កសិករឃុំឡុងវិញជាមួយនឹងពហុសណ្ឋានសត្វចិញ្ចឹម

    ដើម្បីលើកកម្ពស់ជីវភាពប្រជាជនលើភូមិសាស្រ្ត រដ្ឋអំណាចមូលដ្ឋានឃុំឡុងវិញ ស្រុកយ្វៀងហាយតែងផ្សព្វផ្សាយឲ្យប្រជាជនអនុវត្តពហុសណ្ឋាន សត្វចិញ្ចឹម។ រួមជាមួយនោះ ដោះស្រាយឲ្យមាមីងកសិករដែលមាន​តម្រូវការអំពីទុនបានប្រសព្វជាមួយបណ្ដាប្រភពទុនគោលនយោបាយ មូលនិធិឧបត្ថម្ភកសិករ។ល។ ម៉្លោះហើយ មាមីងកសិករកាន់តែមានភាពស្វាហាប់ក្នុង​ការវិនិយោគចិញ្ចឹមសត្វ។

ទម្រង់ចិញ្ចឹមពពែរបស់គ្រួសារបងថាច់តាយ។

   ឆ្នាំ ២០១៨ គ្រួសារបងថាច់តាយ នៅភូមិព្រែកកន្ទីរ បានមូលដ្ឋានឧទ្ទេសនាមឱ្យ​បុល​ទុនពីធនាគារគោលនយោបាយសង្គមបាន ២០ លានដុង ទិញពពែមេចំនួន ៣ ក្បាល និងពពែឈ្មោល ១ ក្បាលដោយតម្លៃ ១២ លានដុង ចំនួនទុនដែលនៅសេសសល់ទុកសម្រាប់កសាងទ្រុងពពែ រួចសន្សំ​បានប្រាក់កាសគួបផ្សំខ្លះទៀត គ្រួសារបងទិញគោមេបន្ថែម ១ ក្បាលទៀតមកចិញ្ចឹម ពីព្រោះតាម​ការយល់ឃើញរបស់បងតាយ នៅតំបន់ជនបទមានស្មៅច្រើន អាចចិញ្ចឹមបានទាំងពពែ និងគោ។ ជាទម្រង់ថ្មីចំពោះគ្រួសារបង ម៉្លោះហើយក្នុងពេលចិញ្ចឹម បងតែងស្វែងយល់អំពី​របៀបចិញ្ចឹមតាមរយៈសៀវភៅ កាសែត។ អាស្រ័យហេតុនោះ ការចិញ្ចឹមពពែរបស់គ្រួសារ​បងកាន់តែមានប្រសិទ្ធភាព។ ជាក់ស្ដែងក្នុងឆ្នាំ ២០២២ គ្រួសារបងលក់ពពែពូជ ពពែសាច់​បានជិត ២០ ក្បាល(ពីពពែមេ ០៧ ក្បាល) ទទួលបានប្រភពចំណូលជិត ៧០ លានដុង ក្នុងពេលនោះ ប្រាក់ចំណាយក្នុងរយៈពេលចិញ្ចឹមជិត ២០%។

    បងថាច់តាយ ចែករំលែក៖ ចិញ្ចឹមពពែមិនបង់កម្លាំងច្រើនដូចសត្វចិញ្ចឹម​ដទៃឡើយ គ្រាន់តែធ្វើទ្រុងតាមការណែនាំរបស់ផ្នែកជំនាញ។ ទ្រុងត្រូវធ្វើកម្ពស់ពីមុខដីប្រ​មាណ ១,៤ ម៉ែត្រ បង្កឱ្យមានខ្យល់ចូលក្នុងទ្រុង រក្សាទ្រុងមិនឲ្យសើម ងាយបង្កឱ្យពពែកើតជំងឺផ្លូវដកដង្ហើម និងជំងឺសើស្បែក។ ខាងក្រោមទ្រាប់សំពត់ដើម្បីកុំឱ្យលាមកពពែធ្លាក់ពាសពេញ។ ចំណីអាចរកបាន នៅតាមវាលស្រែ ឬក្នុងព្រៃ។ល។ ក្នុងរយៈពេលចិញ្ចឹម គ្រាន់តែចាក់ថ្នាំបង្ការប្រភេទជំងឺមួយ​ចំនួនច្រើនជួបប្រទះលើហ្វូងសត្វពពែ ។ គ្រួសារខ្ញុំគ្រោងថា នៅពេលខាងមុខ នឹងបើកទូលាយការចិញ្ចឹម ពីព្រោះកំណត់ឃើញថាប្រភេទសត្វនេះ សមស្របនឹងលក្ខណៈគ្រួសារខ្ញុំ។

ទម្រង់ចិញ្ចឹមគោមេ គោបន្ធាត់របស់គ្រួសារបងថាច់ធឿង។

  រយៈពេលជាង ២០ ឆ្នាំមកហើយ គ្រួសារបងថាច់ធឿង នៅភូមិអង្កោលតែងមានកេរ្តិ៍ឈ្មោះល្បីរន្ទឺពីការ​ចិញ្ចឹមបណ្ដាប្រភេទជលផល(សំខាន់គឺបង្កងជើងស) លើផ្ទៃដីជាង ១០ ហិកតា ក្នុងរដូវចិញ្ចឹមនីមួយៗ គ្រួសារបងទទួលបានប្រាក់ចំណូលជាង ៥ ពាន់លានដុង ក្រោយពេលទូទាត់រាល់ការចំណាយ គ្រួសារបងនៅមានប្រាក់ចំណេញប្រមាណ ២,៦ ពាន់លានដុង។ មិនត្រឹមតែចិញ្ចឹមជលផល គ្រួសារបងនៅទាំងបើកទូ​លាយការចិញ្ចឹមបណ្ដាប្រភេទពាហនសត្វ បក្សីសត្វដើម្បីមានប្រភពចំណូលបន្ថែម សម្រាប់គ្រួ​សារ។

   បច្ចុប្បន្ន ក្នុងគ្រួសារបង មានគោមេជាង ១០ ក្បាល គោឈ្មោលចិញ្ចឹមបន្ធាត់ ៧ ក្បាល។ បងថាច់ធឿង ឱ្យដឹងថា៖ ចិញ្ចឹមសត្វអ្វីបានគឺចិញ្ចឹម កុំឱ្យតែការចិញ្ចឹមនោះ ប៉ះពាល់ដល់បរិស្ថាន។ ផ្ដើមពីការយល់ឃើញដូច្នោះ បច្ចុប្បន្ន គ្រួសារខ្ញុំចិញ្ចឹមសត្វជាច្រើន​ប្រ​ភេទ ផ្ដល់តម្លៃសេដ្ឋកិច្ចពីរាប់សិបលានដល់រាប់រយលានដុងក្នុងមួយឆ្នាំ។

   ជាតំបន់ជលដ្ឋាន មានព្រែកប្រឡាយច្រើន ឃុំឡុងវិញក៏ងាយស្រួលក្នុងការពង្រីកហ្វូងជលបក្សីផងដែរ។ បច្ចុប្បន្ន លើភូមិសាស្រ្ត មានគ្រួសារប្រជាជនជាង ២០ គ្រួជំនាញខាងចិញ្ចឹមទា ដោយគ្រួសារនីមួយៗចិញ្ចឹមបានពី ១.២០០-១.៥០០ ក្បាល។ អាចពិនិត្យឃើញថា ក្នុងស្ថានភាពគោលនយោបាយឧបត្ថម្ភសម្រាប់គ្រួសារប្រជាជនរបស់​រដ្ឋកាន់តែបានបើកទូលាយបានជួយឱ្យមូលដ្ឋានអនុវត្តពហុសណ្ឋាន ​សត្វចិញ្ចឹមក្នុងគ្រួសារប្រជាជន។

   លោកឡឹមវ៉ាំងក្វាង ប្រធានគណៈកម្មាធិការប្រជាជនឃុំឡុងវិញឱ្យដឹងថា៖ ការអនុវត្តន៍ពហុសណ្ឋាន សត្វចិញ្ចឹមក្នុងគ្រួសារប្រជាជន ក្នុងនោះ ភាគច្រើនគឺអាស្រ័យមូលដ្ឋានផ្សព្វផ្សាយអនុវត្តល្អគោលនយោបាយឧបត្ថម្ភទុនសម្រាប់កសិករ រួមជាមួយនោះគឺការចាត់តាំងបណ្ដាវគ្គហ្វឹកហាត់ចំណេះដឹងវិទ្យាសាស្រ្ត-បច្ចេកទេស ជួយឱ្យមាមីងកសិករជាច្រើនមានចំណេះដឹងរឹងមាំបង្គួរ ម៉្លោះហើយ​កសិករក៏ហ៊ានបើកទូលាយទម្រង់ចិញ្ចឹមសត្វ។ មានប្រភេទសត្វចិញ្ចឹមខ្លះ មានតម្លៃយ៉ាងខ្ពស់នៅលើទីផ្សារ៕

អត្ថបទ-រូបថត៖ សម្បត្តិ