មាមីងជនរួមជាតិខ្មែរភូមិទាលទោលបរិច្ចាគដីកសាងជនបទថ្មី

លោក គឹមរឿង (ទី ១ ខាងស្តាំ )សំណេះសំណាលជាមួយថ្នាក់ដឹកនាំភូមិ ឃុំ។

    គំរូលេចធ្លោបំផុត​ក្នុង​ចលនា​បរិច្ចាគដី​កសាងធារាសាស្រ្តវាលស្រែនៅភូមិទាល ទោលមានលោក គឹមរឿង។ លោក គឹមរឿង មានប្រសាសន៍​ថា​៖ កាលពី​ឆ្នាំ ២០១៦ ថ្វីត្បិត​ សេដ្ឋកិច្ច​គ្រួសារ​ខ្ញុំ​មិនទាន់ស្ថិរភាព​ដូច​សព្វ​ថ្ងៃ​ក៏​ដោយ ប៉ុន្តែ​ដោយសារចង់បានប្រភពទឹក សម្រាប់មាមីងក្នុងភូមិផលិតកសិកម្មខ្ញុំក៏បរិច្ចាគដីស្រែជិត ០៥ កុង ទុកឱ្យរដ្ឋជីកប្រឡាយធ្វើធារាសាស្រ្តវាលស្រែ។ តាំងពីមាន ប្រព័ន្ធធារាសាស្រ្តមក គ្រួសារខ្ញុំក៏ដូចជាមាមីងក្នុងភូមិផលិតស្រូវក្នុងមួយឆ្នាំបាន ០៣ រដូវ កើន ០១ រដូវ បើប្រៀបនឹងដំណាក់កាលមិនទាន់មានប្រឡាយធារាសាស្រ្ត។ ទិន្នផលស្រូវក្នុងមួយហិកតាសម្រេចពី ៥,៥‑ ០៦ តោន កើនពី ១,៥ ‑ ០២ តោនក្នុងមួយហិក តា។ ​ បន្ទាប់ពីបរិច្ចាគដីនោះគ្រួសារខ្ញុំក៏នៅ​ស្រែ 0៩​ កុង ផលិតស្រូវផ្តល់ផលខ្ពស់ខ្ញុំក៏សន្សំសំចៃផ្ទេរកម្មសិទ្ធិដីស្រែបន្ថែមបាន ០២ កុងសម្រាប់ដាំស្មៅចិញ្ចឹមគោ។ ចាប់តាំងពីនោះមក សេដ្ឋកិច្ច​គ្រួសារ​ខ្ញុំ​ក៏រីកចម្រើន​ស្ថិរភាព ​សាងសង់បាន​ផ្ទះ​រឹង​មាំ។ បច្ចុប្បន្ន​គ្រួសារខ្ញុំចិញ្ចឹម​គោ​​ ០៨​ ក្បាល ​ជ្រូក ​​៣២​ ក្បាល ក្នុងមួយឆ្នាំក្រោយពីទូទាត់ខ្ទង់ចំណាយរួចនៅចំណេញមធ្យម ១១០ លានដុង ។ “ ទង្វើ របស់លោក គឹមរឿង ជាទង្វើដ៏ល្អសាយភាយ ទូលំទូលាយក្នុងសង្គមរួមចំណែកជំរុ​ញស្មារតី ប្រជាជនឲ្យបង្កើនការសាមគ្គីចូលរួមកសាងជនបទថ្មី។ ប្រជាជនក្នុងភូមិស្ម័គ្រចិត្តចូលរួមបរិច្ចាគដីរាប់ពាន់ម៉ែត្រក្រឡា ដើម្បីបន្តការកសាងធារាសាស្រ្ត ផ្លូវជនបទ ។ល។ រួមចំ ណែកកសាងសម្រេចបណ្តាលក្ខឋាន ជន​បទថ្មី ញ៉ាំងឲ្យទិដ្ឋភាពនៅជនបទបាន​ស្រស់បំព្រង “ ។ លោក ឡឹមត្រឹងវ៉ឹងលេខាសា​ខាបក្សភូមិទាលទោលមានប្រសាសន៍ដូច្នោះ។

    ទន្ទឹមនឹងនោះ មាមីងជនរួមជាតិខ្មែរភូមិទាលទោលតែងយល់ច្បាស់អំពីទិស​ដៅកសាងជនបទថ្មីរបស់បក្ស និងរដ្ឋ ចូលរួម ជាមួយបក្ស និងរដ្ឋក្នុងការកសាងជនបទថ្មីជានិច្ច។ លោកស៊ើងហ្វាងនៅភូមិទាលទោល ឃុំដាឡុកបានឲ្យដឹងដែរថា៖ គោលដៅនៃ ការកសាងជនបទថ្មីរបស់បក្ស និងរដ្ឋគឺដើម្បីបង្កលក្ខណៈងាយ​ស្រួលជូនប្រជាជនក្នុងការពង្រីកសេដ្ឋកិច្ច កសាងជីវភាពរីកចម្រើនលើ  គ្រប់វិស័យ។ ហេតុនោះ ខ្ញុំតែងយល់ស្រប និងស្ម័គ្រចិត្តរួមចំណែកក្នុងការកសាងជនបទថ្មីបាន ០១ លានដុង និងចលនាប្រជាជន ក្នុងភូមិចូលរួមប្រាក់បាន ១០០ លានដុង ដើម្បីរួមចំណែកជាមួយរដ្ឋ កសាងសម្រេចស្ពានជនបទមួយមានប្រវែង ២៨ ម៉ែត្រ ទទឹង ០៣ ម៉ែត្រ សរុបថវិកាកសាងជាង ៣៣0 លានដុង។

លេខាបក្សឃុំដាឡុក (ខាងស្តាំ) អញ្ជើញទៅត្រួតពិនិត្យស្ពាន នៅភូមិទាលទោល។

     ភូមិទាលទោលបានគណៈចង្អុលការកម្ម វិធីគោលដៅជាតិស្តីកសាងជនបទថ្មីឃុំ ទទួលស្គាល់ និងវាយតម្លៃខ្ពស់ពីអនុវត្តល្អការងារផ្សព្វផ្សាយចលនាប្រជាជនបង្កើនការ​សាមគ្គី កសាងជនបទថ្មី។  លោកថាច់ខើយង៉ៀ លេខាបក្សឃុំ-ប្រធានគណៈចង្អុលការកម្មវិធីគោលដៅជាតិស្តីកសាងជនបទថ្មីឃុំដាឡុកមានប្រសាសន៍ថា៖ បើប្រៀបជាមួយភូមិដទៃទៀតក្នុងឃុំកាលពី ០៥ ឆ្នាំមុន ជីវភាពមាមីងជនរួមជាតិខ្មែរភូមិទាលទោលជួបកា​រលំបាកច្រើន កា​រធ្វើដំណើរតាមផ្លូវ​ក្នុងភូមិនោះក៏លំបាក ពីព្រោះ​ក្នុងភូមិសុទ្ធសឹងតែផ្លូវ​ដី រដូវវស្សាល្បាប់ជ្រាំប៉ប៉ិកប៉ប៉ាក់។ ប៉ុន្តែមាមីងជនរួមជាតិខ្មែរក្នុងភូមិតែងបង្កើនស្មារតីទទួលបន្ទុក និងរួមដំណើរជាមួយរដ្ឋអំណាចមូលដ្ឋានអនុវត្តល្អការងា​រកសាងជនបទថ្មី និងតួនាទី ភារកិច្ចរបស់ខ្លួន ដើម្បីអនុវត្តបណ្តាចលនាប្រឡងប្រណាំងដោយមានទង្វើជាក់ស្តែងដូចជា៖ បរិច្ចាគដីកសាងប្រឡាយធារាសាស្រ្ត ស្ពានជនបទ ផ្លូវថ្នល់ និងប្រាក់កសាងបង្គោលអគ្គិសនីអុចបំភ្លឺតាម​ដងផ្លូវ។ល។

  ទទួលអំណរឆ្នាំថ្មី ឆ្នាំខាលចត្វាស័ក គ.ស. ២០២២ មាមីងជនរួមជាតិខ្មែរនៅភូមិទាល ទោលឃុំដាឡុកពិតជាសប្បាយរីករាយ ដោយ សារទិដ្ឋភាពនៅទីនេះកាន់តែស្រស់បំព្រង និងជីវភាពបានធូរធាជាងមុន។ ជាពិសេសគឺចូលរួមសប្បាយរីករាយជាមួយប្រជាជនក្នុងឃុំទាំងមូល ដែលបានទទួលកិត្តិនាមឃុំដាឡុកសម្រេចលក្ខឋានឃុំជនបទថ្មីកាលពីចុងឆ្នាំ ២០២១៕    

អត្ថបទ-រូបថត៖ សុជា