សេនាជនចល័ត ថាច់វណ្ណា រវៀសរវៃជាមួយការងារ

សេនាជនចល័ត ថាច់វណ្ណា កសាងផែនការសកម្មភាពសម្រាប់ខ្លួន។

ប្រតិបត្តិតាមការតម្រូវរបស់គណៈបញ្ជាការដ្ឋានយោធាមូលដ្ឋាន ក្រៅពីការប្រចាំការត្រៀមតទល់ជាមួយសភាពការណ៍អាក្រក់ សេនាជនចល័ត ថាច់វណ្ណា នៅទាំងសហការជាមួយផ្នែក នគរបាលចូលរួមអនុវត្តល្អការដើរល្បាតបណ្ដាតំបន់អាយជន បណ្ដាដងផ្លូវលើភូមិសាស្រ្ត។ ជារៀងរាល់សប្ដាហ៍ បងតែងរៀបចំពេលវេលាចូលរួមយាមល្បាត ៣-៤ លើក ដើម្បីក្ដាប់ស្ថានភាព  តាមដានរាល់ការលាតត្រដាងរបស់ប្រជាជន។ ផ្ដើមពីនោះបានជួយឱ្យសមមិត្តធ្វើល្អការងារសេនាធិការជូនថ្នាក់ដឹកនាំគណៈបញ្ជាការដ្ឋានយោធាមូលដ្ឋានដាក់ចេញផែនការគ្រប់គ្រងភូមិសាស្រ្ត និងអនុវត្តការងារសហការជាមួយបណ្ដាផ្នែក អង្គការមហាជន នគរបាលកាន់តែសម្រេចបានប្រសិទ្ធភាពល្អប្រសើរជាង។
សេនាជនចល័ត ថាច់វណ្ណា សំណេះសំណាល៖ ចូលរួមកងសេនាជនមូលដ្ឋានដែលមានជនរួមជាតិខ្មែររស់នៅច្រើន បំណងដ៏ធំបំផុតរបស់ខ្ញុំ គឺជនរួមជាតិខ្មែរគ្រប់រូបមានស្មារតីគោរពអនុវត្ត បានល្អគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ។ អាស្រ័យហេតុនោះ ក្នុងដំណើរយាមល្បាត ឬក៏ក្នុងទំនាក់ទំនងការងារ បើសិនពិនិត្យឃើញចំនួនអ្នកប្រព្រឹត្តខុសឆ្គង អាចឈានដល់ការពិន័យតាមផ្លូវច្បាប់នោះ ដំបូងខ្ញុំធ្វើការក្រើនរំលឹក។ មានអ្នកខ្លះ ក្រោយពេលបានក្រើនរំលឹក បានផ្លាស់ប្ដូរការប្រព្រឹត្តឆ្គាំឆ្គង របស់ខ្លួនភ្លាម ជួយឱ្យសណ្ដាប់ធ្នាប់នៃការរស់នៅ របស់ជនរួមជាតិខ្មែរកាន់តែប្រសើរឡើង។
សមមិត្ត ថាច់វណ្ណាបានចាត់ទុកជាអ្នកឈានមុខក្នុងការអនុវត្តន៍សារចរលេខ ២៧ របស់គណៈអចិន្ត្រៃយ៍នៃគណៈកម្មាធិការបក្សខេត្ត។ ក្នុងលើកចេញទ័ពរួមជាមួយបណ្ដាផ្នែក សមមិត្តតែងត្រៀមបម្រុងបានល្អរាល់ឧបករណ៍កាត់រំលស់កាប់ឆ្ការ បណ្ដាមែកឈើស៊ុមទ្រុម គ្របមកលើផ្លូវ ធានាសុវត្ថិភាពដល់អ្នកបើកបរ និងមធ្យោបាយចូលរួមចរាចរណ៍តាមបណ្ដាដងផ្លូវគមនាគមន៍ បង្កទិដ្ឋភាពបៃតង ជ្រះស្អាតបណ្ដាដងផ្លូវឃុំជនបទថ្មី។
អនុវត្តយោបល់ចង្អុលការរបស់គណៈបញ្ជាការដ្ឋានយោធាស្រុកក្នុងកិច្ចសហការអនុវត្តលើកកំពូលស្ដីពីបង្ការ បង្ក្រាបជនលើ្មសមុន ក្នុង និងក្រោយបុណ្យតេតង្វៀងដាងយ៉ាបទិនឆ្នាំ ២០២៤ សមមិត្ត ថាច់វណ្ណាកសាងផែនការជាក់ស្ដែងដោយខ្លួនឯង ចូលរួមប្រចាំការ ២៤/២៤ ម៉ោងដើម្បី សហការជាមួយផ្នែកនគរបាលអនុវត្តភារកិច្ច បង្ក្រាបជនល្មើស។
សមមិត្ត ថាច់វណ្ណា បានឱ្យដឹងបន្ថែម៖ តាម រយៈការប្រជុំស្ដីពីការងារត្រៀមបម្រុងសម្រាប់ លើកកំពូលបង្ការបង្ក្រាបជនល្មើសមុន ក្នុង និងក្រោយបុណ្យតេតតាមគោលលំនាំ “រលឹកដើម្បី ប្រជាជនសម្រាន្ត យាមល្បាតឱ្យប្រជាជនសប្បាយ” ខ្ញុំខិតខំដើម្បីបំពេញភារកិច្ចរបស់ខ្លួននៅមូលដ្ឋានឱ្យបានពេញលេញ។
សមមិត្ត ហ្វិញមិញហាយ មេបញ្ជាការគណៈបញ្ជាការដ្ឋានយោធាឃុំ តឹងស៊ើង បានឱ្យដឹង៖  សមមិត្ត ថាច់វណ្ណាតែងសម្ដែងពីភាពសកម្ម រវៀសរវៃក្នុងការងារ។ ក្នុងការអនុវត្តន៍ភារកិច្ច សមមិត្ត តែងសម្ដែងពីតួនាទី បន្ទុករបស់ខ្លួនយ៉ាងខ្ពស់។  អាស្រ័យហេតុនោះ បណ្ដាកិច្ចការដែលបានប្រគល់ជូន សមមិត្តតែងសម្រេចល្អ។ សមមិត្តក៏ជាអ្នកអនុវត្តល្អពេលវេលាហ្វឹកហាត់តាមកិច្ចចង្អុលការរបស់ថ្នាក់លើ។ ហេតុនោះ លទ្ធផលហ្វឹកហាត់របស់សមមិត្តកាន់តែសម្រេចបានលទ្ធផលខ្ពស់។ ក្រៅពីការប្រតិបត្តិម៉ោងប្រចាំការ សហការជាមួយផ្នែកនគរបាលអនុវត្តការយាមល្បាត សមមិត្ត នៅទាំងបម្រុងពេលវេលាចូលរួមចែករំលែកជាមួយបណ្ដាគ្រួសារដែលរងគ្រោះធម្មជាតិ អាសន្ន អន្ធក្រដើម្បីជួយគ្រួសារទាំងនោះឆ្លងកាត់ការលំបាក។ ភាពរវៀសរវៃរបស់មមិត្តសក្ដិសមជាយុទ្ធជនវ័យក្មេង ស្ម័គ្រចិត្តតទល់ជាមួយសភាពការណ៍ដែលកើតមានឡើង បង្កបានរូបភាពស្រស់ ស្អាតដក់ជាប់ក្នុងដួចចិត្តមហាជន។ល។ ជាមួយស្នាដៃនោះ គណៈបញ្ជាការដ្ឋានយោធាមូលដ្ឋាន ស្នើគណៈកម្មាធិការប្រជាជនស្រុកស្ងើចសរសើរ ជូនរង្វាន់ដល់សមមិត្ត៕          អត្ថបទ-រូបថត៖ សម្បត្តិ