ចូវថាញ់យកចិត្តទុកដាក់អនុវត្តគោលនយោបាយពិសេសក្នុងតំបន់ជនរួមជាតិខ្មែរ

ក្នុងដំណាក់កាល ២០១៧‑២០២០ អនុវត្តការឧបត្ថម្ភដីផលិតនៅលើភូមិសាស្រ្ត ស្រុកមានគ្រួសារចំនួន ៦៦ គ្រួមានតម្រូវការ ក្នុងនោះ មានគ្រួសារជនជាតិខ្មែរ ៦៥ គ្រួ គ្រួសារជនជាតិកិញ ១ គ្រួ ថវិកាអនុវត្តជិត ៤,៣ ពាន់លានដុង ក្នុងនោះថវិកាមជ្ឈិមឧបត្ថម្ភ ៩៩០ លានដុង បុលធនាគារគោលនយោបាយសង្គម ៣,៣ ពាន់លានដុង។ លទ្ធផលផ្ទៀងផ្ទាត់នៅចំនួន ៥៨ គ្រួសាបានទទួលផល (៨ គ្រួសារអាស្រ័យចាកផុតភាពក្រីក្រ)។ ក្នុងចំនួន ៥៨ គ្រួ មាន ៥៧ គ្រួសារទទួលផលពីគោលនយោបាយបង្វែរមុខរបរ ១ គ្រួមានតម្រូវការទទួលផលដីផលិត។ ទូទាំងស្រុក មានគ្រួសារមានតម្រូវការបង្វែរមុខរបរចំនួន ១.៦៥៤ គ្រួ លទ្ធផលអនុវត្តមានគ្រួសារចំនួន ៣៦៧ គ្រួ បានបុលទុនបង្វែរមុខរបរ ជាមួយទឹកប្រាក់ ១៣ ពាន់លានដុង ចំនួនក្រៅពីនោះចាកផុតភាពក្រីក្រ ជិតក្រ រួចបង្វែរទៅកម្មវិធីបុលទុនទើបចាកផុតភាពក្រី​ក្រ។ ទន្ទឹមនឹងនោះ ស្រុកក៏ដោះស្រាយឱ្យគ្រួសារចំនួន ១.៤៩៧ គ្រួដែលមាន​តម្រូវការទឹកប្រជុំជីវភាព(ជនជាតិខ្មែរ ១.០៤៧ គ្រួ ជនជាតិកិញ ៤៥០ គ្រួ) ថវិកាអនុវត្តជាង ២,៣ ពាន់ លានដុង។

លោកសឺនញ៉ឹកថាញ់ប្រធានការិយាល័យជនជាតិស្រុកចូវថាញ់។

លោក​ សឺនញ៉ឹកថាញ់ ប្រធានការិយាល័យជនជាតិស្រុកចូវថាញ់បានឱ្យដឹងថា៖ ក្នុងបណ្ដាឆ្នាំកន្លង បក្ស និងរដ្ឋបានចេញផ្សាយគោលការណ៍ គោលនយោបាយជាច្រើនចំពោះជនរួមជាតិភាគតិចនិយាយរួម ជនជាតិខ្មែរនិយាយដោយឡែក សមស្របជាមួយនឹងក្ដីប្រាថ្នារបស់ជនរួម​ជាតិខ្មែរ។ បណ្ដាសេចក្ដីសម្រេចចិត្តរបស់គណៈកម្មាធិការបក្សខេត្ត កម្មវិធីសកម្មភាពរបស់គណៈកម្មាធិការបក្សស្រុក ផែនការរបស់គណៈកម្មាធិការប្រជាជនស្រុកផ្ទាល់ជាមួយស្ថានភាពរបស់មូលដ្ឋានតែងបានផ្សព្វផ្សាយ​ដល់ជនរួម ជាតិខ្មែរលើភូមិសាស្រ្តទាន់ពេល។ ក្នុងដំណាក់កាល ២០២១‑២០២៥ ស្រុកកំពុងរង់ចាំការបត់បែងប្រភពទុនរបស់​មជ្ឈិម  របស់ខេត្តដើម្បីបន្តអនុវត្តជូនជនរួមជាតិខ្មែរ ធានាត្រូវតាមមុខសញ្ញា។

គ្រួសារបង​ថាច់យ៉ឹង នៅភូមិហឿងភូ (សេ)   ឃុំដាឡុក ជាគ្រួសារស្ថិតក្នុងមុខសញ្ញាក្រីក្រ។ ឆ្នាំ ២០១៨ គ្រួសារបងបានមូលដ្ឋានពិនិត្យឱ្យបុលទុនពីធនាគោលនយោបាយសង្គមចំនួន ២០ លានដុងសម្រាប់ចិញ្ចឹមសត្វ។ ផ្ដើមពីប្រភពទុនបុល រួមជាមួយប្រាក់ប្រិតសំចៃរបស់គ្រួសារ បងទិញបានគោមេ ២ ក្បាល។ ផ្តើមពីគោមេ ២ ក្បាលខាងដើម គិតមកទល់ពេលនេះ គ្រួសារបងមានគោមេ ៤ ក្បាល។ បងថាច់យ៉ឹងបានឱ្យដឹងថា៖ ដោយបានប្រាក់ទុន អាទិភាព ម៉្លោះហើយគ្រួសារបានឈានឡើងធូរធា។ គ្រួសារបន្តរក្សាទម្រង់ចិញ្ចឹមសត្វដើម្បីជួយឱ្យគ្រួសារមានការកែលម្អជាងមុន។

បងថាច់យ៉ឹងថែទាំហ្វូងគោរបស់គ្រួសារ។

ក្នុងដំណាក់កាលទី ១ (២០២១‑២០២៥) អនុវត្តសេចក្ដីសម្រេចចិត្តលេខ ១៧១៩/QĐ-TTg ចុះថ្ងៃទី ១៤ ខែតុលា ឆ្នាំ ២០២១ “ផ្ដល់សច្ចាប័នកម្មវិធីគោលដៅជាតិពង្រីកសេដ្ឋកិច្ច‑សង្គមតំបន់ជនរួមជាតិភាគតិច និង តំបន់ភ្នំដំណាក់កាល ២០២១‑២០៣០” ស្រុកចូវថាញ់កសាងផែនការអនុវត្តគោលដៅជាតិពង្រីកសេដ្ឋកិច្ច‑សង្គមតំបន់ជនរួមជាតិខ្មែរ ទន្ទឹមនឹងនោះ ស្រុកនឹងផ្សព្វផ្សាយអនុវត្តកម្មវិធី គោលដៅជាតិតំបន់ជនរួមជាតិខ្មែរតាម​សេចក្ដីសម្រេចចិត្តលេខ ៨៦១/QĐ-TTg ចុះថ្ងៃទី ០៤ ខែមិថុនា ឆ្នាំ ២០២១ របស់នាយករដ្ឋមន្ត្រីនៃរដ្ឋាភិបាល ផ្ដល់សច្ចាប័នបញ្ជីរាយនាមបណ្ដាឃុំស្ថិតក្នុងតំបន់លេខ  ៣ លេខ ២ និងលេខ ១ នៃតំបន់ជនជាតិភាគតិច និងតំបន់ភ្នំដំណាក់កាល ២០២១‑២០២៥។ សេចក្ដីសម្រេចចិត្ត លេខ ៤៣៣/QĐ-UBDT ចុះថ្ងៃទី ១៨ ខែមិថុនា ឆ្នាំ ២០២១ របស់រដ្ឋមន្ត្រី អធិការគណៈកម្មាធិការជនជាតិ ផ្ដល់សច្ចាប័នបញ្ជីរាយនាមភូមិលំបាកខ្លាំងតំបន់ជនរួមជាតិភាគតិច និងតំបន់ភ្នំដំណាក់​កាល ២០២១‑២០២៥។ ព្រមជាមួយនោះដែរ ស្រុកក៏បានដាក់ចេញកម្រិតទឹកប្រាក់ឧបត្ថម្ភអំពីលំនៅឋានជនរួមជាតិខ្មែរ ក្នុងគ្រួសារនីមួយៗជាមួយទឹកប្រាក់ ៨០ លានដុង។ ក្នុងនោះ ថវិកាមជ្ឈិមឧបត្ថម្ភ ៤០ លានដុង ថវិកាមូលដ្ឋានឧបត្ថម្ភ ៤ លានដុង បុលធនាគារគោនលយោបាយសង្គម ២៥ លានដុង រយៈពេលបុលច្រើនបំផុត ១៥ ឆ្នាំជាមួយកម្រិតប្រាក់ការតាមប្រាក់ការឱ្យបុលគ្រួសារក្រីក្រកំណត់ជាធរមាន និងឧបត្ថម្ភពីសហគមន៍ អាជីវកម្ម គ្រួសារ វង្សត្រកូល ព្រមទាំងប្រភពដទៃទៀតចំនួន ១១ លានដុង៕          ​​​​​​​

អត្ថបទ‑រូបថត៖ ថាច់សម្បត្តិ