កសិករសួរវិស្វករឆើ្លយ

បច្ចេកទេសដាំពុទ្រា

ដើម្បីឆ្លៀតយកផ្ទៃដីចម្ការចម្រុះ ដីផ្នោខ្សាច់។ល។ ដាំដំណាំមួយចំនួនឲ្យបានសមស្រប រួមចំណែកកែលម្អ លើកកម្ពស់លទ្ធផលសេដ្ឋកិច្ចសម្រាប់គ្រួសារនោះ បច្ចុប្បន្ន សាខានាយកដ្ឋានដាំដុះនិងការ​ពាររុក្ខជាតិខេត្ត​ (មន្ទីរកសិកម្មនិងអភិវឌ្ឍន៍ជនបទខេត្តត្រាវិញ) កំពុងចលនា​ប្រជាជនឲ្យអនុវត្ត។

តាមរយៈមាតិកាកសិករសួរវិស្វករឆ្លើយ សូមឧទ្ទេសនាមនីតិវិធីបច្ចេកទេសមួយ​ចំនួនស្ដីពីរបៀបដាំដុះដែលផ្នែកកសិកម្មបានប្រកាសព្រមាន​ ។

បម្រុងដីដាំនិងរដូវកាល៖

ពុទ្រាជាប្រភេទឈើហូបផ្លែបានដាំច្រើននៅតំបន់ផ្សេងពីគ្នា ធានាគ្រប់គ្រាន់ជីវ​ជាតិកម្រិត pH ពី ៥,៥-០៧ ដីគ្មានជ្រាបជាតិជូរប្រៃ​ អាចបង្ហូតទឹកចេញបានល្អ​។

ពុទ្រាអាចដាំបានទាំងរដូវប្រាំង និងវស្សា ប៉ុន្តែល្អបំផុតដាំនៅខែវិច្ឆិកា រហូតដល់​ខែមេសា នៃឆ្នាំ ក្រោយ​។ បច្ចុប្បន្ននេះ មានគ្រួសារជាច្រើនដាំពុទ្រា ដូចជា ពុទ្រាជូរ ពុទ្រាផ្អែម ពុទ្រាលឿង ពុទ្រាថៃ និងពុទ្រាជប៉ុន។

មុនពេលដាំ ត្រូវបម្រុងរណ្តៅមុនបាន​ ០១​ ខែ​(ទំហំរណ្តៅពី ៥០x៥០​ សង់ទីម៉ែត្រ) ដាក់ជី ទ្រាប់បាត៖ ជីក្រោលពី ០៥-១០ គីឡូក្រាម + Supe ឡឹង ០,៣ គីឡូក្រាម + លាយជាមួយនឹងកំបោរ ០,៥ គីឡូក្រាមក្នុងមួយរណ្តៅ។

កម្រិតដាំនិងរបៀបដាំ៖

គម្លាតដើមមួយទៅដើមមួយពី ០៣-០៤ ម៉ែត្រ ក្រោយពេលដាំ រួចលុបដីឲ្យខ្ពស់ពីមាត់រណ្ដៅពី ០២-០៣ សង់ទីម៉ែត្រ រួចយកដៃបង្ហាប់នៅជុំវិញគល់និងយកចំបើងគ្របគល់។ រយៈពេលនេះត្រូវស្រោចទឹកលាយជីអ៊ុយរេស្រោច (កម្រិត ០១%) ០១ លើក​ក្នុងរយៈពេលពី 0១-០២ ខែ។

របៀបថែទាំ៖

ធានាកម្រិតត្រជាក់ឲ្យដើមពុទ្រា ក្នុងដំណាក់កាល ០១​ ខែ​ដំបូង ស្រោចជីម្ដងក្នុងមួយថ្ងៃ នៅពេលព្រឹកឬពេលរសៀលត្រជាក់ ក្រោយពេលដើមពុទ្រា​ចេញឫស ពី ០២-០៣ ថ្ងៃស្រោចទឹកម្តង។

ថែទាំកាត់មែកជាញឹកញាប់ ដើម្បីឲ្យដើមពុទ្រាចេញមែក និងចេញផ្កា ផ្លែច្រើនជាង មាន ​០២ របៀបកាត់មែក៖ (១) ក្រោយពេលប្រមូលផលមួយរដូវ កាត់មែកដែលផែ្លចោល ទុកតែមួយកំណាត់ប្រវែងពី ២០-៣០ សង់ទីម៉ែត្រ  ក្រោយមកមែកដែលបានកាត់នោះ និងចេញមែកថ្មី និងផ្លែបន្តទៀត។ (២) ពេលដើមពុទ្រាបាន ០១​ ឆ្នាំនិងអូសអន្លាយរហូតដល់ដើម​ធំ  កាត់មែកឲ្យអស់ ទុកតែដើមនិងគល់និង ០៣ មែកក្បែរគល់ (ប្រវែងពី ៣០-៤០ សង់ទីម៉ែត្រ) ទុកឲ្យវាចេញមែកមកវិញ ដើមពុទ្រានឹងចេញមែកថ្មីជាច្រើន ខ្ចីជាង ផ្ដល់ទិន្នផលនិងគុណភាពល្អជាង។ ក្រោយពេលកាត់មែកមួយលើក ត្រូវដាក់ជីដើម្បីឲ្យដើមឆាប់លូតលាស់។ល។

ដាក់ជី៖

ក្នុងមួយឆ្នាំ ពុទ្រាត្រូវការជីកាលីពី ៤០០-៥០០ គីឡូក្រាម +Supe ឡឹង៥០០ គីឡូក្រាម ក្នុងមួយហិកតា ក្រោយពេលដាំបានពី​០១ ខែឬក៏ក្រោយពេលកាត់មែក ដាក់ជីក្រោល ១០-២០ គីឡូក្រាម + ជីគីមី ១/៣  លើកទី ២ មុនពេលចេញផ្កាដាក់ជីគីមី ១/៣  លើកទី ៣ ក្រោយពេលដើមពុទ្រាជាប់ផ្លែ ដាក់ឲ្យអស់បរិមាណជីដែលនៅសល់។ ពុទ្រាចាប់ពីពេលចេញផ្កាដល់ពេលប្រមូលផលប្រមាណ ០៤ ខែ៕                                

ប្រែសម្រួល៖ ថាច់ហៀង