ប្រសិទ្ធភាពនៃការអនុវត្តន៍កិច្ចសហការ

          ដោយអាស្រ័យធ្វើល្អការងារផ្សព្វផ្សាយ ម៉្លោះហើយការអនុវត្តសារផ្លូវការ ៥K​ របស់​ក្រសួងសុខាភិបាលបានប្រជាជនភ្ញាក់រលឹកអនុវត្តនោះគឺ៖ ពេលធ្វើដំណើរទៅកន្លែងដែលមានមនុស្សច្រើន ឬក៏ចេញពីផ្ទះតែងតែពាក់ របាំងមុខតាម​ការកំណត់។ ទន្ទឹមនឹងនោះ បណ្តាមុខសញ្ញាអាទិភាពបានចាក់វ៉ាក់ស៊ីនបង្ការ ទប់ស្កាត់អាសន្នរោគកូវី-១៩។ លោកវេជ្ជបណ្ឌិត តូមិញចូវ នាយករងមជ្ឈមណ្ឌលសុខាភិ​បាលស្រុកកូវង៉ាងបានឱ្យដឹងថា៖ គិតមកទល់ពេលនេះ ការចាក់វ៉ាក់ស៊ីនបង្ការអាសន្នរោគ​កូវីដ-១៩ បានអនុវត្តសម្រេចតាមផែនការបត់បែងរបស់ផ្នែកសុខាភិបាលថ្នាក់លើ។ មជ្ឈមណ្ឌលកំពុងតាមដានសុខភាពរបស់មុខសញ្ញាដែលបានចាក់ថ្នាំបង្ការ បើសិនឃើញមានអាការៈខុសប្រក្រតីនោះ បន្តរកដំណោះស្រាយ នាំមកភាពរីករាយចិត្ត​បានទាន់ពេល ក៏ដូចជាបង្កបានទំនុកចិត្តចំពោះប្រជាជនក្នុងការបង្ការ ទប់ស្កាត់អាសន្នរោគ ឆ្ពោះដល់ការបោះឆ្នោតសុវត្ថិភាព។

បុគ្គលិកសុខាភិបាលស្ទង់កាយឧណ្ហធាតុជូនម្ចាស់ឆ្នោត។

         រយៈពេលថ្មីៗនេះ នៅឱកាសជួបសំណេះសំណាលជាមួយម្ចាស់ឆ្នោតរបស់បេក្ខជនចេញឈរឆ្នោតតំ​ណាងរដ្ឋសភានីតិកាលទី ១៥ ចំនួន ០៥ រូប អង្គភាពបោះឆ្នោតលេខ​ ២ ដោយមានការជួបសំណេះសំណាលជាមួយម្ចាស់ឆ្នោតជិត​ ២០០ រូបនៅទីប្រជុំជនកូវ​ង៉ាង ឃុំម៉ីហ្វា ធ្វឹងហ្វា ចាត់តាំងនៅគណៈកម្មាធិការប្រជាជនឃុំធ្វឹងហ្វា យើងខ្ញុំកត់​សម្គាល់បានពីការរួមដំណើររបស់ផ្នែកសុខាភិបាលក្នុងការចូលរួមបង្ការ ទប់ស្កាត់អាសន្នរោគ​កូវីដ-១៩។ ក្នុងនោះ មានកងកម្លាំងសុខាភិបាលប្រចាំការស្ទង់កាយឧណ្ហជូនតំណាង និងម្ចាស់ឆ្នោតម្នាក់ៗ។ ទង្វើនោះបង្ហាញឲ្យឃើញនូវប្រសិទ្ធភាពក្នុងការបង្ការ ទប់ស្កាត់អាសន្ន​រោគដើម្បីជួយឱ្យប្រជាជនបានចូលរួមសំណេះសំណាល មានសំណើជាមួយបេក្ខជនចេញឈរឆ្នោតតំ​ណាងរដ្ឋសភា និងមានគោលគំនិតជ្រើសរើសអ្នកដែលមានសីលធម៌ មានប្រាជ្ញាផ្តាំផ្ញើនូវ​ជំនឿរបស់ខ្លួន។

ម្ចាស់ឆ្នោតសឺនង៉ុកយ៉ាវ នៅភូមិធ្វឹងអាង ឃុំធ្វឹងហ្វាសម្តែងក្តីត្រេកអរ៖ ក្នុងរយៈពេល​ដែលអាសន្នរោគកំពុងរាតត្បាតស្មុគស្មាញ រដ្ឋតែងយកចិត្តទុកដាក់ដល់ការផ្សព្វ​ផ្សាយ គិតគូរពីសុខភាពជូនប្រជាជន។ ខ្ញុំរំពឹងគិតថា ពិតប្រាកដជា “រដ្ឋរបស់ប្រជា​ជន អាស្រ័យប្រជាជន ដើម្បីប្រជាជន” ហើយក៏ជាក្តីបំណងឱ្យប្រជាជនមានសុខភាពល្អ​ដើម្បីបានជួបសំណេះសំណាលជាមួយបណ្តាបេក្ខជនចេញឈរឆ្នោតតំណាងរដ្ឋសភា និងតំណាងក្រុមប្រឹក្សា​ប្រជាជនគ្រប់លំដាប់ថ្នាក់ ក៏ដូចជាការអនុវត្តន៍សិទ្ធិ កាតព្វកិច្ចពលរដ្ឋនៅថ្ងៃបោះឆ្នោតខាងមុខនេះ។

         ទាក់ទងដល់ការងារត្រៀមបម្រុងឱ្យការបោះឆ្នោត ថ្ងៃបោះឆ្នោត និងការបង្ការ ទប់ស្កាតអាសន្នរោគកូវីដ-១៩ លោកស្រីត្រឹងធីគឹមជុង លេខាបក្សស្រុក ប្រធានក្រុមប្រឹក្សាប្រជាជន ប្រធានគណៈកម្មាធិការបោះឆ្នោតស្រុកកូវង៉ាងបានឱ្យដឹង៖ ក្នុងការងារចាត់តាំង ក្រុមប្រឹក្សាប្រជាជនស្រុកតែងរក្សាកិច្ចសហការយ៉ាងស្អិតល្មួតជាមួយមជ្ឈមណ្ឌលសុខាភិបាលស្រុក និងបណ្តាផ្នែកពាក់ព័ន្ធដើម្បីធ្វើល្អការងារផ្សព្វផ្សាយបង្ការ ទប់ស្កាត់អាសន្នរោគ ពិសេសគឺចលនាកម្មាភិបាល បុគ្គលិក និយោជិត តំណាងក្រុមប្រឹក្សាប្រជាជនគ្រប់លំដាប់ថ្នាក់​អនុវត្តល្អតាមការណែនាំរបស់ផ្នែកសុខាភិបាល។ ក្នុងការចាត់តាំងបណ្តាសម័យប្រជុំជួបសំណេះសំណាលជាមួយម្ចាស់ឆ្នោតតែងបានអនុវត្តដោយធានាសុវត្ថិភាពបង្ការ ទប់ស្កាត់អាសន្នរោគ។ ជាក់ស្តែង កសាងប្រតិទិនជួបសំណេះសំណាល បន្ទាប់​មកផ្ញើជូនមជ្ឈមណ្ឌលសុខាភិបាលស្រុក ដើម្បីមជ្ឈមណ្ឌលលៃលកតម្រូវ​បុគ្គលិកសុខាភិបាលមកស្ទង់កាយឧណ្ហជូនបេក្ខជន និងម្ចាស់ឆ្នោតម្នាក់ៗ ប្តេជ្ញាថាមិនទុក​បណ្តោយឱ្យបណ្តាបេក្ខជនរូបណាមួយមិនប្រតិបត្តិតាមលក្ខខណ្ឌសុវត្ថិភាពបង្ការ ទប់ស្កាត់អាសន្នរោគ និងមិនអនុញ្ញាតឱ្យ​ម្ចាស់ឆ្នោតរូបណាគ្មានស្មារតីភ្ញាក់រលឹកក្នុងការបង្ការ ទប់ស្កាត់អាសន្នរោគបាន​ចូលរួមក្នុងពេលជួបសំណេះសំណាលជាមួយម្ចាស់ឆ្នោតដែរ។

       សង្ឃឹមថា​ នៅមុនពេលបោះឆ្នោតតំណាងរដ្ឋសភានីតិកាលទី ១៥ និងបោះឆ្នោតតំ​ណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១​ - ២០២៦ ដែលបានប្រ​ព្រឹត្តឡើងនៅថ្ងៃទី ២៣ ឧសភាខាងមុខនេះ ទន្ទឹមជាមួយការជំរុញមាំការងារបង្ការ ទប់ស្កាត់អាសន្នរោគរបស់ផ្នែកមានសមត្ថកិច្ច មាមីងម្ចាស់ឆ្នោតត្រូវលើកកម្ពស់ស្មារតីជាងដើម្បីអនុវត្តសិទ្ធិ កាតព្វកិច្ចបោះឆ្នោតឱ្យបានពេញលេញផង និងធានាសុខភាពសម្រាប់ខ្លួន គ្រួសារ និងសហគមន៍ផង៕        ​

អត្ថបទ-រូបថត៖ ថាច់សម្បត្តិ