សមាគមនារីឃុំភឿងថាញ់ឧបត្ថម្ភសមាជិកាស្ថិតក្នុងស្ថានភាពលំបាក

សមាជិកាគឹមធីហាញ់ទិញដំឡូងជ្វាលក់ដុំឲ្យអតិថិជន។

  សមាគមសហព័ន្ធន៍នារីឃុំភឿងថាញ់ មាន​សមាជិកា ១.៤២៦ នាក់ ក្នុង​នោះ​សមាជិកាខ្មែរ ៣៥% ។ ជារៀងរាល់ឆ្នាំ សមាគមបានដាក់​កម្រិតផែនការច្បាស់លា​ស់ដើម្បីឧបត្ថម្ភសមាជិកាដែលមាន​ស្ថានភាពលំបាក។ផ្តើមពីនោះ សមាគម បំផុសចលនាគ្រួសារសមាជិកាដែលមានជីវភាពធូរធាទទួលឧបត្ថម្ភគ្រួសារសមាជិកាមានស្ថានភាពលំបាក ។ ដើម្បីអនុវត្តល្អចលនានោះ សមាគមចង្អុលការឲ្យសាខាសមាគមក្នុងឃុំទៅ​ស្វែងយល់អំពីជីវភាពគ្រួសារសមាជិកាដែលមានស្ថានលំបាក អាស្រ័យសា​ខាសមាគមទទួលឧបត្ថម្ភ (សាខាសមាគមនីមួយៗទទួលឧបត្ថម្ភសមាជិកាតិចបំផុត ០២ នាក់) រួចរាយការណ៍ជូនសមាគមថ្នាក់លើឧបត្ថម្ភទុនសម្រាប់ពង្រីកសេដ្ឋកិច្ច ណែនាំអនុវត្តបច្ចេកទេសក្នុងការចិញ្ចឹមសត្វ ដាំដុះសមស្របតាមស្ថានភាពជាក់ស្តែងនៃគ្រួសារសមាជិកាម្នាក់ៗ។ ក្នុងឆ្នាំ ២០២៤ សមាគមបានសហការជាមួយកម្មាភិបាលមូលនិធិឧបត្ថម្ភនារីនៅខេត្តត្រាវិញពង្រីកសេដ្ឋកិច្ចចាត់តាំងរំសាយទុនជាង ១,៥ ពាន់លានដុង ដោះស្រាយជូនសមាជិកា ១១២ នាក់បុល ក្នុងនោះសមាជិកាមានស្ថានភាពលំបាក ៣៣ នាក់។

  សាខា​សមាគមភូមិពិសី មាន​សមាជិកា​ ១១៥​​​​​​​​ នាក់ ក្នុង​នោះ​មាន​សមាជិកាជនជាតិ​ខ្មែរ ៧៥%។ ក្នុងឆ្នាំ ២០២៤ សា​ខាសមាគមមានសមាជិកា ០៤ នាក់ មានជីវភាពធូរធា។ សម្រេចបានលទ្ធផលនោះ សាខាសមាគមបានសហការជាមួយសមាគសហព័ន្ធន៍នារីឃុំ\ និង សមាជិកាដែលមានជីវភាពគ្រួសារគ្រាន់បើបង្កលក្ខណៈឲ្យសមាជិកាដែលមានស្ថានភាពលំបាកមានដើមទុនសម្រាប់ចិញ្ចឹមសត្វ លក់ដូរជាដើម។ ទន្ទឹមនឹងនោះ សា​ខាសមាគមនៅទាំងចលនាសមាជិកាបង្កើតទម្រង់ “ចិញ្ចឹមជ្រូកដី” “ហ៊ុនទុនលក់ដូរ” ដោយមានសមាជិកា ១៨ នាក់ចូលរួម ។ របៀប​ហ៊ុនទុន៖ ក្នុងមួយត្រីមាសហ៊ុនប្រាក់ ​០៣ ​លាន​ដុង រួចចាប់ឆ្នោត បើនរណា​ចាប់បានឆ្នោតមុន អ្នកនោះទទួលប្រាក់ទុនមុន ។

  មកកាន់គ្រួសារសមាជិកាគឹមធីហាញ់ ទើបយើងខ្ញុំបានដឹងថា នៅឆ្នាំ ២០១៨ បងហាញ់បានសាខាសមាគមនារីភូមិជូនប្រាក់ទុន ២៧ លានដុងសម្រាប់លក់ដូ​រ ។ បងហាញ់ បានឱ្យដឹងថា៖ ផ្តើមពីទម្រង់ “ហ៊ុនទុនលក់ដូរ” ខ្ញុំ ទទួលប្រាក់ទុនចំនួន ២៧ លានដុង។ ខ្ញុំទិញគោញី ០១ ក្បាល តម្លៃ ១៥ លានដុង  ក្រៅពីនោះខ្ញុំចំណាយក្នុងការលក់ដូរ។ អាស្រ័យដើមទុននោះ ទើបជីវភាពគ្រួសារខ្ញុំរួចផុតពីការលំបាក ​ធូរធាដូចបច្ចុប្បន្ន។

  ចំពោះគ្រួសារបងស៊ើងធីសុភី នៅភូមិពិសី អាស្រ័យបានសមាគមនារីឃុំបង្កលក្ខណៈឲ្យបុលទុន ទទួលបានប្រាក់ទុនពីទម្រង់ចិញ្ចឹមជ្រូកដីរបស់សាខាសមាគមទើបសេដ្ឋកិច្ចគ្រួសារបងបានធូរធាគ្រាន់បើ។

  បងសុភីសំណេះសំណាល៖ ឆ្នាំ ២០២១ សមាគមនារីឃុំបង្កលក្ខណៈឲ្យខ្ញុំបុលទុន ៣០ លានដុងពីធនាគារគោលនយោបាយសង្គមស្រុក ។ ពេលទទួលបានទុននោះមក ខ្ញុំទិញគោ ១ ក្បាល និងសង់រោងគោ។ ឆ្នាំ ២០២២ ខ្ញុំទទួលប្រាក់ទុន ១៥ លានដុង ពីទម្រង់ចិញ្ចឹមជ្រូកដីរបស់សាខាសមាគម ខ្ញុំក៏សង់រោងគោឲ្យទូលាយរួចទទួលចិញ្ចឹមគោប្រវាស់ជាមួយអ្នកភូមិផង។បច្ចុប្បន្ន ហ្វូងគោរបស់ខ្ញុំមាន ០៧ ក្បាល (ចិញ្ចឹមប្រវាស់ ០២ ក្បាល) ក្នុងនោះមានកូនគោ ០២ ក្បាល។ ដោយបានសមាគមនារីគ្រប់លំដាប់ថ្នាក់ឧបត្ថម្ភទើបគ្រួសារខ្ញុំមានគោសម្រាប់ចិញ្ចឹម។

  បងឡឹមធីហុងលៀង ប្រធានសមាគមសហព័ន្ធន៍នារីឃុំភឿងថាញ់បានឲ្យដឹង៖ ដើម្បីបន្ដការអនុវត្ដន៍បណ្ដាចលនារបស់សមាគម ក្នុងនោះមានចលនា “ឧបត្ថម្ភនារីមា​ន​ស្ថានភាពលំបាក” ឆ្នាំ ២០២៥ គណៈអចិន្ដ្រៃយ៍សមាគមនារីឃុំ បន្ដការកសាងផែនការឧបត្ថម្ភសមាជិកាដែលមាន​ស្ថានភាពលំបាកឲ្យរួចផុតពីការលំបាក​។ ទន្ទឹមនឹងនោះ សមាគមបន្តការប្រគល់ភារកិច្ចជូនសាខាសមាគមនីមួយៗ ឧបត្ថម្ភសមាជិកាដែលមាន​ស្ថានភាពលំបាកក្នុងមួយឆ្នាំតិចបំផុត ០២ នាក់ ជម្នះការលំបាកធ្វើមាន រួមចំណែកជាមួយរដ្ឋអំណាចមូលដ្ឋានអនុវត្ដល្អការងារពង្រីកសេដ្ឋកិច្ចនៅមូលដ្ឋាន៕

អត្ថបទ-រូបថត៖ សុជា