ស្រុកថ្កូវយកចិត្តទុកដាក់ថែទាំកុមារក្នុងរដូវវិស្សមកាល

ដើម្បីបង្កើនការងារថែទាំ  និងអប់រំកុមារ ស្រុកថ្កូវបានផ្សព្វផ្សាយអនុវត្តល្អសារាចរលេខ ២០-CT/TW ចុះថ្ងៃទី ០៥ វិចិ្ឆកាឆ្នាំ ២០១២  របស់ការិយាល័យនយោបាយ នីតិកាលទី ១១ ស្តីពី “បង្កើនការដឹកនាំរបស់បក្សចំ​ពោះការងារថែទាំ អប់រំ និងការពារកុមារក្នុងស្ថានភាពថ្មី”។ ក្នុងនោះអនុវត្តល្អភារកិច្ចសំខាន់​ ៦ យ៉ាង៖ ធ្វើសេនាធិការ ចង្អុលការពិនិត្យវាយតម្លៃការអនុវត្តន៍សិទ្ធិកុមារ ការងារថែទាំកុមារ ការងារអប់រំកុមារ ការងារវប្បធម៌ ព័ត៌មាន កីឡា ទេសចរណ៍សម្រាប់​កុមារ និងអនុវត្តសិទ្ធិចូលរួមរបស់កុមារ។ ក្នុងការអនុវត្តន៍ការងារការពារកុមារនៅកម្រិតលេខ ៣ ក្នុងបណ្តាខែដើមឆ្នាំ ២០២១ ការិយាល័យពល កម្ម-យុទ្ធជនពិការ និងសង្គមកិច្ចស្រុក បានពិនិត្យឡើងវិញចំនួនកុមារដែលមានស្ថានភាពលំបាកខ្លាំង និងកុមារមានបាតុភាពធ្លាក់ទៅក្នុងស្ថាន​ភាពខ្លាំង។ ផ្តើមពីនោះ ធ្វើសេនាធិការទាន់ពេលជូនដល់ថ្នាក់ដឹកនាំស្រុកចង្អុលការ រួចដាក់ចេញបណ្តាវិធីសាស្រ្តទប់ស្កាត់ ឧបត្ថម្ភមានប្រសិទ្ធភាព។

អនុវត្តការងារថែទាំកុមារ ការិយាល័យពលកម្ម-យុទ្ធជនពិការ និងសង្គមកិច្ចស្រុកថ្កូវបានចំ​ណាយប្រាក់ឧបត្ថម្ភប្រចាំខែដល់កុមារពិការចំនួន ២១០ នាក់ ចំ​នួន ១៣៩ លានដុង បង្កើនការងារថែទាំកុមារកង្វះអាហារូបត្ថម្ភដែលមានអាយុក្រោមពី ៥ ឆ្នាំ(សម្រេចអត្រា ៥ %) អត្រាកុមារមានអាយុពី ៦-៣៦ ខែលេបវីតាមីន (អា) និងកុមារបានផ្តល់បណ្ណគាំ​ពារសម្រេច ១០០%។ ទន្ទឹមនឹងនោះ ការិយាល័យតែងសហការជាមួយបណ្តាផ្នែកពាក់​ព័ន្ធអនុវត្តល្អការងារអប់រំដល់កុមារ។ ជាក់ស្តែងគឺបំផុសចលនាឪពុកម្តាយសិស្សឲ្យជូនកុ​មារដែលមានអាយុពី ៣-៤ ឆ្នាំចំនួន ២.៧២២/៤.៨៩៤ នាក់ឱ្យទៅអាគារកុមារ សម្រេច​ ៥៥,៦% និងកុមារមានអាយុ ៥ ឆ្នាំចំនួន ២.៦៧៦/២.៧០០​ នាក់ទៅអាគារកុមារ សម្រេចអត្រា ៩៩,១១%។ ចំនួនសិស្សអនុវិទ្យាល័យក្នុងអំឡុងអាយុបានទៅរៀន ៨.២៤២/៨.៦៣១ នាក់​ ស្រូបយកអត្រា ៩៥,៥% ចំនួនកូនចៅជនរួមជាតិខ្មែរក្នុងអំឡុងអាយុបាន ទៅរៀន ៦.៥១៦/៦.៥១៦ នាក់ សម្រេច ១០០​% កុមារពិការក្នុងអំឡុងអាយុបានទៅរៀនបឋមសិក្សា ២៩ នាក់ កុមារជនជាតិខ្មែរអំឡុងអាយុរៀនអនុវិទ្យាល័យបានទៅរៀនចំនួន ៥.៧៥៩ នាក់។ ស្រុកបាន​ផ្សព្វផ្សាយអនុវត្តបណ្តាទម្រង់ “អាគារសុវត្ថិភាពបង្ការ បញ្ចៀសគ្រោះថ្នាក់របួសដល់កុមារ” នៅបណ្តាឃុំ៖ តឹងស៊ើង ថាញ់ស៊ើង ឡុងហ៊ីប និងហាមតឹង។

លោកស្រីង្វៀងធីថាញ់ទ្វី អនុប្រធានការិយាល័យពលកម្ម-យុទ្ធជនពិការ និងសង្គម​កិច្ចស្រុកថ្កូវ បានឱ្យដឹងថា៖ បណ្តាឆ្នាំមុនៗគ្មានរងឥទ្ធិពលនៃអាសន្នរោគកូវីដ-១៩ ឱ្យតែដល់រដូវវិស្សមកាល និងខែសកម្មភាពដើម្បីកុមារ ការិយាល័យពលកម្ម-យុទ្ធជនពិការ និងសង្គមកិច្ចតែងសហការជាមួយបណ្តាផ្នែកពាក់ព័ន្ធបង្កបរិយាកាសសប្បាយរីករាយសម្រាប់កុមារដូចជា៖ ពិធីប្រឡង “ផ្កាក្ងោកក្រហម” ប្រឡង “និទានរឿងសៀវភៅ” “កុមារមាំមួន កុមារឆ្លាត” នាំប្អូនៗចូលរួមសប្បាយនៅតំបន់ប្រមូលផ្តុំ។ល។ ដើម្បីប្អូនៗយល់​បានពីបរិយាកាសនៅវិស្សមកាល។ ឆ្នាំនេះ ផ្សព្វផ្សាយខែដើម្បីកុមារ រាល់កិច្ចការត្រៀម បម្រុងជាស្រេចក៏ស្រាប់តែការិយាល័យទទួលបានសារលិខិតជាច្រើនពីថ្នាក់លើឱ្យផ្អាកបណ្តាសកម្មភាពសម្រាប់កុមារ ដើម្បីធានាដល់ការងារបង្ការ ទប់ស្កាត់អាសន្នរោគកូវីដ-១៩។ ពីព្រោះតែការ​ឥទ្ធិពលដូចពោលខាងលើ រាល់សកម្មភាពកម្សាន្តសប្បាយនៅតាមបណ្តាកន្លែងកម្សាន្ត​សប្បាយសាធារណៈក៏ត្រូវផ្អាកដែរ។ ការិយាល័យសហការជាមួយបណ្តាផ្នែកពាក់ព័ន្ធ ផ្សព្វផ្សាយដល់ឪពុកម្តាយរបស់ប្អូនៗឱ្យយកចិត្តទុកដាក់ថែទាំប្អូននៅនឹងគ្រួសារ  បង្កឱ្យប្អូនៗកម្សាន្តសប្បាយនៅនឹងគ្រួសារដូចជា៖ មើលកម្មវិធីកុមារ ច្រៀងជាមួយបណ្តា​មិត្តលើទូរទស្សន៍ដោយពេលវេលាសមស្រប ជៀសវាងការឥទ្ធិពលដល់ភ្នែកទាំងគូរបស់ប្អូនៗ លេងល្បែងនៅនឹងគ្រួសារ។ល។  ទន្ទឹមនឹងនោះ ព្រមានដល់បណ្តាឪពុកម្តាយឲ្យយកចិត្តទុកដាក់បំប៉នអាហារូបត្ថម្ភឱ្យបាន​គ្រប់គ្រាន់ដើម្បីកាត់បន្ថយការស្រុតស្រកសរីរាងកាយរបស់ប្អូនៗ។

ដើម្បីអនុវត្តល្អជាងទៀតការងារថែទាំកុមារ ការិយាល័យពលកម្ម-យុទ្ធជនពិការ និងសង្គមកិច្ចស្រុកថ្កូវ ក៏បានដាក់ចេញគោលដៅ៖ កសាងបរិស្ថានរស់នៅសុវត្ថិភាព ស្និទ្ធស្នាល និងគត់មត់ដើម្បិអនុវត្តល្អជាងទៀតសិទ្ធិកុមារ។ ម្ចាស់ការបង្ការ កាត់បន្ថយ បំបាត់ចោលបណ្តាបាតុភាពបង្កឲ្យប៉ះពាល់ និងជួយឧបត្ថម្ភ ស្តារឡើងវិញកុមារដែលមាន​ស្ថានភាពលំបាកខ្លាំង ដើម្បីប្អូនៗបានរួមរស់ជាមួយសហគមន៍។​ សកម្មបង្ការ បញ្ចៀសស្លាក​ស្នាម ការរំលោភ ប្រើអំពើហិង្សាទៅលើកុមារ៕                                                  

ថាច់សម្បត្តិ