ស្រុកថ្កូវ៖ បានវិនិយោគ កសាងដំណាក់បូមទឹក-ប្រឡាយបេតុងអណ្តែត ០៥ ខ្សែ សម្រាប់ផលិតកសិកម្ម

     អនុវត្តតាមសេចក្តីសម្រេចចិត្តលេខ ៤០៧១/QD-UBND ចុះថ្ងៃទី ២៩ ខែធ្នូ ឆ្នាំ ២០២០ របស់គណៈកម្មាធិការប្រជាជនខេត្ត ស្តីពីការផ្តល់សច្ចាប័នលើគម្រោងការវិនិយោគកសាងសំណង់ វិនិយោគកសាងដំណាក់បូមទឹកដោយអគ្គិសនី-ប្រឡាយបេតុងអណ្តែតចំនួន ១៥ ខ្សែសម្រាប់ផលិតកសិកម្ម។ ស្រុកថ្កូវ បានវិនិយោគកសាងដំណាក់បូមទឹកដោយអគ្គិសនី-ប្រឡាយបេតុងអណ្តែត ០៥ ខ្សែសម្រាប់ផលិតកសិកម្មនៅ ០៦ ឃុំ តឹងស៊ើង តឹបស៊ើង ឡុងហ៊ីប តឹងហ៊ីប ង៉ាយស្វៀង និងឃុំង៉ុកបៀង សរុបថវិកា ជាង ១00 ពាន់លានដុង ពីប្រភពថវិការបស់មជ្ឈិម និងខេត្តវិនិយោគ។

ប្រឡាយបេតុងនៅភូមិព្រៃវល្លិ៍ អា ឃុំង៉ុកបៀង ស្រុកថ្កូវ។

      សំណង់ទាំងនោះរួមមាន៖ ដំណាក់បូមទឹកដោយអគ្គិសនី តឹងស៊ើង-តឹបស៊ើង សម្រាប់ស្រោចស្រពផ្ទៃដីកសិកម្ម ២00​ ហិកតា របស់ប្រជាជកសិករ ១00 គ្រួសារ ភ្ជាប់ជាមួយនឹងកសាង​ប្រឡាយ​បេតុងអណ្តែត និង​លូ​ក្រោម​ដី​ប្រវែង ៣.៦៧០ ម៉ែត្រ។ ដំណាក់បូមទឹកនៅភូមិជ្រៃធំ ឃុំង៉ាយស្វៀង សម្រាប់ស្រោចស្រពផ្ទៃដីកសិកម្ម ៥0 ហិកតា របស់ប្រជាកសិករ ១៦០ គ្រួសារ ភ្ជាប់ជាមួយនឹងកសាង​ប្រឡាយ​បេតុងអណ្តែត​ប្រវែង ​១.០១៥ ​ម៉ែត្រ​។ ដំណាក់​បូម​ទឹកដោយ​អគ្គិសនី​នៅ​ភូមិខ្នោស​-​ភូមិទ្រព្រះបាទ ឃុំ​តឹង​ហ៊ី​ប សម្រាប់ស្រោចស្រពផ្ទៃដីកសិកម្ម ​២០០ ​ហិ​កតា របស់​ប្រជាកសិករ ១០០ ​គ្រួសារ ភ្ជាប់ជាមួយកសាង​ប្រឡាយ​បេតុងអណ្តែតសម្រាប់បូមទឹក​ប្រវែង ៣.៦៣៩ ម៉ែត្រ។ ដំណាក់បូបទឹកដោយអគ្គិសនីឃុំឡុងហ៊ីប - ញ៉ីទ្រឿង សម្រាប់ស្រោចស្រពលើផ្ទៃដីកសិកម្ម ១៨០ ហិកតា របស់គ្រួសារប្រជាកសិករជាង ១២០ គ្រួសារ ភ្ជាប់ជាមួយនឹងកសាង​ប្រឡាយ​បេតុងអណ្តែត និង​លូ​ក្រោម​ដី​សម្រាប់​បូមទឹក​​ប្រវែង ១.៧៦៧ ម៉ែត្រ។ ដំណាក់បូមទឹកដោយអគ្គិសនី នៅភូមិកំពង់សាលា - ភូមិប្រាង្គ និង ភូមិព្រៃវល្លិ៍  អា និង ព្រៃវល្លិ៍ បេ ឃុំង៉ុកបៀងសម្រាប់ស្រោចស្រពផ្ទៃដីកសិកម្ម ៤០០ ហិកតា របស់ប្រជាជនកសិករ​ ១៧០ គ្រួសារ ភ្ជាប់ជាមួយនឹងកសាងប្រឡាយបេតុងអណ្តែតសម្រាប់បូមទឹក​ប្រវែង ៨.២៧០ ម៉ែត្រ។

     តាមប្រភពដំណឹងពីការិយាល័យកសិកម្ម និងអភិវឌ្ឍន៍ជនបទស្រុកថ្កូវ ៖ បច្ចុប្បន្ន សម្ទុះកសាងដំណាក់បូមទឹកដោយអគ្គិសនី- ប្រឡាយបេតុងអណ្តែត សម្រេចបាន ៧០% ។ តាមការគ្រោងទុក នឹងដាក់ឱ្យប្រើប្រាស់ក្នុងរដូវប្រាំងឆ្នាំ ២០២៤ ។ គោលបំណងនៃការវិនិយោគកសាងដំណាក់បូមទឹកដោយអគ្គិសនី-ប្រឡាយបេតុងអណ្តែតគឺសម្រាប់បម្រើការផលិតកសិកម្មនៅតំបន់ដែលរងគ្រោះ រាំងស្ងួត និងជ្រាបជាតិជូរប្រៃដូចនាពេលបច្ចុប្បន្ន ក៏ដូចជាអនាគត៕

ដំណឹង‑រូបថត៖ សុជា