សាលាបឋមសិក្សាថាញ់ស៊ើងខិតខំគិតគូរដល់សិស្សក្រីក្រ

ថ្នាក់រៀននៅសាលាបឋមសិក្សាថាញ់ស៊ើង។ រូបថត៖ អាញ់ខ្វា

            លោកគ្រូត្រឹមស្វឹងឡេន ចាងហ្វាងសាលាបឋមសិក្សាថាញ់ស៊ើងបានឲ្យដឹង៖​ ក្នុងបណ្តាឆ្នាំកន្លងមូលដ្ឋាន សម្ភារ ឧបករណ៍សម្រាប់ប្រើប្រាស់ក្នុងសាលាតែងបានយកចិត្តទុកដាក់វិនិយោគជាបន្តិចម្តងៗ តាមទិសដៅរឹងមាំ សម្រេចសម្បទា ឆ្លើយតបតម្រូវការផ្លាស់ថ្មីក្នុងវិស័យអប់រំ។ ថ្វីត្បិតដូច្នោះក្ដី អាស្រ័យដោយលក្ខណៈសេដ្ឋកិច្ច-សង្គមរបស់ឃុំនៅជួបការលំបាកច្រើន ម៉្លោះហើយការសិក្សារបស់ប្អូនៗក៏នៅជួបបញ្ហាលំបាក។ អាស្រ័យហេតុនោះ គណៈចាងហ្វាងសាលាបង្កើនការផ្សព្វផ្សាយជួយកម្មាភិបាល គ្រូបង្រៀន ឪពុកម្តាយសិស្ស លើកកម្ពស់ចំណេះដឹងអំពីការងារសង្គមូបនីយ កម្មអប់រំ ចលនារាល់កងកម្លាំងសង្គមចូលរួម ដើម្បីសិស្សជាទីស្រឡាញ់។ ផ្តើមពីនោះ មានសិស្សជាច្រើនមានស្ថានភាពលំបាកខ្លាំងបានឧបត្ថម្ភទាន់ពេលដើម្បីបន្តការសិក្សា។

          បង្រៀនច្រើនឆ្នាំនៅតំបន់ជ្រៅមានជនជាតិខ្មែររស់នៅច្រើន កម្មាភិបាល គ្រូបង្រៀនសាលា​តែងយល់ច្បាស់នូវការលំបាករបស់សិស្សម្នាក់ៗ ​ជាពិសេសគឺកូនចៅរបស់បណ្តាគ្រួសារក្រីក្រ ក្នុងនោះមានសិស្សជាច្រើនអាស្រ័យឪពុកម្តាយទៅធ្វើការនៅទីឆ្ងាយ រស់នៅជាមួយជីដូន ជីតា ញាតិសន្តាន។ ជាមួយនឹងការខ្វល់ខ្វាយនោះ សាលាបានអនុវត្តទម្រង់សង្គមូបនីយកម្មអប់រំហើយឆ្លងតាមរយៈនោះ បំផុសចលនាបណ្តាអង្គការចាត់តាំង បុគ្គលនៅក្នុងនិងក្រៅសាលាចូលរួមគបវាល់សម្ភារ និងប្រាក់មុខសម្រាប់ឧបត្ថម្ភទាន់ពេលដល់សិស្សដែលមានស្ថានភាពលំបាកបន្តការសិក្សា។ គិតតាំងពីឆ្នាំ ២០១៦ មកដល់បច្ចុប្បន្ន កម្មាភិបាល គ្រូបង្រៀនសាលា បំផុសចលនាសប្បុរសជនឧបត្ថម្ភសិស្សបាន ៣.៨៧៤ លើក នាក់ សរុបទឹកប្រាក់ជិត ៣៣០​ លានដុង ឧបត្ថម្ភអហារូបករណ៍ ១៨០​ ចំណែក ជូនទោចក្រយាន ២៧ គ្រឿង សៀវភៅសរសេរ ១៨.៨១៥ ក្បាល ប៊ិចជាង ២.០០០ ដើម អាវ ៤៣ អាវ អង្ករជិត ០២ តោន និងអំណោយ ១៧០ ចំណែក។ល។ ទន្ទឹមនឹងនោះ បំផុសចលនាប្រជាជននៅជិតសាលាបរិច្ចាគដីជាង ២.០០០ ម៉ែត្រក្រឡា ដើម្បីកសាងបន្ទប់អនាម័យ បើកទូលាយទីធ្លាលេងកម្សាន្ត​ កសាងបន្ថែមបន្ទប់រៀនថ្មីដើម្បីធានាមូលដ្ឋានសម្ភារជួយឲ្យសាលាសម្រេចសម្បទាជាតិ។

           ក្រៅពីនោះ សាលាបំផុសចលនាគ្រូបង្រៀន សិស្សបែងប្រភេទសំរាមដើម្បីលក់រាល់ខែ សំដៅបង្កប្រភពថវិកាទំនុកបម្រុងដល់សិស្សក្រីក្រ ០៦​ នាក់ រួមចំណែកការពារបរិស្ថានជ្រះស្អាតទៀតផង។ សាលាបានសហការជាមួយអង្គការសម្ព័ន្ធយុវជនឃុំបំផុសចលនាអនុវត្តទម្រង់ “​កាត់សក់ឥតគិតថ្លៃ” ជូនសិស្ស ៣១០  នាក់ដែលមានស្ថានភាពក្រលំបាក។ល។  មីងស៊ើងធីចង  មានចៅឈ្មោះគឹមថាញ់ដា  រៀនថ្នាក់ទី​ ៣ បានឲ្យដឹង៖ ឪពុកម្តាយរបស់ចៅដាទៅធ្វើការនៅទីឆ្ងាយ ប៉ុន្មានឆ្នាំមកអាយនេះ បានសាលាជូនសៀវភៅ ប៊ិច និងប្រាក់សម្រាប់ប្រើប្រាស់ក្នុងការសិក្សា មានពេល ខ្លះជូនទាំងអង្ករផង។ ទោះបីជួបការលំបាក ខ្ញុំក៏ខំគិតគូរឲ្យចៅសិក្សា អាស្រ័យបានលោកគ្រូអ្នកគ្រូជូនអំណោយ ទើបយាយចៅខ្ញុំកាត់បន្ថយបានការលំបាក ចំណែកឪពុកម្តាយចៅដា មួយខែទើបផ្ញើប្រាក់មកឲ្យម្តងហេតុនោះហើយជីវភាពតែងនៅខ្វះមុខខ្វះក្រោយ។

           លោកគ្រូត្រឹមស្វឹងឡេន ឲ្យដឹងបន្ថែមថា៖ ឆ្នាំសិក្សា ២០២០-២០២១ សាលាបឋមសិក្សាថាញ់ស៊ើងមានសិស្ស ៦១៩​ នាក់ ក្នុងនោះមានសិស្សខ្មែរ ៤៩៧​ នាក់  សិស្សក្រីក្រ ៣៩ នាក់ សិស្សជិតក្រ ១២០ នាក់។ សាខាបក្ស គណៈចាងហ្វាងសាលាបន្តបំផុសចលនាប្រភពកម្លាំងឧបត្ថម្ភដល់សិស្សក្រីក្រ ជិតក្រ។ ក្នុងនោះឆ្លៀតយកការឧបត្ថម្ភរបស់គណៈកម្មាធិការបក្ស គណៈកម្មាធិការប្រជាជនឃុំ ដើម្បីជួយដល់សិស្សក្រីក្រ បន្តរក្សាបណ្តាទម្រង់ជាក់ស្តែង។ ជាពិសេសឧបត្ថម្ភបណ្តើរ ផ្សព្វផ្សាយបណ្តើរ សំដៅជួយសិស្ស និងឪពុកម្តាយសិស្សយល់ជ្រៅជ្រះជាងទៀតអំពីការសិក្សា បង្កជាកម្លាំងជំរុញដើម្បីប្អូនៗបន្តការសិក្សាឲ្យបានល្អ កាត់បន្ថយដល់កម្រិតទាបបំផុតស្ថានភាពសិស្សបោះបង់ការរៀនសូត្រពាក់កណ្តាលការ៕

ប្រែសម្រួល៖ សុខា