយក្រុម នៅភូមិផ្សារ ដោយមានសមាជិក ១១ រូបចូលរួម មានទុនលក្ខន្តិកៈចំនួន ៥៤ លានដុង អាស្រ័យសមមិត្តគណៈអចិន្ត្រៃយ៍សមាគមធ្វើជាប្រធាន ។ សមាគមកសាងផែនការធ្វើរចនាសម្ព័ន្ធសេដ្ឋកិច្ចកសិកម្មឡើងវិញ ភ្ជាប់​ជាមួយកសាងជនបទថ្មី ចាត់តាំងឡើងវិញការផលិត។​ លទ្ធផល មានសមាជិក ១២ រូបបង្វែរផ្ទៃដីអន់ប្រសិទ្ធភាព ០,៨ ហិកតាមកដាំដំណាំ ដាំស្មៅចិញ្ចឹមគោ ចិញ្ចឹមបង្កងបច្ចេក​វិទ្យាខ្ពស់។

   សមមិត្ត សឺនខន ប្រធានក្រុមសហការចិញ្ចឹមលៀសសមុទ្រ នៅភូមិផ្សារបានឱ្យដឹង៖ បង្កើតក្រុមសហការចិញ្ចឹមលៀសសមុទ្រសំដៅប្រមូលផ្ដុំបណ្ដាសមាជិកក្រុមចូលរួមចិញ្ចឹមលៀសសមុទ្រដោយចំនួនច្រើន ដើម្បីឆ្លើយតបតាមចំនួនកក់ទំនិញរបស់បណ្ដាឈ្មួញ ។ រយៈពេលថ្មីៗនេះ ប្រមូលផលលៀសសមុទ្រលក់ឱ្យឈ្មួញ បង្កើនប្រាក់កម្រៃជូនបណ្ដាសមាជិកឡើងប្រមាណ ២០% គុណភាព ទិន្នផលលៀសសមុទ្រកើនឡើងប្រមាណ ៨%។   ទង្វើមួយក្នុងបណ្ដាទង្វើជួយគ្នាពង្រីកសេដ្ឋកិច្ច នោះគឺបំផុសចលនាបណ្ដាសមាជិកបង្កើត​ក្រុមប្រិតសំចៃ បុលទុន បាន ៨ ក្រុមដោយអាស្រ័យសមាជិកសមាគមអតីតយុទ្ធជនធ្វើជាប្រធានក្រុម បង្កលក្ខណៈឱ្យគ្រួសារ ៤២៧ គ្រួបុលទុនពីធនាគារគោលនយោបាយសង្គមស្រុក បានជាង ១២,៨ ពាន់លានដុង។ ក្នុងនោះ មានសមាជិកជាង ៦០ រូបចូលរួមបុលទុន ជាមួយប្រាក់ទុនជាង ៣ ពាន់លានដុង។ ផ្ដើមពីប្រភពទុនខាងលើ សមាជិកជាច្រើនកាន់តែបើកទូលាយទម្រង់ចិញ្ចឹម គោ ហ្វូងពពែតាមលក្ខណៈគ្រួសារកាន់តែច្រើនឡើង។ អាស្រ័យហេតុនោះ សមាគមានគ្រួសារសមាជិកក្រីក្រ ៦/៧ គ្រួគ្រប់លក្ខណៈចាកផុតភាពក្រីក្រ សម្រេច ១៥០%ប្រៀបជាមួយភាគកម្រិត។

    សមមិត្ត ថាច់បុត្ត ប្រធានសមាគមអតីតយុទ្ធជនឃុំដូងចូវ បានឱ្យដឹងថា៖ ដោយអាស្រ័យធ្វើល្អការងារផ្សព្វផ្សាយ ញ៉ាំងឱ្យបណ្ដាចលនា ជួយគ្នាពង្រីកសេដ្ឋកិច្ចក្នុងសមាជិកអតីតយុទ្ធជនកាន់តែ​បង្កភាពសាយភាយទូលំទូលាយ ។ អនុវត្តល្អសេចក្ដីសម្រេចលេខ ២៩០/២០០៥/QĐ-TTg ចុះថ្ងៃទី ០៨/១១/២០០៥ របស់នាយករដ្ឋមន្ត្រីនៃរដ្ឋាភិបាល “ស្ដីពីរបប គោលនយោបាយចំពោះមុខសញ្ញាមួយចំនួនចូលរួមធ្វើសង្គ្រាមផ្ទាល់ប្រឆាំងអាមេរិកសង្គ្រោះជាតិ ប៉ុន្តែមិនទាន់ទទួលបានគោលនយោបាយរបស់បក្ស និងរដ្ឋ” បានដោះស្រាយឱ្យសមាជិកសមាគមជាច្រើនទទួលផល រួមចំណែកអនុវត្តល្អការងារសុខុមាល​ភាពសង្គមលើភូមិសាស្រ្តឃុំ។

អត្ថបទ-រូបថត៖ សម្បត្តិ