គំរូក្នុងចលនាប្រិតសំចៃអគ្គិសនី

មីងង្វៀងធីលិន ពិនិត្យម៉ូតឿ។ រូបថត៖ ទ្រឿងង្វៀង
     បន្ទាប់ពីបានស្វែងយល់យើងខ្ញុំបានដឹងថា៖ បូកសរុបលទ្ធផលអនុវត្តបែបបទសហការរវាងអគ្គិសនីកូវកែ និងបណ្ដាផ្នែកអង្គការមហាជនក្នុងឆ្នាំ ២០២០ គ្រួសារមីងង្វៀងធីលិញបាននាយកក្រុមហ៊ុនអគ្គិសនីត្រាវិញស្ងើចសរសើរជូនរង្វាន់ស្នាដៃគ្រួសារអនុវត្តសកម្មចលនាប្រិតសំ ចៃអគ្គិសនី និងប្រើប្រាស់អគ្គិសនីសុវត្ថិភាព មានប្រសិទ្ធភាព។
     ជាសមាជិកាសមាគមនារី មីងង្វៀងធីលិញតំណាងឲ្យសាខាសមាគមនារីភូមិចូលរួមប្រជុំជីវភាពអំពីការផ្សព្វផ្សាយប្រិតសំចៃអគ្គិសនី ម៉្លោះហើយមីងក្ដាប់បានចំណេះដឹងសំខាន់ៗស្ដីពីរបៀបប្រិតសំចៃអគ្គិសនីក្នុងការ ប្រជុំជីវភាព គ្រួសារ។ ផ្ដើមពីនោះ នៅរាល់ពេលប្រជុំជីវភាព សាខាសមាគមម្ដងៗ មីងង្វៀងធីលិញតែងចែករំ លែកបទពិសោធន៍ដល់បងប្អូនជាសមាជិកា។ អាស្រ័យហេតុនោះ គ្រួសារជិត ១០០ គ្រួដែលមាន សមាជិកា សមាគមនារីក្នុងភូមិតែងចូលរួមបណ្ដាវិធានការប្រិតសំចៃអគ្គិសនី និងប្រើអគ្គីសនី សុវត្ថិភាព មានប្រសិទ្ធភាព។
     គ្រួសារមីងលិញ មានសមាជិក ០៤ នាក់។ អាស្រ័យមិនទាន់មានទឹកម៉ាស៊ីនសម្រាប់ប្រើប្រាស់ ម៉្លោះហើយ ត្រូវប្រើទឹកអណ្ដូងស្នបដោយប្រើ ម៉ូតឿសម្រាប់បូម។ កាលមិនទាន់អនុវត្តបណ្ដា វិធានការប្រិតសំចៃអគ្គិសនីគ្រួសារគាត់វាល់ប្រាក់ អគ្គិសនីក្នុងមួយខែពី ៣៥០.០០០-៤០០.០០០ ដុង។ ចាប់តាំងពីពេលបានផ្លាស់អំពូលភ្លើងថ្មី និងវិនិយោគកសាងអាងសម្រាប់ដាក់ទឹក ០២ ធំៗ បាន ជួយកាត់បន្ថយប្រាក់អគ្គិសនីក្នុងមួយខែនៅតែពី ១២០.០០០-១៤០.០០០ដុង។
     មីងលិញបានឲ្យដឹងថា៖ វិធានការជួយឲ្យគ្រួសារប្រិតសំចៃអគ្គិសនីមានប្រសិទ្ធភាពនោះគឺអាស្រ័យដោយវិនិយោគកសាងបានអាង ០២ សម្រាប់ដាក់ទឹកប្រើរាល់ថ្ងៃ។ កាលមិនទាន់មានអាង ក្នុងមួយថ្ងៃៗត្រូវបូមទឹកពីអណ្ដូងស្នបច្រើន លើកសម្រាប់ប្រើបង់ប្រាក់អគ្គីសនីច្រើន។ ក្រោយពេលមានអាង ក្នុងមួយសប្ដាហ៍បូមទឹកតែម្ដង ពេលទឹកពេញអាងទាំង ០២ ប្រើសន្សឹមៗរហូត ដល់អស់ទឹកបូមបន្តទៀត។ វិធានការនេះមិន ត្រឹមតែជួយឲ្យគ្រួសារម្ចាស់ការបានប្រភពទឹក មិនបារម្ភពេលដាច់អគ្គិសនីឬដាច់ទឹកក្នុងអាង ហើយនៅទាំងជួយឲ្យមានទឹកស្អាតសម្រាប់ ប្រើប្រាស់ព្រោះបានទុកទឹកឲ្យរងកករចុះបាតអាងទៀតផង៕   

ប្រែសម្រួល៖ ថាច់ហ្វាង