សាមគ្គីកសាងជនបទថ្មី

     ដោយកំណត់​ឃើញថាការកសាង​ជន​បទ​ថ្មី​គឺ​ដើម្បីលើកកម្ពស់ជីវភាព​សេដ្ឋកិច្ច វប្បធម៌ និង​សង្គម ធានាសន្តិសុខនយោបាយមូលដ្ឋាន។ នាពេលកន្លង ឃុំសុងឡុក កសាងឃុំជនបទថ្មីសម្រេចជោគជ័យ។ សមិទ្ធផលសម្រេចបាន ក្នុងនោះមានការរួមវិភាគទានយ៉ាងសកម្មរបស់ប្រជាជនក្នុងឃុំផងដែរ។

ជនរួមជាតិ​ខ្មែរ​នៅ​ឃុំ​សុង​ឡុករំភើប​ចិត្ត​ពេល​ផ្លូវបេតុង​តភ្ជាប់​ភូមិកសាង​​បាន​សម្រេច។

     លោក ថាច់សុង នៅភូមិភ្នក បានឱ្យដឹងថា៖ “ជ្រោមជ្រែងជាមួយចលនាកសាងជនបទថ្មី ប្រជាជនភាគច្រើនបានចូលរួមគាំទ្រ។ រយៈពេលថ្មីៗនេះ​រដ្ឋអំណាចមូលដ្ឋានបានបំផុសចលនាគ្រួសារខ្ញុំឱ្យបរិច្ចាគដីដើម្បីកសាងផ្លូវបេតុងនៅក្នុងភូមិ។ គ្រួសារខ្ញុំបានបរិច្ចាគដី ៣០០ ម៉ែត្រក្រឡា។ បច្ចុប្បន្ន ផ្លូវ​នេះ​ ​បាន​កសាង ​រួច ដាក់ឱ្យប្រើប្រាស់​ ប្រជាជនមានការ​រីករាយយ៉ាង​ខ្លាំង ។ ហើយ​កាន់តែ​រីករាយជាងទៀតគឺ​នៅពេលដែល​ជីវភាព សម្ភារ និងស្មារតី​ បាន​កែលម្អ​ប្រសើរជាង​”​។

    លោក យ៉ីបភឿង អនុប្រធានគណៈកម្មាធិការប្រជាជនឃុំសុងឡុក បានឱ្យដឹងថា៖ “ដើម្បីជួយឱ្យប្រជាជនមានការភ្ញាក់រលឹកក្នុងការកសាងជនបទថ្មី បក្ខភាគ រដ្ឋអំណាច បណ្ដាគណៈ ផ្នែក និងបណ្ដាសមាគមអង្គការមហាជនឃុំបានសកម្មផ្សព្វផ្សាយដល់ប្រជាជនអំពីប្រសិទ្ធភាពនៃការកសាងជនបទថ្មី បំផុសចលនាប្រជាជន​​ចូល​រួម​ក្នុង​ការ​កសាង​ជន​បទ​ថ្មី ដូចជា​ការ​បំផុសចលនាឱ្យ​ប្រជាជនបរិច្ចាគ​ដី​ដើម្បី​កសាង​ផ្លូវ​ថ្នល់​ រួមវិភាគទានថវិកាកសាងនិងដាក់ឱ្យប្រើប្រាស់ភ្លើងបំភ្លឺដងផ្លូវសាធារណៈចំនួន ១២ខ្សែ លើបណ្ដាដងផ្លូវជាតិ ផ្លូវខេត្ត និងផ្លូវស្រុក ដែលមានប្រវែងសរុបជាង ១៩,៥ គីឡូម៉ែត្រ សរុបថវិកាចំនួន ៨៥០លានដុង។

     ដោយកំណត់ឃើញថា ការអភិវឌ្ឍន៍ផ្លូវគមនាគមន៍ជាកិច្ចការសំខាន់សម្រាប់ការអភិវឌ្ឍន៍សេដ្ឋកិច្ចសង្គម ឃុំសុងឡុកប្រើប្រាស់បានល្អបណ្ដាប្រភពទុនថ្នាក់លើផ្ដល់ឱ្យកសាងផ្លូវក្រាលកៅស៊ូប្រវែង ១៨គីឡូម៉ែត្រ និងផ្លូវបេតុងប្រវែង ១៧,២គីឡូម៉ែត្រ។ ផ្លូវធំៗក្នុងឃុំទាំងអស់បានតភ្ជាប់ជាមួយមជ្ឈមណ្ឌលខេត្ត ស្រុក និងឃុំជិតខាង និងផ្លូវផ្សេងៗទៀតធានាមិនឲ្យជាប់ភក់ បម្រើដល់ការដឹកជញ្ជូនទំនិញ និងការធ្វើដំណើររបស់ប្រជាជនបានយ៉ាងល្អ។

     លោក គឹមសាហ្វាន នៅភូមិភ្នកបានរៀបរាប់ទាំងក្ដីរំភើបថា៖ “ដោយសារមានការកសាងជនបទថ្មី ប្រជាជនបានទទួលផលយ៉ាងច្រើន ចូលរួមជ្រោមជ្រែងនឹងការកសាងជនបទថ្មី គ្រួសារខ្ញុំបានបរិច្ចាគដីកសាងផ្លូវ នឹងដាំដើមឈើដើម្បីបង្កទិដ្ឋភាពបរិស្ថាន​”។

ដងផ្លូវ​នៅ​ឃុំសុងឡុកកសាងដោយការបំផុសចលនាប្រជាជនចូលរួម។

     ដើម្បីបន្តពង្រីកលទ្ធផលដែលសម្រេចបានក្នុងការកសាងជនបទថ្មីនៅមូលដ្ឋាន នាពេលខាងមុខ ឃុំនឹងបន្តរក្សានិងលើកកម្ពស់គុណភាពលក្ខឋានជនបទថ្មីឆ្ពោះទៅរកការកសាងឃុំជនបទថ្មីលើកកម្ពស់។ សម្រាប់លក្ខឋានដែលងាយនឹងប្រែប្រួលដូចជា៖ បរិស្ថាន សន្តិសុខ - សណ្តាប់ធ្នាប់ ពលករមានការងារធ្វើ គ្រួសារក្រីក្រមានប្រាក់ចំណូលជាមធ្យមសម្រាប់មនុស្សម្នាក់។ល។ ឃុំជំរុញមាំរៀបចំការងារ ដោះស្រាយការងារថ្មីជាច្រើន ឧបត្ថម្ភពង្រីកអាជីវកម្មតូចនិងល្មម ពង្រីកកសិដ្ឋាន និងកសិដ្ឋានចិញ្ចឹមសត្វ។ ឧបត្ថម្ភឱ្យបុលទុន បណ្ដុះបណ្ដាលវិជ្ជាជីវៈ ជួយបណ្ដាគ្រួសារ ជាពិសេសគ្រួសារក្រីក្រ មានមធ្យោបាយ ផលិត ដើម្បីប្រកបការងាររកទទួលទានរួចផុតពីភាពក្រីក្រ។ល។ បន្តផ្សព្វផ្សាយ និងលើកកម្ពស់ការយល់ដឹង និងការទទួលខុសត្រូវរបស់ប្រជាជន ក្នុងការថែរក្សាផ្លូវភូមិ “ភ្លឺ-បៃតង-ជ្រះ-ស្អាត”។ ទន្ទឹមនឹងនោះ ឃុំបង្កើនការអនុវត្តន៍ប្រកបដោយប្រសិទ្ធភាពការងារសហការរវាងនគរបាល យោធាឃុំ និងបណ្ដាអង្គការមហាជនឃុំ ភូមិ។ល។ ក្នុងការងារការពារសណ្តាប់ធ្នាប់ និងសន្តិសុខជនបទ៕

    អត្ថបទ­-រូបថត៖ សុខា