ឃុំដូងចូវ៖ ធានាគុណភាពទឹកស្អាតបម្រើជនរួមជាតិខ្មែរ

ដើម្បីធានាពីគុណភាពទឹកបម្រើដល់តម្រូវការប្រជុំជីវភាពរបស់ជនរួមជាតិខ្មែរ ដំណាក់ផ្គត់ផ្គង់ទឹកមួយចំនួនលើភូមិសាស្រ្តបានមូលដ្ឋានសហការជាមួយផ្នែកពាក់ព័ន្ធ​ពិនិត្យបណ្តាឧបករណ៍បូមសម្រិតមួយដើម្បីកាត់បន្ថយដល់កម្រិតទាបបំ​ផុតអំពីទឹកជ្រាបជាតិកំបោរមូលដ្ឋានតែងស្តាប់យោបល់លាតត្រដាងរបស់ជនរួមជាតិខ្មែរជុំវិញគុណភាពទឹក បើសិនពិនិត្យឃើញទឹកមានសម្បុរ ឬក៏មានក្លិនប្លែកខុសពីធម្មតានោះ​ក៏រកវិធានការជម្នះបន្ទាន់។ គិតតាំងពីដើមឆ្នាំ ២០២១ មកទល់ពេលនេះ ឃុំដូងចូវបានភ្ជាប់​នាឡិកាទឹកបន្ថែមជាង ៣០ គ្រឿងជូនជនរួមជាតិខ្មែរ។

បងស្រីថាច់ធីរី នៅភូមិដំបងពាក់ ឃុំដូងចូវបានឱ្យដឹងថា៖ ខ្ញុំប្រើប្រាស់ទឹក​ដំ​ណាក់ផ្គត់ផ្គង់ទឹកអស់រយៈពេលជិត ២០ ឆ្នាំមកហើយ។ ខ្ញុំនឹកឃើញកាលពីឆ្នាំ ២០១៥  ទឹកប្រើ​ប្រាស់ធម្មតាស្រាប់តែប្រែទៅជាពណ៌ក្រហម ​ប្រជាជនលាតត្រដាងឡើងទៅឃុំ តែក្នុងរយៈ​ពេលខ្លីទឹកក៏ប្រែមកសភាពធម្មតាវិញ។ តាំងពីពេលនោះរហូតមកទល់ពេលនេះមិនមាន​ឃើញសញ្ញាអ្វីចម្លែកទៀតឡើយ។

ដំណាក់ផ្គត់ផ្គង់ទឹកឃុំដូងចូវកាន់តែបានវិនិយោគទុនជួសជុលដើម្បីបម្រើជនរួមជាតិខ្មែរ។

ដំណាក់ផ្គត់ផ្គង់ទឹកទាំងអស់សុទ្ធតែបានយកទឹកមកពីក្រោមដី រួចវិនិច្ឆ័យដោយឧបករណ៍សម្រិត បន្ទាប់មកទើបបញ្ជូនតាមបំពង់មេ និងបំពង់រងទៅដល់​គ្រួសារប្រជាជន។ អាស្រ័យហេតុនោះ គុណភាពប្រភពទឹកសម្រេចសម្បទា QCVN 0២: ២០០៩/BYT របស់ក្រសួងសុខាភិបាល។

ដើម្បីអនុវត្តគោលដៅ ផែនការនាំយកទឹកស្អាតទៅដល់ប្រជាជន រយៈពេលកន្លង មានគ្រួសារជាង ២០ គ្រួដែលនៅរាត់រាយឆ្ងាយពីតំបន់អាសយជនតែងបានបង្កលក្ខណៈឱ្យបានបុលទុនអាទិភាពសរុប​ជាង ២០០ លានដុងដើម្បីអន្ទងបំពង់ទឹក និងដាក់ភ្ជាប់នាឡិកាទឹកសម្រាប់ប្រើប្រាស់។​ គ្រួសារបងថាច់តួ នៅភូមិកោះត្លាច ជាគ្រួសារមួយក្នុងបណ្តាគ្រួសារដែលបានបុល​ទុនអាទិភាពអន្ទងទឹកចូលសម្រាប់ប្រើប្រាស់បានឱ្យដឹងថា៖ ក្រោយពេលកសាងគ្រួសារ​ អាស្រ័យមានបំណងចង់ពង្រីកការផលិត ចិញ្ចឹមសត្វ ម៉្លោះហើយខ្ញុំសាងសង់ផ្ទះនៅលើចំ​​ណែកដីឆ្ងាយពីតំបន់អាសយជន​ ម៉្លោះហើយខ្ញុំជម្រាបជូនទៅរដ្ឋអំណាច​មូលដ្ឋានពិនិត្យឱ្យខ្ញុំបានបុលទុន ១០ លានដុងសម្រាប់អន្ទងទឹកស្អាត។ ប្រើប្រាស់ទឹកស្អាតអាស្រ័យដំណាក់ផ្គត់ផ្គង់ជួយឱ្យគ្រួសារខ្ញុំស្ងប់ចិត្ត មិនបារម្ភពីការឥទ្ធិពលដល់សុខភាពរបស់សមាជិកក្នុងគ្រួសារ។

ក្នុងរយៈពេលច្រើនឆ្នាំកន្លង មូលដ្ឋានដែលមានជនរួមជាតិខ្មែររស់នៅជាង ៧៣%​ មិនទាន់បានកែតម្លើងថ្លៃទឹកឡើយ។ លោកស្រី ផាមធីយុង ប្រធានគណៈកម្មាធិការប្រជា​ជនឃុំដូងចូវបានឱ្យដឹងថា៖ ចង់កែតម្លើងថ្លៃទឹកម្តងៗនោះ មូលដ្ឋានតែងក្តាប់យោបល់​លាតត្រដាងពីប្រជាជន។ រួមជាមួយនោះគឺលក្ខណៈ ជីវភាពរបស់គ្រួសារប្រជាជនលើភូមិសាស្រ្តតំបន់ជនបទនិយាយរួម ជនរួមជាតិខ្មែរនិយាយដោយឡែកជួនកាលក៏ជួបលំបាក ប្រាក់ចំ​ណូល ជួនកាលមិនទៀងទាត់  ម៉្លោះហើយមូលដ្ឋានស្នើដល់ផ្នែកពាក់ព័ន្ធសុំមិន​ឱ្យកែតម្លើងថ្លៃទឹក។ បច្ចុប្បន្នតម្លៃទឹកនៅតំបន់ដូចជាឃុំដូងចូវក្នុងមួយម៉ែត្រត្រីគុណ ៦.៤០០ ដុង សមស្របតាមក្តីប្រាថ្នារបស់ប្រជាជន។

ដើម្បីកាត់បន្ថយការទាញយកផលទឹកក្រោមដីពេញពាស ជាកត្តាធ្វើឱ្យឥទ្ធិពលដល់បរិស្ថាន ឃុំដូងចូវកំពុងស្នើមជ្ឈមណ្ឌលទឹកស្អាត និងអនាម័យបរិស្ថាន​ជន​បទវិនិយោគទុនកសាងដំណាក់ផ្គត់ផ្គង់ទឹកប្រមូលផ្តុំមានថាមពលបូមសម្រិតធំជាង​ ខ្ពស់ជាងសព្វថ្ងៃ។ បើសិនដំណាក់ផ្គត់ផ្គង់ទឹកប្រមូលផ្តុំបានផ្សព្វផ្សាយអនុវត្ត​នោះ ដំណាក់មួយចំនួននៅតាមបណ្តាភូមិនឹងផ្អាកធ្វើសកម្មភាព ប៉ុន្តែចំនួនគ្រួសារប្រជាជននៅតែមានទឹកស្អាតគ្រប់ប្រើប្រាស់៕​     

អត្ថបទ‑រូបថត៖ ថាច់សម្បត្តិ