ដោះស្រាយការងារធ្វើ និងកាត់បន្ថយភាពក្រីក្រចីរភាព៖ ពេលដែលនារីធ្វើម្ចាស់ប្រាក់ទុន

          លោកស្រីវ៉ធីធូហឿង នាយិកាមូលនិធិ ឧបត្ថម្ភនារីអភិវឌ្ឍន៍ខេត្តត្រាវិញបានឲ្យដឹង៖ មូលនិធិបានបង្កើតតាមសេចក្តីសម្រេចចិត្តលេខ​ ១៥៥១/QĐ-UBND ចុះថ្ងៃទី​ ២៤ កញ្ញា ឆ្នាំ ២០១៤  របស់គណៈកម្មាធិការប្រជាជនខេត្តត្រាវិញ ដើម្បីអនុវត្តបណ្តាសកម្មភាពឧបត្ថម្ភនារីក្រីក្រ បង្កការងារធ្វើ និងបង្កើនប្រភពចំណូលឆ្លងតាមបណ្តាសកម្មភាពទទួលបណ្តាប្រភពទុនគួបផ្សំជាមួយឧបត្ថម្ភបច្ចេកទេស និងចងសម្ព័ន្ធទីផ្សារកែលម្អជីវភាព ពង្រីកសេដ្ឋកិច្ចកាត់បន្ថយភាពក្រីក្រចីរភាព។ មូលនិធិឧបត្ថម្ភនារីអភិវឌ្ឍន៍ ធ្វើសកម្មភាពដើម្បីការអភិវឌ្ឍន៍របស់នារី មិនមែនដើម្បីចំណេញ យោងតាមលក្ខការណ៍ គិតគូរអំពីថវិកាដោយ ខ្លួនឯង។

កសិករប្រមូលផលស្រូវ។ រូបថត៖ រតនា

        ក្នុងរយៈកាល ០៦ ឆ្នាំកន្លង មូលនិធិឧបត្ថម្ភនារីអភិវឌ្ឍន៍បានក្លាយជាដងថ្លឹងជួយឲ្យនារីធ្វើសកម្មភាព ជឿនលឿន លើគ្រប់វិស័យ។ ក្នុងនោះ ក្រុមមុខសញ្ញាគោលដៅរបស់មូលនិធិឧបត្ថម្ភនារីអភិវឌ្ឍន៍ជាគ្រួសារក្រីក្រ និងជិតក្រ​មានប្រភពចំណូលទាប និងបណ្តាគ្រួសារដែលមានលក្ខណៈពង្រីកសេដ្ឋកិច្ច បណ្តាគ្រួសារបានចូលរួមក្នុងដំណាក់កាលអនុវត្តសកម្មភាពរបស់គម្រោងការ៖ ពង្រីកកន្សោមតម្លៃ ឧបត្ថម្ភទម្រង់មុខរបររកស៊ីសម្របសម្រួលជាមួយអាកាសធាតុប្រែប្រួល បណ្តាក្រុមសហការ បណ្ដាក្រុមសហគមន៍មានគោលដៅតែមួយ មានតម្រូវការបុលទុនសម្រាប់ពង្រីកការផលិតសេដ្ឋកិច្ច។

ក្នុងរយៈកាលជាង ០៦ ឆ្នាំធ្វើសកម្មភាព សរុបថវិការបស់មូលនិធិឧបត្ថម្ភនារីអភិវឌ្ឍន៍ មកដល់បច្ចុប្បន្នសម្រេច ៨១,៥២១ ពាន់លានដុង។​ ក្នុងនោះប្រាក់ទុនបុលពីក្រសួងហិរញ្ញវត្ថុ ៣៣,២២៤ ពាន់លានដុង ទុនធនាគារគោលនយោបាយសង្គមប្រគល់ឲ្យ ២២,៨៥៣ ពាន់លានដុង ទុនប្រិតសំចៃដោយបង្ខំ ១៧,៧០៥ ពាន់លានដុង ទុនលក្ខន្តិកៈ ៣,៧៣៤ ពាន់លានដុង បណ្តាទុនយកពីប្រាក់ចំណេញរៀងរាល់ឆ្នាំ ៤,១០៤ ពាន់លានដុង។ មកដល់បច្ចុប្បន្នមូលនិធិឧបត្ថម្ភនារីអភិវឌ្ឍន៍បង្កើតបាន ២.០៥៣ ក្រុម​ដោយមានសមាជិកា ១៦.២៦៦ នាក់ ចូលរួមនៅ ៧០ ឃុំ ទីប្រជុំជន សង្កាត់របស់ ៧ ស្រុក ជំនួយឲ្យសមាជិកា ៣៩.៣៩២ លើកនាក់បុលមធ្យម ៨,៨ លានដុងក្នុងមនុស្សម្នាក់ ក្នុងនោះបណ្តាប្រភពទុនបុលប្រើប្រាស់ក្នុងកសិកម្មស្រូបយកអត្រា ៥៩,៤% និងបង្កបណ្តាចំនួនប្រាក់ដែលបុលសម្រាប់សកម្មភាពក្រៅកសិកម្ម ៤០,៦%។ អត្រាប្រមូលដើមទុននិងប្រាក់ចំណេញជារៀងរាល់ឆ្នាំសម្រេច ៩៩,៥%។

         អាចនិយាយថា គុណភាព​សេវារបស់មូលនិធិឧបត្ថម្ភនារីអភិវឌ្ឍន៍នាំមកផលប្រយោជន៍និងលទ្ធផលយ៉ាងច្រើន រូបភាពឲ្យបុលតាមរយៈ ក្រុមទទួលធានាសំណុំបែបបទបុលទុនសាមញ្ញ ងាយស្រួល​ និងដោះស្រាយរហ័ស។ ក្រៅពីនោះ មូលនិធិឧបត្ថម្ភនារីអភិវឌ្ឍន៍ នៅទាំងគួបផ្សំជាមួយបណ្តាសកម្មភាពរបស់សមាគមក៏ ដូចជាបណ្តាសកម្មភាពសង្គម​ចូលក្នុងខ្លឹមសារប្ជុំជីវភាពក្រុម សំដៅបង្កើនចំណេះដឹង និងលទ្ធភាពជូនបងប្អូននារី។

        លោកស្រីវ៉ធីធូហឿងបានឲ្យដឹងបន្ថែម៖ នារីទទួលបានមូលនិធិឧបត្ថម្ភនារីអភិវឌ្ឍន៍យ៉ាងឆាប់រហ័ស ធម្មតា និងស្និទ្ធស្នាល មានបងប្អូននារីក្រីក្រជាច្រើនបានបុលទុនរបស់មូលនិធិឧបត្ថម្ភនារីអភិវឌ្ឍន៍សម្រាប់ផលិត និងធ្វើអាជីវកម្មទទួលបានលទ្ធផល បង្កើនប្រភពចំណូល​និងគុណភាពជីវភាព។ ឆ្លងតាមសកម្មភាព មូលនិធិឧបត្ថម្ភនារីអភិវឌ្ឍន៍​ មានសមាជិកាជាង ៦០០ នាក់បានរួចផុតពីភាពក្រីក្រ។ ចាត់តាំងហ្វឹកហាត់បណ្តុះបណ្តាលបាន ១៨០ ថ្នាក់ជូនដល់បណ្តាសមាជិកាដែលបានបុលទុន អំពីបែបបទធ្វើសកម្មភាពរបស់មូលនិធិ វិធីសាស្រ្តគ្រប់គ្រងក្រុម បណ្តាចំណេះដឹងអំពីការផលិត ធ្វើអាជីវកម្ម ប្រើប្រាស់ប្រាក់ទុនមានលទ្ធផល។ល។ ផ្តើមពីនោះជំនួយឲ្យនារីអះអាងបាននូវជំហរក្នុងគ្រួសារនិងសង្គម។

         មូលនិធិមិនត្រឹមតែឧបត្ថម្ភគ្រួសារក្រីក្រ នៅទាំងបន្តឧបត្ថម្ភបណ្តាសមាជិកាដែលបានរួចផុតពីភាពក្រីក្រឲ្យមានប្រភពចំណូលខ្ពស់ជាងទៀត អាស្រ័យដោយបណ្ដាសកម្មភាពធ្វើអាជីវកម្មតូច ដើម្បីវិនិយោគផលិត ធ្វើអាជីវកម្មបង្កើនប្រភពចំណូលជូនគ្រួសារ រួមចំណែកកសាងជនបទថ្មី កសាងជីវភាពជឿនលឿនអារ្យធម៌។ ការទទួលបានជោគជ័យរបស់មូលនិធិបានឈានមុខក្នុងកិច្ចសហការក្នុងការដោះស្រាយបណ្តាបញ្ហាសេដ្ឋកិច្ច ទន្ទឹមនឹងនោះបណ្តាបញ្ហាសង្គមចំពោះនារីក្រីក្រ​ជិតក្រ នារីមានប្រភពចំណូលទាបមិនលំនឹង។

        “លំនឹង ជំនាញ​និងអភិវឌ្ឍន៍” ជាលក្ខឋាន ៣​ យ៉ាង កំណត់ទិសដៅជួយឲ្យមូលនិធិឧបត្ថម្ភនារីអភិវឌ្ឍន៍ត្រាវិញ​ ធ្វើសកម្មភាព ខិតខំដល់ឆ្នាំ ២០២២ នឹងក្លាយជាអង្គការចាត់តាំងហិរញ្ញវត្ថុមានទ្រង់ទ្រាយធំ ឈានដល់ការកសាងបណ្តារូបភាពឧបត្ថម្ភសម្បូរបែប ដើម្បីបង្កការងារធ្វើ បង្កើនប្រភពចំណូល និងពង្រីកសេដ្ឋកិច្ចស្ថិរភាពជូននារី ជាពិសេសគឺនារីក្រីក្រ នារីមានប្រភពចំណូលទាប រួមចំណែកអនុវត្តភារកិច្ចពង្រីកសេដ្ឋកិច្ច-សង្គម កាត់បន្ថយភាពក្រីក្រ និងដោះស្រាយការងារធ្វើរបស់ខេត្ត ដើម្បីភាពជឿនលឿន​ និង​ការអភិវឌ្ឍន៍របស់នារី៕                    

ប្រែសម្រួល៖ សុខា