មន្ទីរអប់រំ និងបណ្តុះបណ្តាល៖ ប្រកាសពីពិន្ទុកំណត់ជ្រើសសិស្សចូលរៀនថ្នាក់ទី ១០ វិទ្យាល័យ ឆ្នាំសិក្សា ២០២១-២០២២

    យោងទៅតាមពិន្ទុដែលបានកំណត់ផ្សព្វផ្សាយ ចាងហ្វាងបណ្តាសាលាវិទ្យាល័យប្រជុំក្រុមប្រឹក្សាជ្រើសសិស្សរួចជ្រើសសិស្សតាមលក្ខន្តិកៈដែលបានកំណត់ (ជ្រើសសិស្សពី ៧៥% ដល់ ៨០% ចូលរួមប្រឡង)។ ក្នុងនោះ ជ្រើសត្រឹមពិន្ទុដែលបានកំណត់ឡើងទៅ និងមិនត្រូវជ្រើសសិស្សដែលមានមុខវិជ្ជាណាសូន្យពិន្ទុឡើយ។ បន្ទាប់ពីជ្រើសសិស្សលើកទី ០១ រួចក៏ជ្រើសសិស្សដែលមានលទ្ធផលពិនិត្យឡើងវិញ (ចំពោះសិស្សបានស្នើឲ្យពិនិត្យឡើង វិញ) មន្ទីរអប់រំ និងបណ្តុះបណ្តាលនឹងផ្តល់សច្ចាប័នពិន្ទុកំណត់ជ្រើសសិស្សលើកទី ០២ នៃសាលាវិទ្យាល័យផាមថាយបឿង និងវិទ្យាល័យក្រុងត្រាវិញ។ 
     ក្រៅពីនោះ មន្ទីរអប់រំ និងបណ្តុះបណ្តាលប្រគល់ឲ្យសាលាវិទ្យាល័យទីក្រុងត្រាវិញទទួល សំណុំឯកសារ បណ្តាសិស្សដែលរៀននៅសា លាសកលជនជាតិអន្តេវាសិកស្រុកចូវថាញ់ មានបញ្ជីគ្រួសារនៅឃុំង្វៀតហ្វា (ប្រសិនបើមានបំណងចុះឈ្មោះរៀននៅសាលានេះ) និង បានជ្រើសចូលរៀននៅសាលាវិទ្យាល័យទី ក្រុងត្រាវិញតែម្តង៕             ប្រែសម្រួល៖ សុជា