ទឹកព្រះទ័យរបស់ព្រះចៅអធិការមួយព្រះអង្គ

លោកអ៊ុងជីថាំង (ទីពីរខាងស្តាំ) ប្រធានគណៈកម្មាធិការរណសិរ្សឃុំផុងភូ អញ្ជើញទៅសួរសុខទុក្ខ ព្រះតេជគុណ ថាច់ ម៉ូត និងគណៈកម្មវត្តមេពាំង។ក្នុងអំឡុងពេលសិក្សាបណ្តាថ្នាក់សកលក៏ដូច ជាក្នុងរយៈពេល ០៧ ឆ្នាំសិក្សាផ្នែកពុទ្ធិកមធ្យម សិក្សាបឋមភូមិ ទុតិយភូមិ នៅតាមវត្តនានាក្នុងខេត្ត ព្រះអង្គតែងជួបការលំបាកជាច្រើន។ ដំណាក់កាលនោះ ផ្លូវថ្នល់ និងជីវភាពប្រជាជននៅមាន ការលំបាកច្រើន ចំពោះគ្រួសារព្រះអង្គវិញនៅ កណ្តាលវាលឆ្ងាយពីសាលារៀន។ ដូច្នោះហើយ កាលវ័យកុមារព្រះអង្គតែងធ្វើដំណើរដោយថ្មើរ ជើងចម្ងាយជាង ០៥គីឡូម៉ែត្រ ។ លុះដល់រៀន ពុទ្ធិកសិក្សាវិញ ព្រះអង្គបាននិមន្តទៅសិក្សានៅតាមវត្តនានាក្នុងខេត្ត រួចតែងបានពុទ្ធបរិស័ទឧបត្ថម្ភចតុប្បច្ច័យរៀនសូត្របានល្អជានិច្ច។ យល់អំពីការលំបាកកាលវ័យកុមារ និងដឹងនូវគុណូបការៈរបស់ ពុទ្ធបរិស័ទ លុះដល់រៀនចប់បណ្តាថ្នាក់សិក្សាព្រះអង្គតែងយកព្រះទ័យទុកដាក់ចូលរួមកសាងហេដ្ឋារចនាសម្ព័ន្ធនៅមូលដ្ឋាន និងធ្វើនូវកិច្ចការជាច្រើន នាំមកនូវផលប្រយោជន៍ជូនសង្គម។ ជាពិសេស តាំងពីព្រះអង្គទទួលនាទីជាព្រះចៅអធិការ (ឆ្នាំ ២០០០) វត្តមេពាំងក៏ដូចជាទទួលនាទីជាអនុប្រធានសមាគមព្រះសង្ឃសាមគ្គីស្នេហាជាតិស្រុក  (ឆ្នាំ ២០១២) ព្រះអង្គកាន់តែខិតខំធ្វើអស់ពីព្រះទ័យទឹកចិត្តក្នុងកិច្ចការព្រះពុទ្ធសាសនា ការអប់រំព្រះសង្ឃ និងចូលរួមជាមួយរដ្ឋអំណាចមូលដ្ឋាន ដើម្បីធ្វើនូវការងារផ្សេងៗនាំមកនូវផលប្រយោជន៍ ជូនសង្គមជាតិ និងសាសនា ។