ចូវថាញ់គិតគូរដល់ជីវភាពជនពិការ និងជនរងគ្រោះជាតិពុលឌីអូស៊ីន

ដើម្បីចែករំលែកជាមួយមុខសញ្ញាអន់ខ្សោយនៅលើភូមិសាស្ត្រស្រុក សមាគមបំផុសចលនាបណ្តាអង្គការចាត់តាំង បុគ្គលចូលរួមឧបត្ថម្ភអនុវត្តបណ្តាកម្មវិធីគាំពារដូចជា៖​ ជួសជុល​ សាងសង់ផ្ទះ ទៅសួរសុខទុក្ខ ជូនរទេះរមៀល។ល។ ក្នុងរយៈកាល ៦ ខែដើមឆ្នាំ ២០២១ សមាគមបំផុសចលនាអង្គការចាត់តាំង និងសប្បុរសជន បុគ្គលនៅក្នុងនិងក្រៅស្រុក ២៧ កន្លែងនិងបុគ្គលចូលរួមឧបត្ថម្ភប្រាក់ជាង ៩០០ លានដុង (សាច់ប្រាក់ ៧០៦​ លាន​ដុង និងអំណោយគិតជាតម្លៃជាង ២០០ លានដុង)។ ឆ្លងតាមនោះ សមាគមបានសហការជាមួយរដ្ឋអំណាចមូលដ្ឋានបណ្តាឃុំ ទីប្រជុំជនក្នុងស្រុកជំនួយដល់ជនពិការ  ជនរងគ្រោះជាតិពុលឌីអូស៊ីន កុមារកំព្រាមានស្ថានភាពលំបាក និងអ្នកជំងឺក្រីក្រ ៩៣៣ លើក។ សមាគមសហការជាមួយសមាគមគាំពារជនពិការ និងជនរងគ្រោះជាតិពុលឌីអូស៊ីនខេត្ត និងកម្មវិធីអាសយដ្ឋានសប្បុរសធម៌ស្ថានីយវិទ្យុ និងទូរទស្សន៍ត្រាវិញ ទៅសួរសុខទុក្ខ និងជូនអំណោយដល់អ្នកជំងឺក្រីក្រនៅបណ្តាឃុំ៖ ហ្វាមិញ​ ហ៊ឹងម៉ី ហ្វាឡើយ លឿងហ្វា សុងឡុកចំនួន ០៧ នាក់ ឆ្លងតាមនោះបានជូនអំណោយគិតជាប្រាក់ជាង ១៩០ លានដុង។

ទន្ទឹមនឹងនោះ​ សមាគមនៅទាំងបំផុសចលនា បណ្តាអង្គការសប្បុរសធម៌ឧបត្ថម្ភរទេះរមៀល ០១ គ្រឿង​តម្លៃ ៥,៦ លានដុង ដល់អ្នកពិការសម្រាប់ប្រកបរបរលក់សន្លឹកឆ្នោត។ ឆ្លងតាមក្រុមសប្បុរសធម៌ស្ម័គ្រចិត្តត្រាវិញ សមាគមបំផុសចលនាឧបត្ថម្ភប្រាក់ ៩,៥ លានដុងដល់គ្រួសារលោកមាវ៉វ៉ាំងផាក ជាគ្រួសារជិតក្រនៅភូមិឡុងហ៊ឹងទី​ ១​ ឃុំហ្វាមិញ អន្ទងខ្សែភ្លើង និងដាក់អណ្តូងស្នប់សម្រាប់ប្រើប្រាស់ក្នុងការប្រជុំជីវភាព។ សមាគមបានអនុវត្តសកម្មភាពកិច្ចការជាក់ស្ដែងជាច្រើន​ គិតគូរដល់ជីវភាព និងស្មារតីដល់បណ្តាមុខសញ្ញាទាំងនោះជម្នះការលំបាក ឈានឡើងក្នុងជីវភាព​ និងរួមរស់ជាមួយសហគមន៍វិញ។ ដើម្បីបង្កលក្ខណៈឲ្យគ្រួសារជនរងគ្រោះជាតិពុលឌីអូស៊ីនបានទទួលបុណ្យតេត សមាគមបំផុសចលនាឧបត្ថម្ភ អំណោយ ៥០ ចំណែក​មានទឹកប្រាក់ ១១៥ លានដុង (អាស្រ័យសមាគមអ្នករងគ្រោះដោយជាតិពុលឌីអូស៊ីនវៀតណាមបំផុសចលនាសមាគមអាជីវករវ័យក្មេងវៀតណាម និងនគរបាលខេត្តត្រាវិញទទួលឧបត្ថម្ភ)។

មីងត្រឹងធីធៀង នៅភូមិដាយថូង ឃុំភឿកហាវ ស្រុកចូវថាញ់បានឲ្យដឹង៖​ គ្រួសារខ្ញុំជាគ្រួសារក្រីក្រ គ្មានដីផលិត សព្វថ្ងៃត្រូវគិតគូរដល់ការរស់នៅរបស់សមាជិក ០៣ ​នាក់ក្នុងគ្រួសារផង និងថែទាំកូនម្នាក់ទៀតត្រូវពិការខួរក្បាល ម៉្លោះហើយជីវភាពតែងជួបលំបាក។ ទទួលបានការឧបត្ថម្ភអំណោយមានតម្លៃ ២,២ លានដុងនេះ ជំនួយឱ្យគ្រួសារខ្ញុំទាន់ពេល ជាពិសេសគឺក្នុងពេលដែលអាសន្នរោគជំងឺកូវីដ‑១៩ កំពុងរីករាលដាលស្មុគស្មាញ។

លោកស្រីឡឹមធីកុកហ្វិញបានឲ្យដឹងបន្ថែម៖  ក្រៅពីការងារគិតគូរឧបត្ថម្ភអំពីជីវភាព សម្ភារ ស្មារតីជូនជនពិការ អ្នកជំងឺក្រីក្រ ជនរងគ្រោះជាតិពុលឌីអូស៊ីន សមាគមបានយកចិត្តទុកដាក់គិតគូរដល់សិទ្ធិកុមារ  និងនារីទៀតផង។ គិតតាំងពីដើមឆ្នាំ ២០២១ មកដល់ពេលនេះ សមាគមបានសហការជាមួយបណ្តាថ្នាក់ បណ្តាផ្នែក បំផុសចលនាបណ្តាអង្គភាព​ ក្រុមសប្បុរសធម៌ស្ម័គ្រចិត្តនៅក្នុងនិងក្រៅស្រុកជូនអំណោយ ២០ ចំណែកដល់កុមារកំព្រាពិការនៅឃុំដាឡុកមានតម្លៃ ៤,៥ លានដុង​ ជូនអំណោយ ២០ ចំណែកដល់កុមារ និងនារីមានស្ថានភាពលំបាក អ្នកមានវ័យចាស់អនាថានៅឃុំហ្វាឡើយ អំណោយមួយចំណែកមានតម្លៃ ៣០០.០០០​ ដុង ទៅសួរសុខទុក្ខនិងជូនប្រាក់ ៦៦,៩ លានដុងដល់ ០២ គ្រួសារ៖ ប្អូនហ្វិញង៉ុកត្រឿង​និង គឹមធីណី នៅភូមិតាអួន ឃុំសុងឡុក ឧបត្ថម្ភប្រាក់ ៥០០.០០០​ ដុង និងអង្ករ ២៥ គីឡូក្រាមដល់គ្រួសាររបស់ប្អូនង្វៀងធីម៉ីតឹម និងង្វៀងធីម៉ីហ្វៀង  នៅភូមិចុងង ឃុំសុងឡុក។ សហការជាមួយគណៈកម្មាធិការប្រជាជនទីប្រជុំជនស្រុកចូវថាញ់បំផុសចលនាទឹកប្រាក់ ២១,៥ លានដុងឧបត្ថម្ភដល់មីងហ្វិញធីកេវ នៅអនុសង្កាត់លេខ ១ និងមីងផាងធីឡេ នៅអនុសង្កាត់លេខ ២ ទីប្រជុំជនចូវថាញ់​ ឲ្យមានលក្ខណៈទៅពិនិត្យព្យាបាលជំងឺ។

ក្នុងខែកក្កដាឆ្នាំ ២០២១ សមាគមគាំពារជនពិការ និងជនរងគ្រោះដោយជាតិពុលឌីអូស៊ីនស្រុកចូវថាញ់ បំផុសចលនាទឹកប្រាក់ជាង ២៤២ លានដុងឧបត្ថម្ភមុខសញ្ញា ៤០១​ នាក់ ឆ្លងតាមបណ្តាសកម្មភាព៖ ឧបត្ថម្ភសាងសង់ផ្ទះបាន ០១ ខ្នងជូនជនពិការ មានតម្លៃជាង ៦៧​ លានដុង ស្នាក់នៅអនុសង្កាត់លេខ ៣ ទីប្រជុំជនចូវថាញ់ ឧបត្ថម្ភអាសយដ្ឋានសប្បុរសធម៌ អ្នកជំងឺក្រីក្រនៅឃុំហ៊ឹងម៉ី ជាមួយទឹកប្រាក់ជាង ៩៤ លានដុង ជូនអំណោយមុខសញ្ញា ៣៩៩ នាក់ គិតជាតម្លៃជាង ៨១ ​លានដុង បំផុសចលនាបានអំណោយមានតម្លៃជាង ៨៤ លានដុង ឧបត្ថម្ភដល់បណ្តាមុខសញ្ញាដែលត្រូវរងឥទ្ធិពលអាស្រ័យអាសន្នរោគជំងឺកូវីដ‑១៩ នៅលើភូមិសាស្ត្រស្រុក។

អាស្រ័យធ្វើជាស្ពានសម្រាប់បណ្តាមុខសញ្ញាទន់ខ្សោយបានចូលរួមរស់ធម្មតាជាមួយសហគមន៍នៅពេលខាងមុខនេះ សមាគមបន្តជំរុញសកម្មភាពគិតគូរចំពោះជនពិការ កុមារកំព្រា អ្នកជំងឺក្រីក្រ​ និងជនរងគ្រោះដោយជាតិពុលឌីអូស៊ីនឲ្យកាន់តែល្អជាងទៀត។ បន្តកិច្ចសហ ការជាមួយបណ្តាស្ថាប័នសារព័ត៌មាន ដើម្បីផ្សព្វផ្សាយទាន់ពេល ស្ងើចសរសើរបណ្តាគំរូឆ្នើម បណ្តាសប្បុរសជន  បណ្តាអង្គការសប្បុរសធម៌សង្គម រួមចំណែកគិតគូរដល់ជីវភាពជនពិការ កុមារកំព្រា អ្នកជំងឺក្រីក្រ​។ ទន្ទឹមនឹងនោះ ពង្រឹងនិងបើកទូលាយបណ្តាអង្គការមូលដ្ឋានសមាគម ក្តាប់ច្បាស់បណ្តាមុខសញ្ញាតម្រូវការជំនួយដើម្បីមានវិធីសាស្ត្រ វិធានការសមស្រប សម្បូរបែប និងមានប្រសិទ្ធភាពក្នុងការងារសង្គម៕               

ប្រែសម្រួល៖ សុខា