ឆន្ទៈមោះមុតរបស់យុទ្ធជនពិការប្រភេទ ៣/៤

នៅបណ្តាថ្ងៃអំណរអនុស្សាវរីយ៍ឆ្នាំទី ៤៧ ទិវារំដោះភាគខាងត្បូងឯកភាពប្រទេសជាតិ (៣០/៤/១៩៧៥-៣០/៤/២០២២)​ យើងខ្ញុំមានឱកាសទៅសួរសុខទុក្ខគ្រួសារលោកមាគឹមតឺ ហើយបានស្តាប់គាត់រំលឹកឡើងវិញនូវអនុស្សាវរីយ៍ដ៏ជូរចត់របស់ខ្លួន និងមិត្តរួមអាវុធកាលទៅបំពេញកាតព្វកិច្ចយោធាអន្តរជាតិនៅប្រទេសព្រះរាជាណាចក្រកម្ពុជា និងរៀបរាប់អំពីការពុះពារឆ្លងកាត់ការលំបាកក្នុងពេលវិលត្រឡប់មកស្រុកកំណើត ដើម្បីកសាងជីវភាពថ្មី។ ​ឆ្នាំ​១៩៨៤ លោកមាគឹមតឺ ​ស្ម័គ្រ​ចិត្ត​ចូល​រួម​ក្រុម​កងទ័ព​ស្ម័គ្រ​ចិត្ត​ប្រយុទ្ធ​នៅ​សមរភូមិ​កម្ពុជា។ ឆ្នាំ ១៩៨៦ ក្នុងពេលកំពុងប្រយុទ្ធយ៉ាងអង់អាចក្លាហានលោកមាគឹមតឺក៏រងរបួសប្រមាណ ៤១% (ជាយុទ្ធជនពិការប្រភេទ ៣/៤)។ ពេលព្យាបាលរបួសបានសះស្បើយគ្រាន់បើ គាត់ក៏ចេញពីកងទ័ពត្រឡប់មកស្រុកកំណើតវិញ។ លោក មាគឹមតឺ កើតនិងធំដឹងក្តីក្នុងគ្រួសារក្រីក្រមួយមានបងប្អូន ០៩ នាក់។ ក្រោយពីរៀបការរួច ឪពុកម្តាយទាំងសងខាងចែកដីស្រែឲ្យ ០២ កុង។ ដើម្បី​មាន​ដើមទុន​សម្រាប់​ពង្រីកសេដ្ឋកិច្ចគ្រួសារ លោកមាតែង​ធ្វើការស៊ីឈ្នួល តាំង​ពីការងារជីក​ស្រះ ថែទាំចម្ការ។ ប្តីប្រពន្ធគាត់ជំរុញ​ទឹក​ចិត្ត​គ្នា​ដើម្បីឆ្លង​កាត់​រាល់ការ​លំបាក​កសាង​ ជីវភាព​គ្រួសារឲ្យបានធូរធា។ ដោយមានគុណសម្បត្តិជា “កងទ័ពអ៊ំហូ” លោកមាគឹមតឺតែងមានស្មារតីជឿជាក់លើខ្លួនឯង មិនបណ្តោយខ្លួនតាមយថាកម្ម តែងព្យាយាមពលកម្ម ស៊ូទ្រាំនឹងការនឿយហត់ មិនស៊ូទ្រាំនឹងភាពក្រីក្រឡើយ។ ផ្តើមពីដីស្រែ ០២ កុង ​រួម​នឹង​ប្រាក់សន្សំសំចៃពីការស៊ី​ឈ្នួល​ លោកមាគឹមតឺក៏​ទិញ​មាន់ ​ទា​មក​ចិញ្ចឹម សន្សឹមៗក៏សន្សំបានប្រាក់ទិញបាន​ជ្រូក និង​គោមកចិញ្ចឹម និង​ទិញបានដីស្រែសន្សឹមទៀតផង។ គាត់មិនត្រឹមតែជាគំរូក្នុងការពង្រីកសេដ្ឋកិច្ចគ្រួសារប៉ុណ្ណោះទេ ហើយនៅទាំងបង្ក  លក្ខណៈឲ្យសមាជិកបានបុលទុន និងរៀនសូត្រពីវិទ្យាសាស្រ្ត-បច្ចេកទេសជឿនលឿនក្នុងការចិញ្ចឹមសត្វ ផលិត ដើម្បីពង្រីកសេដ្ឋកិច្ចគ្រួសារ និងលុបបំបាត់អស់គ្រួសារសមាជិកក្រីក្រ។ បច្ចុប្បន្ន គ្រួសារ​លោកមាមានហ្វូង​គោ​ជាង​ ១០​ ក្បាល ដីស្រែ​ជាង​ ០៤ ហិកតា  (ចែកដីស្រែឲ្យ​កូន ​២ ​នាក់ ម្នាក់ៗ ​០១ ហិកតា​) ក្រោយពេលទូទាត់ខ្ទង់ចំណាយរួច គ្រួសារលោកមានៅមានប្រាក់ចំណូលក្នុងមួយឆ្នាំពី​​ ១៥០-២០០​ លាន​ដុង ។

លោកមាគឹមតឺ (ទី ២ ពីស្តាំទៅឆ្វេង) សំណេះសំណាលជាមួយសមាជិក។

សំណេះសំណាលពីបទពិសោធន៍ក្នុងជីវភាព ក៏ដូចជាការពង្រីកសេដ្ឋកិច្ចគ្រួសារ លោកមាគឹមតឺមានប្រសាសន៍ថា៖ ប្រជុំជីវភាពនៅក្នុងបរិស្ថានកងទ័ពអស់រយៈកាលជាង ០២ ឆ្នាំ ខ្ញុំរៀនបទពិសោធន៍បានច្រើនណាស់ ជាពិសេសគឺរៀន និងលត់ដំអត្តចរិតបានល្អ មានការតស៊ូ ឆន្ទៈមោះមុត និងធ្វើការងារណាឲ្យច្បាស់ការងារនោះ។ ទាំងនោះហើយជាកត្តាសំខាន់ ក៏ដូចជាទ្រព្យដ៏វិសេសវិសាលសម្រាប់ខ្ញុំពេលវិលត្រឡប់មកស្រុកកំណើតកសាងជីវភាពសម្រេចជោគជ័យ។

កំណត់ត្រាអំពីការរួមចំណែករបស់ លោកមា គឹមតឺនៅមូលដ្ឋាន លោក ថាច់កេវវ៉ាំង ប្រធានសមាគមអតីតយុទ្ធជនឃុំហ៊ីវទឺមានប្រសាសន៍ថា៖ “ លោកមាគឹមតឺ និងបណ្តាសមមិត្តរួមអាវុធ បានរួមចំណែកយ៉ាងសកម្មក្នុងបណ្តាចលនាប្រឡងប្រណាំងស្នេហាជាតិនៅមូលដ្ឋាន ជាពិសេស​ការងារចលនា​សមាជិកពង្រីក​សេដ្ឋកិច្ច រក្សាខ្ជាប់​សន្តិសុខ សណ្តាប់ធ្នាប់ ចូលរួមការពារ​បក្ស ការពារ​រដ្ឋអំណាច និង​ប្រឆាំងនូវឧបាយកលបំបែកបំបាក់សាមគ្គី​របស់បច្ចាមិត្ត។ល។ រួម​ចំណែករក្សាស្ថិរភាព​សន្តិសុខនយោបាយ ពង្រីកសេដ្ឋកិច្ច-សង្គមនៅមូលដ្ឋាន។

ដោយមានការចូលរួមចំណែកយ៉ាងសកម្ម  លោកមាគឹមតឺបានប្រធាន​គណៈកម្មាធិការប្រជាជនខេត្តជូនប័ណ្ណសរសើរ “ដោយមានស្នាដៃឆ្នើមក្នុងការកសាង និងពង្រីកធ្លុងមហាសាមគ្គីទូទាំងប្រជាជាតិនៅខេត្តត្រាវិញ” កាលពីឆ្នាំ ២០០៩ ៕    

អត្ថបទ‑រូបថត៖ សុជា