យុទ្ធជនពិការប្រភេទ ៤/៤ ថាច់កឿង

លោកថាច់កឿង រួមជាមួយក្មួយមកបំពេញសំណុំបែបបទទទួលរបបគោលនយោបាយនៅគណៈកម្មាធិការប្រជាជនឃុំតឹបស៊ើង។

​​     យុទ្ធជនពិការប្រភេទ ៤/៤ ថាច់កឿង កើតឆ្នាំ ១៩៥៤ នៅភូមិកំពង់ចាញ់ទ្រី ឃុំតឹបស៊ើង ស្រុកថ្កូវ។ ជាអ្នកបរិច្ចាគរាងកាយមួយចំណែកនៅសមរភូមិមុខដើម្បីរួមចំណែករំដោះប្រទេសជាតិ។
     ពេលប្រទេសជាតិធ្លាក់ចុះក្នុងភ្នក់សង្គ្រាម អាយុទើបបាន ១៦ ឆ្នាំ យុវជនថាច់កឿងភ្ញាក់ស្មារតីស្នេហាជាតិបានចាកពីគ្រួសារចូលរួមក្នុងកងវរសេនាតូចលេខ ៥១២ បោះទីតាំងឈរជើងនៅឃុំហ៊ុងហ្វា ស្រុកទីវកឹង។ សកម្មភាពរបស់កងវរសេនា តូចលេខ ៥១២ បើកទូលាយនៅតាមបណ្ដាស្រុកកូវង៉ាង ថ្កូវ ទីវកឹង។ល។  អាស្រ័យហេតុនោះ ក្នុងពេលប្រសព្វប្រយុទ្ធជាមួយពួកខ្មាំងនៅភូមិវាល លាក់ ឃុំថាញ់ហ្វាស៊ើង (ស្រុកកូវង៉ាង) លោកក៏ត្រូវរបួសត្រង់ដៃស្ដាំ។ ឆ្នាំ ១៩៧៦ លោកបានទទួលស្គាល់ជាយុទ្ធជនពិការប្រភេទ ៤/៤។ ឆ្នាំ ១៩៧៩ លោកចុះឈ្មោះចូលរួមក្នុងតួនាទីជាអ្នកជំនាញការបម្រើសមរភូមិប្រទេសកម្ពុជា ទទួលបន្ទុកបកប្រសាសន៍ឲ្យកងទ័ពប្រជាជនវៀតណាមទៅជួយ ប្រទេសកម្ពុជារហូតដល់ឆ្នាំ ១៩៨៥ លោកវិលត្រឡបមករួមរស់ជាមួយគ្រួសារ និងចូលរួមបណ្ដាចលនានៅមូលដ្ឋាន។ ឆ្នាំ ១៩៩២ លោកចូលបំពេញការងារក្នុងផ្នែកនគរបាលរបស់ឃុំរហូតដល់ ឆ្នាំ ២០០៥ លោកក៏សុំសម្រាកពីការងារដើម្បីជ្រោមជ្រែងជាមួយកិច្ចការក្នុងគ្រួសារ។
     ពេលត្រឡប់មកប្រជុំជីវភាពសាមញ្ញលោក តែងបំផុសចលនាបណ្ដាគ្រួសារចូលរួមជ្រោមជ្រែង បណ្ដាចលនានៅមូលដ្ឋាន រួមវិភាគទានកម្លាំងកាយសម្ភារកសាងភូមិស្រុកឱ្យកាន់តែស្រស់បំព្រង។ ទោះបីជីវភាពជួនកាលជួបនឹងការលំបាក ប៉ុន្តែ លោក តែងឆ្លៀតពេលដ៏មានតម្លៃចូលរួមជាមួយ បណ្ដាផ្នែកអង្គការមហាជនអនុវត្តបណ្ដាកិច្ចការ សង្គមដូចជា៖ ជួសជុលផ្លូវថ្នល់ ធ្វើអនាម័យដងផ្លូវ ចូលរួមបំផុសចលនាប្រជាជនកសាងគ្រួសារ ភូមិវប្បធម៌ជនបទថ្មី។ លោកថាច់កឿង ចែករំលែក៖ ខ្ញុំជាកូនកំព្រាឪពុកម្ដាយតាំងពីតូច រួចពេលកសាងគ្រួសារក៏រៀបការជាមួយកូនអ្នកកំព្រាដែរ។ អាស្រ័យហេតុនោះ កសាងជីវភាពគ្រួសារតែងពឹងទៅលើកម្លាំងពលកម្មរបស់ប្ដីប្រពន្ធខ្ញុំ។ ផ្ដើមពីរបបឧបត្ថម្ភប្រចាំខែសម្រាប់យុទ្ធជនជំងឺ ម៉្លោះហើយគ្រួសារគិតឃើញថាបានកក់ក្ដៅចិត្តដែរ។ 
      ធ្លាប់មានរយៈពេលជិតស្និទ្ធ បំពេញការងារជាមួយលោកថាច់កឿង លោកថាច់សារី នៅភូមិស្លែងចាស់ ឃុំតឹបស៊ើង ចែករំលែក៖ លោកថាច់កឿង និយាយនិងធ្វើតាមគោលការណ៍ គោលមាគ៌ា  គោលនយោបាយរបស់បក្ស និងរដ្ឋ មានការជិត ដិតជាមួយប្រជាជន។ អាស្រ័យហេតុនោះ លោក តែងបានប្រជាជនគោរពស្រឡាញ់។ ក្នុងពេលផ្អាកចូលរួមបណ្ដាកិច្ចការ លោកសំដែងពីចរិត យ៉ាងសាមញ្ញ។ ប្រការដែលធ្វើឱ្យខ្ញុំចូលចិត្តចំ ពោះរូបគាត់ គឺអ្វីដែលមូលដ្ឋានបានផ្សព្វផ្សាយ  គាត់តែងបម្រុងពេលវេលចូលរួម។ នោះគឺជាប្រការរៀនសូត្រតាមអ៊ំ ចាត់ទុកផលប្រយោជន៍ របស់មាតុភូមិជាការសំខាន់បំផុត។
​និយាយពីជីវភាពនៅពេលអនាគត លោក ថាច់កឿង ចែករំលែកបន្ថែមទៀតថា ខ្ញុំកាន់តែចាស់ ខ្ញុំប្រាថ្នាធ្វើអ្វីបានគឺធ្វើដើម្បីឱ្យក្មេងជំនាន់ ក្រោយត្រាប់តាម។ មោទនភាពរបស់ខ្ញុំគឺអ្វីៗដែល ខ្ញុំបានបរិច្ចាគនាពេលកន្លងក៏បានតបស្នងមកវិញ យ៉ាងស័ក្ដិសម។ នោះក៏ជាប្រការធ្វើឱ្យខ្ញុំមានជំ នឿមុតមាំទៅលើការដឹកនាំរបស់បក្សយើង៕ អត្ថបទ-រូបថត៖ ថាច់សម្បត្តិ