សម្ព័ន្ធពលករស្រុកចូវថាញ់៖ ចូលរួមដំណើរជាមួយបណ្តាស្ថានភាពជួបការលំបាក

រថយន្តដឹកជញ្ញូនគ្រឿងបរិភោគអាហាររបស់សម្ព័ន្ធពលករស្រុកចូវថាញ់ជូនដល់ទីក្រុងហូជីមិញ។

លោកវ៉ត្រឿងថាំង ប្រធានសម្ព័ន្ធពលករស្រុកចូវថាញ់បានឧ្យដឹង៖ អនុវត្តតាមកិច្ចចង្អុលការរបស់សហជីពថ្នាក់លើ និងគណៈកម្មាធិការបក្សស្រុកចូវថាញ់ សម្ព័ន្ធពលករស្រុកចូវថាញ់បានផ្សព្វផ្សាយ បំផុសចលនាសមាជិក និងពលករ និយោជិតពលករ ចូលរួមកម្លាំងឧបត្ថម្ភបណ្តាប្រភពកម្លាំងក្នុងការបង្ការទប់ស្កាត់អាសន្នរោគជំងឺកូវីដ‑១៩។ ឆ្លងតាមនោះ គិតតាំងពីអាសន្នរោគជំងឺកូវីដ‑១៩ រីករាលដាលមកវិញ សម្ព័ន្ធពលករស្រុកចូវថាញ់ បាន ចាត់តាំងបំផុសចលនាសប្បុរសជន កម្មាភិបាល សមាជិកសហព័ន្ធ និងពលករនិយោជិត ពល ករចូលរួមគបវាល់សម្ភារប្រើប្រាស់ចាំបាច់​ជូនដល់កម្មករ ពលករនៅទីក្រុងហូជីមិញ និងចូល រួមទាំងកម្លាំងកាយចិត្តសម្រាប់បង្ការទប់ស្កាត់អាសន្នរោគជំងឺកូវីដ‑១៩​ នៅលើភូមិសាស្ត្រ ស្រុកចូវថាញ់។ គិតពីថ្ងៃទី ២៧ កក្កដា រហូតដល់ថ្ងៃ ២៨ សីហាឆ្នាំ ​២០២១ បំផុសចលនា បានអង្ករជាង ២.៧០០ គីឡូក្រាមបន្លែ មើម ផ្លែឈើជាង ៥​.១០០ គីឡូក្រាម។ល។ គិត ជាប្រាក់ជាង ១៨២,៤ លានដុង។ ក្រៅពីនោះ សម្ព័ន្ធពលករស្រុកចូវថាញ់នៅទាំងបំផុស ចលនាបានសាច់ប្រាក់ ៤៨,៨​ លានដុង សម្រាប់ទិញអង្ករ ៥.៥០០ គីឡូក្រាម និងពងទាបាន ២០០.០០០ ពង សម្ភារប្រើប្រាស់ចាំបាច់ប្រចាំថ្ងៃជូនដល់បណ្តាគ្រួសារជួបលំបាក។

ក្នុងរយៈពេលអនុវត្តការគម្លាតសង្គម ដើម្បីបង្ការទប់ស្កាត់អាសន្នរោគជំងឺកូវីដ‑១៩ ការ ចូលរួមកម្លាំងរបស់សហគមន៍ ទទួលឧបត្ថម្ភបណ្តាគ្រួសារជួបការលំបាក មានភារកិច្ចយ៉ាង សំខាន់។ ប្រធានសហជីពឃុំហ្វាឡើយ បងថាច់មិញត្វឹង បានចែករំលែកថា​៖ ដើម្បីឧបត្ថម្ភ មាមីងជួបការលំបាក អាស្រ័យមហាសន្នរោគ សហជីពឃុំហ្វាឡើយ មិនត្រឹមតែបំផុសចលនា សមាជិក សប្បុរសជនចូលរួមគបវាល់សម្ភារប្រើប្រាស់ចាំបាច់ដើម្បីឧបត្ថម្ភបណ្តាគ្រួសារជួបលំបាកនៅលើភូមិសាស្ត្រឃុំបានអង្ករ ១០០ គីឡូក្រាមដើម្បីឧបត្ថម្ភបណ្តាប្រភពកម្លាំងបង្ការទប់ស្កាត់អាសន្នរោគជំងឺកូវីដ‑១៩ នៅលើភូមិសាស្ត្រស្រុក​ និងបំផុសចលនាសម្ព័ន្ធពលករខេត្តឧបត្ថម្ភមាមីងជួបការលំបាកនៅតំបន់ចត្តាឡីស័កនៅភូមិចុងព្រៃ ឃុំហ្វាឡើយអំណោយ ១៥ ចំណែក មានតម្លៃជាង ៣,៧ លានដុង។

បងស្រីគាងធីចិន្តា នៅភូមិចុងព្រៃ ឃុំហ្វាឡើយឲ្យដឹង៖​ ជាគ្រួសារជួបការលំបាក ពេល ទទួលបានអំណោយឧបត្ថម្ភ​គ្រួសារខ្ញុំត្រេកអរណាស់ អាស្រ័យកាត់បន្ថយបានក្តីលំបាកក្នុង រយៈពេលអាសន្នរោគកើតឡើង គ្រួសារគ្មានការងារធ្វើ។

មិនត្រឹមតែគិតគូរដល់គ្រួសារជួបការលំបាកនៅស្រុកចូវថាញ់ ក្នុងរយៈកាលកន្លង សម្ព័ន្ធពលករស្រុកចូវថាញ់បានសហការជាមួយបណ្តាផ្នែក បណ្តាថ្នាក់ អង្គការមហាជន សកម្មផ្សព្វ ផ្សាយ បំផុសចលនាចូលរួមគបវាល់មុខទំនិញ សម្ភារប្រើប្រាស់ចាំបាច់ឧបត្ថម្ភសមាជិកសហជីព ពលករជ្រាបជំងឺកូវីដ‑១៩ កំពុងព្យាបាលនៅមន្ទីរពេទ្យបណ្តោះអាសន្ន និងសហការ ជាមួយសម្ព័ន្ធពលករខេត្តទៅសួរសុខទុក្ខកងកម្លាំងសមរភូមិមុខបង្ការជំងឺនៅលើភូមិសាស្ត្រស្រុកចូវថាញ់ អស់ទឹកប្រាក់ជាង ២១ លានដុង។ បណ្តាសម្មភាពទាំងនោះ ដើម្បីគោល ដៅចូលរួមប្រឆាំង ទប់ស្កាត់អាសន្នរោគជំងឺកូវីដ‑១៩៕          

អត្ថបទ‑រូបថត៖ សុខា