ថ្ងៃបវេសនកាលពោរពេញដោយក្តីរីករាយ

គណៈចាងហ្វាងសាលាថតរូបអនុស្សាវរីយ៍ជាមួយសមណសិស្សនៅថ្ងៃបវេសនកាល។

     ប្អូនស៊ើងថាយបិញ នៅឃុំថាញ់ហ្វាស៊ើង ស្រុកកូវង៉ាង ជាសិស្សថ្នាក់ទី ១០ អា បានរៀបរាប់ដោយក្តីរីករាយថា៖ ឆ្នាំសិក្សានេះជាឆ្នាំសិក្សាពិសេសចំពោះប្អូន។ ព្រោះ​ឆ្នាំ​នេះ​ជា​ឆ្នាំ​ដំបូង​ដែលប្អូន​បាន​រៀន​នៅ​សាលា​មធ្យម​សិក្សា​បាលី-ខ្មែរត្រាវិញ។ នេះជាថ្ងៃពិសេសមួយដែលកំណត់ត្រាដំណើរសិក្សាថ្មីរបស់ប្អូន។ ប្អូនដឹងថាឆ្នាំសិក្សានេះរមែងជួបការលំបាកច្រើន ពីព្រោះប្អូនត្រូវសិក្សាពីរប្រព័ន្ធសិក្សា គឺប្រពន្ធអប់រំជាប្រចាំ និងប្រព័ន្ធអប់រំភាសាបាលី-ខ្មែរ ទោះជាយ៉ាងនោះក្តី ប្អូនតែងជឿជាក់លើខ្លួនឯង រួចប្តេជ្ញាចិត្តខិតខំរៀនសូត្រឲ្យបានល្អ លុះត្រាសម្រេចជោគជ័យ។ បានរៀននៅសាលាមធ្យមសិក្សាបាលី-ខ្មែរ គឺជាក្តីប្រាថ្នារបស់ប្អូន ព្រោះសាលានេះមានលក្ខណៈពិសេស គឺប្អូនរៀនអក្សរសាស្រ្តខ្មែរ និងភាបាលីបានច្រើន ដូច្នោះហើយ ទោះបីជាជួបការលំបាកយ៉ាងណាក៏ដោយ ប្អូនក៏តាំងចិត្តរៀនសូត្រឱ្យបានល្អ មិនឲ្យឪពុកម្តាយ និងលោកគ្រូ អ្នកគ្រូខកបំណងឡើយ ។

      ចំពោះសិស្សថ្នាក់ទី ១២ មានអារម្មណ៍សប្បាយរីករាយផង ក្តុកក្តួលក្នុងចិត្តផង ព្រោះជិតនឹងឆ្ងាយពីសាលារៀន ឆ្ងាយពីលោកគ្រូ អ្នកគ្រូដែលធ្លាប់បង្ហាត់បង្រៀនប្អូនៗទាំងវិជ្ជាសម្បត្តិ និងសុជីវធម៌ក្នុងការរស់នៅ។

      ប្អូនថាច់ធីអាមី នៅឃុំម៉ីចាញ់ ស្រុកចូវថាញ់ ជាសិស្សថ្នាក់ទី ១២ បេ សំណេះសំណាលដោយរីករាយថា៖ ប្អូនស្ទើរតែមិនយល់អំពីអារម្មណ៍ប្អូននៅថ្ងៃបវេសនកាល ពីព្រោះកំពុងតែសប្បាយរីករាយ ស្រាប់តែ មានអារម្មណ៍ក្តុកក្តួលបន្តិច។ ពេល​វេលា​កន្លង​ផុត​ទៅឆាប់មែន ទើបថ្មីៗនេះសោះប្អូនជា​សិស្ស​ថ្នាក់​ទី ​១០ ចូលរៀន​នៅសាលារៀន​ថ្មី ពេលនេះក៏បាន​ជា​សិស្ស​ថ្នាក់​ទី ១២ រួចហើយ។ នៅត្រឹមតែមួយ​ឆ្នាំ​សិក្សាទៀតប្អូនឆ្ងាយ​ពី​សាលា​ ឆ្ងាយពី​គ្រូបង្រៀន និង​មិត្តភក្តិហើយ។ ទោះ​បី​ជា​មានអារម្មណ៍ក្តុកក្តួល​បន្តិច​ក៏​ដោយ ​ មកដល់មណ្ឌលសាលាប្អូនសប្បាយរីករាយ និងមានភាពកក់កក្តៅណាស់ ព្រោះបានរៀនសូត្រ និងកម្សាន្តសប្បាយនៅមណ្ឌលសាលាដ៏ស្រស់ស្អាត មានដាំដើមឈើពណ៌បៃតង ជ្រុងទីធ្លាសាលា ជាពិសេសខ្លោងទ្វារសាលាមានឆ្លាក់អក្សរ "សាលាមធ្យមសិក្សាបាលី-ខ្មែរ" ដែលប្អូនបានភ្ជាប់អស់រយៈកាល ០២ ឆ្នាំសិក្សាកន្លង។ ទន្ទឹមនឹងការរីករាយ រំភើបក្នុងចិត្តនោះ ប្អូនក៏បានកំណត់គោលដៅ និងផែនការសម្រាប់ឆ្នាំសិក្សាថ្មីនេះផងដែរ។ ពីព្រោះឆ្នាំសិក្សានេះជាឆ្នាំសិក្សាពិសេសសម្រាប់ប្អូនត្រៀមឈានទៅកាន់ដំណាក់កាលថ្មីក្នុងដំណើរជីវិតនោះគឺ ដើម្បីប្រឡងទទួលសញ្ញាបត្រមធ្យមសិក្សាវិទ្យាល័យជាតិសម្រេចបានលទ្ធផលល្អ។

គណៈចាងហ្វាងសាលាថតរូបអនុស្សាវរីយ៍ជាមួយយុវសិស្សនៅថ្ងៃបវេសនកាល។

     លោកគ្រូឡឹមសុរ៉ុន្ទរ៍ ចាងហ្វាងរងសាលាមធ្យមសិក្បាបាលី-ខ្មែរត្រាវិញមានប្រសាសន៍ថា៖ អំណរបវេសនកាលឆ្នាំសិក្សាថ្មី ពោរពេញដោយភាពរីករាយ ដោយស្វាគមន៍សមណសិស្ស និងសិស្សចូលរៀនក្នុង សាលាវិញ។ ទន្ទឹមនឹងការរីករាយនោះ គណៈចាងហ្វាងសាលាក៏ផ្តុំកម្លាំងចង្អុលការកម្មាភិបាល គ្រូបង្រៀនអនុវត្តល្អភារកិច្ចរៀងៗខ្លួន ម្នាក់ៗត្រូវមានគំនិតច្នៃប្រតិដ្ឋបំពេញការងារមុខជំនាញឱ្យបានល្អ ដើម្បីរួមចំណែកបង្កើនគុណភាពអប់រំរបស់សាលា។ សាលាមានលក្ខណៈបណ្តុះបណ្តាលពិសេស តាមប្រព័ន្ធអប់រំជាប្រចាំ បង្រៀនភាសាបាលី អក្សរសាស្រ្តខ្មែរ និងអប់រំផ្នែកពុទ្ធិកសិក្សា ដើម្បីសមណសិស្ស និងសិស្សខ្មែរក្នុងខេត្តសិក្សារៀនសូត្រ។ ហេតុនោះ គ្រូបង្រៀន និងបុគ្គលិករបស់សាលា តែងជ្រោងខ្ពស់ស្មារតីទទួលបន្ទុក ខិតខំស្រាវជ្រាវបង្កើនចំណេះដឹងមុខជំនាញដើម្បីអប់រំសមណសិស្ស និងសិស្សឱ្យយល់ដឹងមុខវិជ្ជាផ្នែកពុទ្ធសាសនាផង និងមុខវិជ្ជាសកលផងដើម្បីទុកឱ្យសមណសិស្ស និងសិស្សជំនឿលើខ្លួនពេញសិទ្ធិបន្តការសិក្សានូវកម្រិតខ្ពស់ជាងទៀតដូចជា៖ ឧត្តមសិក្សា មហាវិទ្យាល័យ ក្នុងនិងក្រៅប្រទេស ឆ្លើយតបតាមតម្រូវការឧស្សាហកម្ម ភាវូបនីយកម្ម និងពុទ្ធសាសនានៅប្រទេសវៀតណាមក្នុងសម័យសមាហរណកម្មអន្តរជាតិ៕

អត្ថបទ- រូបថត៖ សុជា