ភាសានិងការអភិវឌ្ឍន៍ស្ថិរភាពវប្បធម៌ជនជាតិភាគតិចតំបន់ណាមបូ

ទិដ្ឋភាពអង្គសិក្ខាសាលា។

នោះគឺជាបធានបទនៃសិក្ខាសាលាវិទ្យាសាស្ត្រថ្នាក់ជាតិបានវិទ្យាស្ថានវិទ្យាសាស្រ្តសង្គមតំបន់ណាមបូចាត់តាំងកាលពីថ្ងៃទី ២២ ធ្នូ នៅសាលាមធ្យមសិក្សាបាលី-ខ្មែរត្រាវិញ។ និមន្តនិងអញ្ជើញចូលរួមមានព្រះឧបជ្ឈាយ៍ថាច់វ៉ាយ ចាងហ្វាងរងសាលាមធ្យមសិក្សាបាលី-ខ្មែរត្រាវិញអនុប្រធានអចិន្ត្រៃយ៍សមាគមព្រះសង្ឃសាមគ្គីស្នេហាជាតិខេត្ត  លោកគាងក្វឹង សមាជិកគណៈប្រតិបត្តិការបក្សខេត្ត អនុប្រធានអចិន្ត្រៃយ៍គណៈឃោសនាអប់រំបក្សខេត្ត។​ អនុសាស្រ្តាចារ្យបណ្ឌិត ឡេថាញ់សាង ​នាយកវិទ្យាស្ថានវិទ្យាសាស្ត្រសង្គមតំបន់ណាមបូ មហាបរិញ្ញា ថាច់មុនី អនុប្រធានគណៈជនជាតិខេត្ត បណ្តាអ្នកវិទ្យាសាស្ត្រ សមណស័កិ្ត ​និងតំណាងជិត ៥០ នាក់តំណាងឱ្យ ០៣ ជនជាតិខ្មែរ - ចិន - ចាម ។

អង្គសិក្ខាសាលាបានស្តាប់បទអន្តរាគមន៍ ០៧ បទ  ស្តីពីការអភិរក្សនិងអភិវឌ្ឍន៍តម្លៃវប្បធម៌ ភាសា អក្សរសាស្រ្តរបស់បណ្តាជនជាតិភាគតិចនៅតំបន់ណាមបូ។ ក្នុងនោះមានបទអន្តរាគមន៍ ០៣ បទ ស៊ីជម្រៅទៅក្នុងភាសា អក្សរសាស្រ្ត វប្បធម៌ខ្មែរ៖ បញ្ហាជាបន្ទាន់ក្នុងការស្រាវជ្រាវភាសានិងវប្បធម៌ជនជាតិខ្មែរនៅតំបន់ណាមបូ‑ ការបណ្តុះបណ្តាលនាពេលបច្ចុប្បន្ននៅសាលាមហាវិទ្យាល័យត្រាវិញ ការពាក់ព័ន្ធរវាងភាសានិងវប្បធម៌ដែលរៀនសូត្រតាមរយៈភាសាខ្មែរឯកសារសរសេរលើសាស្រ្តាស្លឹករឹតរបស់ជនជាតិខ្មែរត្រាវិញ។ សិក្ខាសាលានៅទាំងផ្តុំពិភាក្សាជុំវិញបញ្ហា៖ អក្សរសាស្រ្តរបស់បណ្តាជនជាតិភាគតិចនៅតំបន់ណាមបូ ភាសាក្នុងការផ្សព្វផ្សាយ បញ្ហាភាសាខ្មែរនិងការអភិវឌ្ឍន៍វប្បធម៌ជនជាតិនៅតំបន់ណាមបូ ស្ថានភាពនៃការនិយាយ បង្រៀននិងរៀនភាសាខ្មែរនៅតំបន់ណាមបូ - ទ្រឹស្តីនិងការអនុវត្តន៍ជាក់ស្តែង។ល។

តាមប្រសាសន៍ អនុសាស្រ្តាចារ្យបណ្ឌិត ឡេថាញ់សាង​ បញ្ជាក់ថា៖ សិក្ខាសាលាគឺជាឱកាសសម្រាប់យើងទាំងអស់គ្នាចូលរួមពិភាក្សានិងស្រាវជ្រាវ ស្នើបណ្តាវិធីសាស្រ្ដ ដើម្បីអភិរក្ស និងអភិវឌ្ឍន៍តម្លៃវប្បធម៌ ភាសា និងអក្សរសាស្រ្ត ជាពិសេសបណ្តាបទអន្តរាគមន៍របស់បណ្តាអ្នកនិពន្ធបានលាតត្រដាងអំពីលក្ខណៈពិសេសនៃវប្បធម៌ ភាសា និងអក្សរសាស្រ្តរបស់បណ្តាជនជាតិខ្មែរ‑ចិន-ចាម រួមចំណែកធានាដល់សិទ្ធិក្នុងការនិយាយភាសារបស់បណ្តាជនជាតិភាគតិចនៅប្រទេសវៀតណាមឲ្យមានការអភិវឌ្ឍន៍ស្ថិរភាព៕

ដំណឹង‑រូបថត៖សុជា