បងថាច់ស្រេចរួមចំណែកអភិរក្សវប្បធម៌ជនជាតិខ្មែរ

បងថាច់ស្រេច ឧទ្ទេសនាមបណ្តាមុខរបាំអាស្រ័យបងច្នៃប្រតិដ្ឋ។ អត្ថបទ-រូបថត៖ ​ថាច់សម្បត្តិ

     បច្ចុប្បន្ននេះ ទោះបីមិនមែនជាសិប្បករជំនាញក៏ដោយ ប៉ុន្តែបងថាច់ស្រេច នៅតែស្រឡាញ់សិល្បៈដោយការកសាងបានបណ្តាមុខរបាំយក្ស ស្វា មកុដ ។ល។ សម្រាប់បម្រើដល់មហាជន។ បងថាច់ស្រេច បានឱ្យដឹងថា៖ កាលពីសម័យដើម នៅតំបន់ជនបទពេលដែលមានគ្រួសារណាមួយ បង្កើតបានក្រុមរបាំយក្ស ស្វា ឬក៏ក្រុមរបាំឆៃយុាំគឺជាការវិសេសវិសាល បង្កបានបរិយាកាស សប្បាយរីករាយ ទាក់ទាញបានមនុស្សជាច្រើនមកទស្សនា។ មានអារម្មណ៍រំពឹងគិតពីប្រការនោះ ខ្ញុំតែងមានចិត្តចង់ជួយឲ្យកុមារជំនាន់ក្រោយដឹងអំពីបណ្តាប្រភេទរូបភាពសិល្បៈរបស់ជនរួមជាតិខ្មែរ មានអត្ថន័យអំពីសោភណភាពផង មានលក្ខណក្រមិចក្រមើម ទន្ទឹមនឹងនោះ ក៏ជួយឱ្យមនុស្សជាច្រើន ឆ្ពោះទៅរកភាពសុចរិត ស្លូតត្រង់ផង។
     ផ្តើមពីទឹកចិត្តស្នេហាសិល្បៈ បងតែងឆ្លៀតពេលបង្ហាត់ដល់ប្អូនៗឲ្យចេះរាំ ច្រៀង ហក់តាមចង្វាក់ ស្គរ ប៉ីអរ។ល។ បច្ចុប្បន្ន ក្នុងគ្រួសាររបស់បងមានបណ្តាមុខរបាំដូចជា យក្ស ស្វា និងមកុដច្រើនបង្គួរ បណ្តាប្រភេទមុខរបាំទាំងនោះ សុទ្ធតែជាផលិតផល ច្នៃចេញដោយដៃរបស់បងពីបណ្តាវត្ថុសាមញ្ញ ដូចជា៖ សំពត់ ម្រ័ក្សណ៍ជាដើម។ 
     ម៉្លោះហើយជាច្រើនឆ្នាំកន្លង ពេលចាត់តាំងពិធីបុណ្យទានប្រពៃណី សាសនាក្នុងជនរួមជាតិខ្មែរ ដូចជា៖ កឋិនទាន ចូលឆ្នាំថ្មី។ល។ ក្រុមរបាំរបស់បងតែងបានអញ្ជើញចូលរួមសម្តែង។ ឆ្នាំ ២០២០ អាស្រ័យឥទ្ធិពលនៃអាសន្នរោគកូវីដ ១៩ បណ្តាវត្តអារាម គ្រួសារជនរួមជាតិខ្មែរ បន្ថយការចាត់តាំង ម៉្លោះហើយក្រុមទទួលបម្រើកម្មវិធីបុណ្យបានតែ ២-៣ កន្លែងប៉ុណ្ណោះ។ រដូវកឋិនខិតជិតមកដល់បងសង្ឃឹមថា អាសន្នរោគឆាប់ផុតរលត់ទៅជនរួមជាតិខ្មែរ បានចាត់តាំងពិធីបុណ្យទានច្រើនជាង នោះ ក្រុមរបាំរបស់បងក៏មានឱកាសបានអញ្ជើញចូលរួមបម្រើមហាជនច្រើនជាងផងដែរ។
     ផ្តើមពីទឹកចិត្តស្នេហាសិល្បៈ ចេះប្រគំឧបករណ៍តន្ត្រីជាច្រើនប្រភេទ ម៉្លោះហើយបងថាច់ស្រេច បានជ្រើសចូលរួមសមោសរសិល្បៈមហាជនខ្មែរថ្នាក់ស្រុក ថ្នាក់ខេត្ត និងទទួលបានរង្វាន់ជាមួយស្នាដៃសម្តែង ប្រគំបណ្តាប្រភេទឧបករណ៍តន្ត្រី។ បងមានបំណងពង្រីកបន្ថែមទឹកចិត្តស្នេហាសិល្បៈ របស់ខ្លួនដោយការពង្រីកមុខរបាំ ឧបករណ៍តន្ត្រីមួយចំនួនទៀត ដើម្បីរួមចំណែកអភិរក្ស វប្បធម៌ជន ជាតិខ្មែរ និងបម្រើដល់តម្រូវការរបស់មហាជនក្នុងបណ្តាពិធីបុណ្យ ក៏ដូចជាបណ្តាពិធីសមោសរសិល្បៈ៕