ទីក្រុងត្រាវិញ៖ បន្តការវិនិយោគអភិវឌ្ឍតំបន់ជនជាតិខ្មែរ

បងថាច់សុខប្រមូលផលត្រីក្រាញ់ និងកង្កែប។

      តាមរយៈនោះ ទីក្រុងត្រាវិញឧបត្ថម្ភប្រាក់ទិញដីធារផ្ទះ (០១ គ្រួសារ) ប្រាក់សង់ផ្ទះ (១៦ គ្រួសារ) ទុនពង្រីកការផលិត (០៩ គ្រួសារ) ចាត់តាំងផ្សព្វផ្សាយច្បាប់ ពិធីស្ងើចសរសើរគំរូជឿនលឿន ពង្រីកតួនាទីអ្នកមានប្រជាប្រិយភាពនៅតំបន់ជនជាតិ ភាគតិច។ល។ ជួយឲ្យជនជាតិខ្មែរពង្រីកសេដ្ឋកិច្ច បង្កើនចំណេះដឹងខាងច្បាប់ ជឿជាក់នៅលើការដឹកនាំរបស់បក្ស ការគ្រប់គ្រងរបស់រដ្ឋ។

     គ្រួសារបងថាច់សុខ នៅអនុសង្កាត់លេខ ៣ សង្កាត់លេខ ៩ ទីក្រុងត្រាវិញ ជាគ្រួសារមួយក្នុងចំណោម ០៩ គ្រួសារជនជាតិខ្មែរ បានទទួលប្រាក់ឧបត្ថម្ភពីកម្មវិធីអភិវឌ្ឍន៍ទីក្រុងត្រាវិញ។ ​ឆ្នាំ ​២០២២ បងថាច់សុខ បានរដ្ឋឧបត្ថម្ភ​ប្រាក់ទិញកង្កែប ពូជ ០២ ​ពាន់​ក្បាល និងសំណាញ់សម្រាប់ចិញ្ចឹមកង្កែប ព្រមទាំងបង្កលក្ខណៈឲ្យគាត់ចូលរួមវគ្គហ្វឹកហាត់ស្ដីពីរបៀបចិញ្ចឹមកង្កែបសាច់។ ពេលប្រមូលផលលើកដំបូង ទូទាត់ខ្ទង់ចំណាយរួច បង ចំណេញជាង ៦ លានដុង ។ បានប្រាក់នោះគាត់ក៏​ចំណាយចិញ្ចឹម​កង្កែបបន្ថែម​ជាង ​២ ​ពាន់​ក្បាល ត្រីក្រាញ់ ០២ ពាន់ក្បាលទៀត។ លុះប្រមូលផលលើកទី ២ ទូទាត់ខ្ទង់ចំណាយ​រួច បងថាច់សុខ ​ចំណេញ​ជិត ១០ ​លាន​ដុង។

      បងថាច់សុខ បានឲ្យដឹងថា៖ ឆ្នាំ ២០២២ គ្រួសារខ្ញុំស្ថិតក្នុងក្របខ័ណ្ឌគ្រួសារលំបាក។ ដោយបាន​ការ​ឧបត្ថម្ភ​របស់​បក្ស ​និង​រដ្ឋ បច្ចុប្បន្នសេដ្ឋកិច្ច​គ្រួសារ​ខ្ញុំ​ស្ថិរភាព។

    ឆ្នាំ ២០២៣ ផ្តើមពីគោលនយោបាយជនជាតិ គ្រួសារបងថាច់សុខន ក៏បានរដ្ឋឧបត្ថម្ភប្រាក់ទិញដីធារផ្ទះ ប្រាក់សង់ផ្ទះ ប្រាក់អន្ទងអគ្គិសនី និងទឹកសម្រាប់ប្រើប្រាស់ សរុបទឹកប្រាក់ជាង ២៦០ លានដុង។ ក្នុង​នោះ មជ្ឈិមឧបត្ថម្ភ​៨៣ ​លាន​ដុង ខេត្តឧបត្ថម្ភ ​១២ ​លាន​ដុង ក្រៅពីនោះអាស្រ័យសង្កាត់លេខ ​៩ ចលនាសប្បុរសជនឧបត្ថម្ភ​។

អ្នកស្រីយឿងង៉ុកធូ (ទី ១ ខាងឆ្វេង) និងរដ្ឋអំណាចមូលដ្ឋាន អញ្ជើញទៅសួរសុខទុក្ខគ្រួសារបងថាច់សុខន។

      បងថាច់សុខនបានឲ្យដឹង៖ បើមិនបានបក្ស និងរដ្ឋឧបត្ថម្ភទេនោះ ប្តីប្រពន្ធខ្ញុំគ្មានផ្ទះសម្បែងដូចបច្ចុប្បន្នឡើយ។ មានផ្ទះនៅហើយ ប្តីប្រពន្ធខ្ញុំខិតខំលក់ឆ្នោតជាតិ សន្សំសំចៃ​ប្រាក់​ដើម្បីកែលម្អជីវភាពបានល្អជាងទៀត។

     អ្នកស្រីយឿងង៉ុកធូ ប្រធានការិយាល័យជនជាតិ និងសាសនាទីក្រុងត្រាវិញបានឲ្យដឹងថា៖ ទីក្រុងត្រាវិញតែងកំណត់ច្បាស់ការងារជនជាតិជាភារកិច្ចសំខាន់ ជាភារកិច្ចរួមរបស់ទូទាំងប្រព័ន្ធនយោបាយដែលត្រូវអនុវត្តល្អជានិច្ច ។ តាមរយៈនោះ ទី ក្រុងបានផ្សព្វផ្សាយអនុវត្តល្អបណ្តាកម្មវិធី គម្រោងការ និងគោលនយោបាយជនជាតិ សម្រេចលទ្ធផលសំខាន់ៗជាច្រើន លើកស្ទួយជីវភាពរបស់ជនជាតិភាគតិចនិយាយរួម ជនជាតិខ្មែរនិយាយដោយឡែកបានរីកចម្រើនជាលំដាប់។ បច្ចុប្បន្នទី ក្រុងត្រាវិញមានគ្រួសារជនជាតិខ្មែរ ៨0 គ្រួសារជាគ្រួសារអ្នកមាន ស្មើនឹង ១,៦០% បើប្រៀបនឹងចំនួនគ្រួសារជនជាតិខ្មែររួមក្នុងទីក្រុង គ្រួសារជនជាតិខ្មែរមានជីវភាពធូរធាចំនួន ១.២៨៩ គ្រួសារ ស្មើនឹង ២៥,៧៣% បើប្រៀបនឹងចំនួនគ្រួសារជន ជាតិខ្មែររួមក្នុងទីក្រុង ។ គ្រួសារជនជាតិខ្មែរ ៣.៣៥៨ គ្រួមានជីវភាពមធ្យម ស្មើនឹង ៦៧,០៣% បើប្រៀបនឹងចំនួនគ្រួសារជនជាតិខ្មែររួមក្នុងទីក្រុង គ្រួសារជនជាតិខ្មែរក្រីក្រស្ថិតក្នុងក្របខ័ណ្ឌគាំពារសង្គមនៅត្រឹម ១១ គ្រួប៉ុណ្ណោះ។ សម្រេចលទ្ធផលនោះបញ្ជាក់ឲ្យឃើញ គោលការណ៍ គោលមាគ៌ា គោលនយោបាយដ៏ត្រឹមត្រូវរបស់បក្ស និងរដ្ឋស្ដីពីការងារជនជាតិតែងបាន យកចិត្តទុកដាក់អនុវត្តល្អជានិច្ច៕         អត្ថបទ - រូបថត៖ សុជា