ភូមិនាគកោះពង្រីកសក្តានុពល តម្លាភាពរបស់មូលដ្ឋានដើម្បីពង្រីកសេដ្ឋកិច្ច

បងង្វៀងធីទូ (ប្រពន្ធបងទ្រុង) ជាមួយនឹងស្រែ កក់របស់គ្រួសារគាត់។

  នាគកោះ ជាភូមិដែលមានជនរួមជាតិខ្មែររស់នៅកុះករមានគ្រួសារជនរួមជាតិខ្មែរជាង ២៧០ គ្រួ ស្មើ ៧០% នៃចំនួនគ្រួសារប្រជាជនរួម។ នាគកោះមានផ្ទៃដីកសិកម្ម ៨៧,៩ ហិកតា ក្នុងនោះផ្ទៃដីផលិតស្រូវមិនសូវបានផល ២៣ ហិកតា ចម្ការដូង ៦៣,៤ ហិកតា។ ចំពោះ​ផ្ទៃដីផលិតស្រូវមិនសូវបានផល​ជាដី​ទំនាប។ ផ្តើមពីស្ថានភាពជាក់ស្តែងនោះ សាខាបក្ស និងរដ្ឋអំណាចភូមិចលនាប្រជាជនឲ្យបង្វែរផ្ទៃដីផលិតស្រូវមិនសូវបានមកដាំដូង និងដាំកក់វិញ។

  ដំណាក់កាល ២០២៣-២០២៤ សាខាបក្ស រដ្ឋអំណាច និងអង្គការមហាជនភូមិ ចលនាប្រជាជនបង្វែរផ្ទៃដីផលិតស្រូវមិនសូវបានផល ៥,៣ ហិកតា មកដាំដូង សម្រេច ១២៥% នៃផែនការ។

 លោកថាច់ហៀង កសិករ​នៅ​ភូមិនាគកោះ បានឲ្យដឹង​ថា៖ បច្ចុប្បន្ន​គ្រួសារ​ខ្ញុំ​មាន​ផ្ទៃដីផលិត​ស្រូវ ១,២ ហិកតា និងផ្ទៃដីដាំ​ដូង ០,១ ហិកតា។ ជាច្រើនឆ្នាំកន្លង គ្រួសារខ្ញុំមានជីវភាពធូរធាដោយសារចម្ការដូង។ ថ្វីត្បិតតម្លៃដូងប្រែប្រួលមិនទៀងទាត់ ប៉ុន្តែមានប្រាក់ចំណូលរឿយៗ ម៉្យាងទៀតដាំដូងចំណាយទុនតិច មិនសូវចំណាយកម្លាំងថែទាំ ជាពិសេសសមស្របនឹងលក្ខណៈ ដីធ្លីនៅទីនេះ។ ដំណាក់កាលដូងលក់បានតម្លៃ ១ ទ្វាទស ១00 ពាន់ដុង (១២ ផ្លែ) គ្រួសារខ្ញុំមានប្រាក់ចំណូលមធ្យម ជាង ១00 លានដុងក្នុងមួយឆ្នាំ។ ឆ្នាំ ២០២៣ គ្រួសារខ្ញុំបានបង្វែរផ្ទៃដីស្រែផលិតស្រូវមិនសូវបានផល 0,៤ ហិកតាមកដាំដូងបន្ថែមទៀត។

ប្រជាជន​នៅ​ភូមិនាគកោះ ​អនុវត្តទម្រង់យកខ្លី ចិញ្ចឹមវែង ឆ្លៀតដាំបន្លែនៅចម្ការដូង។

  ចំពោះគ្រួសារបងថាច់ទ្រុង នៅភូមិនាគកោះ ជាគ្រួសារមានស្ថានភាពលំបាកប៉ុន្តែដោយសារបង្វែរផ្ទៃដីស្រែផលិតស្រូវមិនសូវបានផលមកដាំកក់ទើបជីវភាពបានធូរធាសង់បានផ្ទះមួយខ្នងតម្លៃជាង៤០០លានដុងព្រមទាំងសល់ប្រាក់ទុនបន្ថែមសម្រាប់​ទិញគោមកចិញ្ចឹមទៀតផង។ ជាពិសេសបន្តការ​វិនិយោគទុនដើម្បី​ពង្រីក​ផ្ទៃដី​ដាំកក់​ពី ០,​៤ ​ហិកតា ​កើនឡើង ​១,៦ ​ហិកតា​។

  បងង្វៀងធីទូ (ប្រពន្ធផងទ្រុង) បានឲ្យដឹងថា៖ បើតាមខ្ញុំយល់ឃើញថា កក់ជាប្រភេទដំណាំងាយដាំ ងាយថែទាំ ទោះបីរដូវប្រាំង ឬរដូវវស្សា កក់ក៏លូតលាស់ល្អ។ ជាពិសេស ងាយលក់ ​ប្រាក់ចំណេញ​ខ្ពស់​ជាងផលិតស្រូវពី ៣-៤ ដង​។ បន្ទាប់ពីប្រមូល ផល យកទៅហាលឲ្យស្ងួត មានឈ្មួញ​មក​ទិញ​ដល់​ផ្ទះ​ជាមួយតម្លៃ​​ពី ២០ - ២៥​ ពាន់ដុង ​​ក្នុង​មួយ​គីឡូក្រាម ទូទាត់ខ្ទង់​ចំណាយ​រួច គ្រួសារ​ខ្ញុំ​​ចំណេញ​បានពី ០៨-១០​ លាន​ដុង​ក្នុង ០,១ ហិកតា។

  អ្នកស្រីស៊ើងធីយឹង លេខាសាខាបក្សភូមិនាគកោះ មានប្រសាសន៍ថា៖ ដើម្បីអនុវត្តល្អការងារផ្លាស់ប្តូរ ពូជដំណាំ ភូមិបានបង្កើនការផ្សព្វផ្សាយ ចលនាបណ្តាគ្រួសារដែលមានផ្ទៃដីផលិតស្រូវមិនសូវបានផលទៅរៀនបច្ចេកទេសជឿនលឿនក្នុងការដាំ និងថែទាំដូង និងកក់សមស្របនឹងលក្ខណៈដីធ្លីនៅទីនេះ។ ការពង្រីកសក្តានុពលរបស់មូលដ្ឋាន មិនត្រឹមតែបង្កើនប្រសិទ្ធ ភាពសេដ្ឋកិច្ចប៉ុណ្ណោះទេ នៅទាំងការពារបរិស្ថានទៀតផង។ ពីព្រោះដាំដូង និងដាំកក់មិនសូវប្រើថ្នាំការពាររុក្ខជាតិ ប្រសិន បើគ្រួសារដែលមានផ្ទៃដីផលិតស្រូវមិនសូវបានផលយល់ព្រមបង្វែរផ្ទៃដីមកដាំដូងឬដាំកក់ទាំងអស់គ្នាពិតជាជំរុញវិស័យសេដ្ឋ កិច្ចរបស់ភូមិរីកចម្រើនស្ថិរភាពនាពេលអនាគត៕

អត្ថបទ-រូបថត៖ សុជា