គំរូក្នុងការរៀនសូត្រ និងធ្វើសកម្មភាពរបស់លេខាសាខាសម្ព័ន្ធយុវជនឡឹមថាញ់ហឿង

          មិត្តឡឹមថាញ់ហឿងចែករំលែក៖ នៅក្នុងម៉ោងរៀន ប្អូនតែងប្រុងស្តាប់គ្រូពន្យល់ និងម្ចាស់ការបញ្ចេញយោបល់ដើម្បីទុកឱ្យលោកគ្រូ អ្នកគ្រូបំភ្លឺឲ្យច្បាស់បន្ថែម។ រាល់ចំណុចណាដែលប្អូនមិនយល់ ប្អូននឹងសួរលោកគ្រូ អ្នកគ្រូជាបន្ទាន់ ដើម្បី ពង្រីកចំណេះដឹងសម្រាប់ខ្លួន និងមិត្តរួមថ្នាក់។ ទន្ទឹមនឹងនោះ ក្រៅពីម៉ោងរៀន ប្អូននៅទាំងឆ្លៀត​ពេល​អាន​សៀវភៅពិភាក្សា​ជាមួយ​មិត្តភ័ក្ដិដើម្បី​ដោះស្រាយ​លំហាត់កម្រិតខ្ពស់ និង​ស្វែង​យល់ចំណេះ​ដឹងផ្សេងៗពី​សង្គម។

ប្អូនឡឹមថាញ់ហឿង លេខាសាខាសម្ព័ន្ធយុវជន។

      ថាញ់ហឿងមិនត្រឹមតែជាសិស្សគំរូឧស្សាហ៍ព្យាយាមក្នុងការរៀនសូត្រប៉ុណ្ណោះប្អូននៅ​ទាំងបានគ្រូបង្រៀន និងមិត្តភ័ក្តិស្រឡាញ់រាប់អាន និងទទួលស្គាល់ជាលេខាសាខា​សម្ព័ន្ធយុវជនសកម្មក្នុងចលនារបស់សម្ព័ន្ធយុវជនទៀតផង។ ថាញ់ហឿងឲ្យ​ដឹងបន្ថែមថា៖ កាលប្អូននៅ​រៀន​ថ្នាក់​ទី ១០ បានគ្រូបង្រៀន និង​មិត្ត​រួម​ថ្នាក់​ទុក​ចិត្ត​ឲ្យ​ធ្វើ​ជា​លេខាសាខា​សម្ព័ន្ធយុវជន​ថ្នាក់ នោះគឺជាកិត្តិយស និង ជាក្តីព្រួយបារម្ភមិនដឹងធ្វើយ៉ាងណាដើម្បីចលនាមិត្តរួមថ្នាក់ចូលរួមអនុវត្តបណ្តាចលនារបស់សម្ព័ន្ធយុវជន​ឲ្យបានល្អ។ ជាមួយគោលដៅ "ដើម្បីបំពេញល្អតួនាទី លេខាសាខាសម្ព័ន្ធយុវជន ដំបូងបង្អស់គឺត្រូវរៀនសូត្រឱ្យបានពូកែ ធ្វើជាគំរូក្នុងចលនា និងចែករំលែក ស្វែងយល់ពីបំណងប្រាថ្នារបស់សមាជិក" ប្អូនបានខិតខំពង្រីកល្អតួនា ទីរបស់ខ្លួន។ ដំបូង អាស្រ័យមិនទាន់មានការស្រុះស្រួលក្នុងចលនាធ្វើសកម្មភាព សមាជិកសម្ព័ន្ធយុវជនក្នុងថ្នាក់មួយចំនួនតែងមានយោបល់ឆ្វេងគំនិត បង្កឲ្យមានវ័ណ្ឌទំនាស់បន្តិចបន្តួចជាមួយគ្នា។ ពេលនោះ ប្អូនបានស្វែងយល់ពីហេតុផលរួចសំណេះសំណាលជាមួយមិត្តរួមថ្នាក់ដោយភាពរាក់ទាក់ និងស្តាប់នូវបំណងប្រាថ្នារបស់មិត្ត ដើម្បីដោះស្រាយបញ្ហាដោយសមហេតុផល។ ក្រៅពីនេះទៀត បើប្អូនជួបបញ្ហាលំបាកឬបញ្ហាដែលពិបាកដោះស្រាយ ប្អូននឹងរាយការណ៍ជូនគ្រូបង្រៀនអចិន្ត្រៃយ៍ឬលេខាសម្ព័ន្ធយុវជនសាលាដើម្បីរកដំណោះស្រាយជួយមិត្តរួមថ្នាក់ឲ្យមានភាពស្និទ្ធស្នាល និងស្រឡាញ់គ្នា ខិតខំតស៊ូក្នុងការរៀនសូត្រ និងសកម្មក្នុងសកម្មភាពរបស់សម្ព័ន្ធយុវជន។

ប្អូន លឹមថាញ់ហឿង (អ្នកទី ២ ពីខាងឆ្វេងទៅខាងស្ដាំ) ពិភាក្សាមេរៀនជាមួយមិត្តរួមថ្នាក់។

      លោកគ្រូហ្វិញភឿកឡឹប អចិន្ត្រៃយ៍ថ្នាក់ ១២A១ បានឱ្យដឹងថា៖ថាញ់ហឿង គឺជាសិស្សឧស្សាហ៍ព្យាយាម ចេះគួរសម និងរៀនសូត្របានពូកែ។ ប្អូនតែង ជួយមិត្តភ័ក្តិ និងសកម្មក្នុងសកម្មភាពរបស់សម្ព័ន្ធយុវជនសាលា។ ក្រៅពីម៉ោងរៀនក្នុង​ថ្នាក់​ បើ​មិត្ត​ណា​មិន​ទាន់យល់​មេរៀន​ ប្អូនតែង​ណែនាំ​ជួយ​ធ្វើលំហាត់​ឱ្យ​បាន​ល្អ។ ប្អូនជា​សិស្ស​គំរូ​ម្នាក់​សម្រាប់ឱ្យសិស្ស​ដទៃ​រៀនសូត្រ​​តាម។

      ឆ្នាំសិក្សា២០២២ - ២០២៣ គឺជាឆ្នាំចុងក្រោយនៃការសិក្សាកម្រិតវិទ្យាល័យ។ បំណងប្រាថ្នារបស់ប្អូនគឺចង់ក្លាយជាគ្រូបង្រៀនអក្សរសាស្ត្រម្នាក់។ ដូច្នោះ ប្អូន តែងខំរៀនសូត្រ និងលត់ដំដើម្បីប្រឡងជាប់បានចូលរៀនមហាវិទ្យាល័យគរុកោសល្យ ។ សង្ឃឹមថាជាមួយនឹងស្នាដៃដែលសម្រេចបានក្នុងបណ្ដាឆ្នាំសិក្សាកន្លង និងការខិតខំ​ប្រឹង​ប្រែងរបស់ប្អូនក្នុងឆ្នាំសិក្សានេះនឹងអាចជួយឱ្យថាញ់ហឿង ទទួលបានពិន្ទុខ្ពស់ក្នុងសម័យប្រឡងយកវិញ្ញាបនប័ត្រវិទ្យាល័យជាតិឆ្នាំ ២០២៣ និងបានចូលរៀនផ្នែកគរុកោសល្យតាមបំណងប្រាថ្នារបស់ប្អូន។ សូមប្រសិទ្ធពរប្អូន៕

អត្ថបទ-រូបថត៖ ហ្វៀងត្រាង