សមណសិស្ស-សិស្សចំនួន ២១៣ អង្គ-រូបចូលរួម សម័យប្រឡងបណ្តាថ្នាក់ពុទ្ធិកសិក្សា

កាលពីថ្ងៃទី ២៦-២៧ ខែធ្នូឆ្នាំ ២០២០ នៅវត្តកងចក្រលាយលក្ខណារាម(ផ្នោរប្រហូត)​ឃុំម៉ីហ្វា​ សមាគមព្រះសង្ឃសាមគ្គីស្នេហាជាតិស្រុកកូវង៉ាងបានចាត់តាំងពិធីប្រឡងបញ្ចប់ឆ្នាំសិក្សាថ្នាក់ពុទ្ធិកមធ្យមសិក្សាបឋមភូមិ ឆ្នាំទី១ ទី២ និងទី៣ ប្រគេន-ជូនសមណសិស្សសិក្សានៅតាមបណ្តាវត្តលើភូមិសាស្រ្ត។

បណ្តាសមណសិស្សទទួលបានលទ្ធផលខ្ពស់ក្នុងសម័យប្រឡង។

ចូលរួមសម័យប្រឡងលើកនេះ ចំពោះថ្នាក់ពុទ្ធិកមធ្យមបឋមភូមិឆ្នាំទី១ រួមមាន ៨ វត្ត៖ ធ្លក ចុងផ្នោរ កោះស្វាយ មេរងចាស់ ផ្នោរប្រហូត ដំបូកបី ចុងមីសចាស់ និងទាវថ្មី​ ដោយមានសមណសិស្ស-សិស្ស ១១៦ អង្គ-រូបចូលរួមប្រឡង ១២ វិញ្ញាសា៖ វេយ្យាករណ៍បានលី ពុទ្ធប្រវត្តិ គណិតវិទ្យា ភាសាខ្មែរ។ល។ លទ្ធផលអត្រាសមណសិស្ស-សិស្សប្រឡងជាប់ ៩៦,៥%។ ថ្នាក់ពុទ្ធិកមធ្យមសិក្សាបឋមភូមិឆ្នាំទី២ រួមមាន ៤ វត្ត៖​ កោះសោម កាន់ស្នំ វាលលាក់ និ​ងកំពង់ទូក មានសមណសិស្ស-សិស្ស ៥២ អង្គ-រូបចូលរួមប្រឡង ១២ វិញ្ញាសា៖ប្រែធម្មបទ​ សរសេរតាមអាន។ល។ លទ្ធផល អត្រាសមណសិស្ស-សិស្សប្រឡងជាប់ ៩២,៣%។ ថ្នាក់ពុទ្ធិកមធ្យមសិក្សាបឋមភូមិឆ្នាំទី ៣ មាន ៣ វត្ត ៖ ត្រពាំងវែង ភាវ និងចុងផ្នោរ ដោយមានសមណសិស្ស-សិស្ស ៤៥អង្គ-រូប ចូលរួមប្រឡង ១៣ វិញ្ញាសា៖ វេយ្យាករណ៍បាលី ប្រែធម្មបទ សរសេរតាមអាន ភាសាអង់គ្លេស។ល។ លទ្ធផល អត្រាសមណសិស្ស-សិស្សប្រឡងជាប់ ៩៥,៥%។

ក្នុងឱកាសនោះ សមាគមព្រះសង្ឃសាមគ្គីស្នេហាជាតិខេត្តបានប្រគេន-ជូនប័ណ្ណសរសើរចំនួន ៦ ច្បាប់ដល់ព្រះគ្រូ-លោកគ្រូ អ្នកគ្រូបង្រៀនដែលមានស្នាព្រះហស្ត-ស្នាដៃផ្សារភ្ជាប់ជាមួយការបង្ហាត់បង្រៀនបណ្តាថ្នាក់ពុទ្ធិកមធ្យមសិក្សានាបណ្តាឆ្នាំកន្លង៕ 

ដំណឹង-រូបថត៖ សម្បត្តិ