ភូមិជ្រៃធំ៖ សមាគមព្រះសង្ឃសាមគ្គីស្នេហាជាតិស្រុកថ្កូវ ជូនផ្ទះសាមគ្គីធម៌មួយខ្នង

ព្រះតេជគុណ ថាច់ញឹក តំណាងសមាគមព្រះសង្ឃសាមគ្គីស្នេហាជាតិស្រុកថ្កូវជូនផ្ទះមហាសាមគ្គី។

នាឱកាសអនុស្សាវរីយ៍ឆ្នាំទី ៩០ ទិវាប្រវេណីរណសិរ្សមាតុភូមិវៀតណាម (១៨/១១/ ១៩៣០-១៨/១១/២០២០) គណៈការងាររណសិរ្សភូមិជ្រៃធំ ឃុំង៉ាយស្វៀង ស្រុកថ្កូវចាត់តាំងទិវាមហាសាមគ្គីទូទាំងជនជាតិ រំលឹកឡើងវិញប្រវត្តិសាស្រ្ដទិវាប្រវេណីបដិវត្តន៍ដ៏ត្រចះត្រចង់របស់រណសិរ្សមាតុភូមិវៀតណាម ផ្សព្វផ្សាយតួនាទីរបស់រណសិរ្សមាតុភូមិវៀតណាមក្នុងដំណាក់កាលថ្មី។ នាឱកាសនេះគណៈចាត់តាំងបានជូនផ្ទះសាមគ្គីធម៌ ០១   ខ្នងរបស់សមាគមព្រះសង្ឃសាមគ្គីស្នេហាជាតិស្រុកថ្កូវតម្លៃជាង ៧០​ លានដុងរួមជាមួយទោចក្រយាន ០៣ គ្រឿង និងអំណោយជាច្រើនចំណែកដល់គ្រួសារក្រីក្រ សិស្សានុសិស្ស  មានស្ថានភាពលំបាក។ ទន្ទឹមនឹងនោះ ប្រធានគណៈកម្មាធិការប្រជាជនស្រុក ឃុំជូនលិខិតសរសើរ ០៩ ច្បាប់ដល់សមូហភាព បុគ្គលដែលមានស្នាដៃឆ្នើមក្នុងការអនុវត្តន៍ចលនា “ទូទាំងប្រជាជនសាមគ្គីកសាងជនបទថ្មី ទីក្រុងអារ្យធម៌” ឆ្នាំ ២០២០។

ជូនលិខិតសរសើរដល់បុគ្គលឆ្នើម។

ភូមិជ្រៃធំបច្ចុប្បន្នមានគ្រួសារប្រជាជនរួម ៨០៤ គ្រួ ដោយមានមនុស្សរាយ ៣.០២៣ នាក់ ក្នុងនោះជនជាតិខ្មែរស្រូបយកអត្រា ៩៦,៩%។ ក្នុងបណ្ដាឆ្នាំកន្លង គណៈការងាររណសិរ្សភូមិជ្រៃធំបានចលនាប្រជាជនឲ្យសាមគ្គីជួយគ្នាពង្រីកសេដ្ឋកិច្ចគ្រួសារ កាត់បន្ថយភាពក្រីក្រស្ថិរភាព ខិតខំកសាងមូលដ្ឋានពីមួយថ្ងៃទៅមួយថ្ងៃកាន់តែរីកចម្រើន ជីវភាពប្រជាជនពីមួយថ្ងៃទៅមួយថ្ងៃកាន់បានលើកកម្ពស់ បណ្ដាចលនាប្រឡងប្រណាំងស្នេហាជាតិ ជាពិសេសចលនា “ទូទាំងប្រជាជនសាមគ្គីកសាងជនបទថ្មី” ពីមួយថ្ងៃទៅមួយថ្ងៃកាន់តែបានស៊ីជម្រៅនិងទទួលបានលទ្ធផលខ្ពស់៕     

ដំណឹង-រូបថត៖ ថាច់ហ្វាង