កសិករសួរវិស្វករឆើ្លយ

សំណួរ៖ បច្ចុប្បន្នជំងឺរលួយថ្លើម (AHPND)  គឺជាជំងឺមួយប្រភេទធ្វើឲ្យបង្គានាគ និងបង្គាជើងសងាប់ឆាប់ (EMS) គ្រោះថ្នាក់យ៉ាងខ្លាំង អាស្រ័យដោយមេរោគ (Vibro parahaemoily ticus) បង្កឡើង ជំងឺច្រើនកើតឡើងចំពោះបង្កងមិនថាតូចឬធំ ប៉ុន្តែកើតច្រើនបំផុតនៅដំណាក់កាលបង្កងមានអាយុពី ១០-៤៥ ថ្ងៃ ជំងឺកើតឡើងខួបឆ្នាំ។

ចម្លើយ៖ ជំងឺ AHPND កើតឡើងហើយរាលដាលរហ័ស អត្រាបង្កងដែលមានជំងឺងាប់ច្រើនប្រមាណ ៩០% បន្ទាប់ពីមានជំងឺពី ០៣-០៥ ថ្ងៃ ។ ជំងឺនេះទាក់ទងដល់ការពិនិត្យ និងគ្រប់គ្រងបរិស្ថានទឹកក្នុងស្រះចិញ្ចឹមបង្កងមិនល្អដូចជា៖ ស្រះចិញ្ចឹមត្រូវកខ្វក់ បាតស្រះមានជាតិជូរប្រៃ បរិមាណអ៊ុកស៊ីទាប ប្រើជាតិគីមីក្នុងស្រះចិញ្ចឹម ពណ៌ទឹកមិនលំនឹង។

អ្នកចិញ្ចឹមបង្កងត្រូវឆាប់កំណត់បានរោគសញ្ញារបស់ជំងឺ ដូចជា៖ បង្កងងីងើ ក្រធំ ពោះគ្មានចំណី ថ្លើមពោះវៀនស្វិត ស្លេកស្លាំងនិងឆ្នូតពណ៌ខ្មៅ។ បង្កងងាប់ដោយសារមូលហេតុ​ ០២ យ៉ាង៖ មូលហេតុដំបូង បង្កងងាប់ពេលមានអាយុក្រោមពី ៣៥ ថ្ងៃ អាស្រ័យកូនពូជមិនសូវមានគុណភាព តាំងពីដំបូងឬក៏បង្កង មានជ្រាបជំងឺស្រាប់កាលនៅក្នុងកសិដ្ឋានកូនពូជ។​ មូលហេតុទី ២ បង្កងងាប់ពេលមានអាយុពី ៣៥-៦០ ថ្ងៃ អាស្រ័យបរិស្ថានមិនធានាកម្រិត pH ខ្វះបណ្តាជាតិ Ca, Mg និង Kali ក្នុងស្រះ ខ្វះអ៊ុកស៊ីនិងមិនអនាម័យបាតស្រះតាមការកំណត់ ។

ព្យាបាលជំងឺ៖ ពេលបង្កងកើតជំងឺពិបាកព្យាបាលណាស់។ ថ្វីត្បិតដូច្នោះ អ្នកចិញ្ចឹមបង្កងគប្បីបង្ការជំងឺនេះដោយរបៀបមួយចំនួនដូចខាងក្រោម៖ បង្កើនការសុាំជំងឺឲ្យថ្លើមបង្កងចិញ្ចឹមដោយរបៀបផ្តល់ និងបំពេញបន្ថែមចំណី ជាតិបំប៉នឲ្យបង្កង (ជ្រើសចំណីដែលមានគុណភាព)។ គ្រប់គ្រងនិងពិនិត្យប្រភពទឹក បាតស្រះចិញ្ចឹមបង្កង។ ធានាបរិស្ថានស្រះចិញ្ចឹមមិនឲ្យកខ្វក់បរិស្ថាន។ តាមដាននិងយកចិត្តទុកដាក់ដល់បណ្តាដំណាក់កាលរីកចម្រើនរបស់បង្កងចិញ្ចឹម ដើម្បីរកវិធីសាស្រ្តដោះស្រាយជំងឺឲ្យមានប្រសិទ្ធភាពបំផុត (ឧស្សាហ៍ពិនិត្យបង្កង)។

អនាម័យបាតស្រះចិញ្ចឹមតាមពេលកំណត់ កម្ចាត់សត្វដែលបង្កអន្តរាយ ដូចជា៖ ខ្យងដើម្បីជួយឲ្យបង្កងមានបរិស្ថានរស់នៅជ្រះស្អាត៕

ប្រែសម្រួល៖  ថាច់ហៀង​

ប្រមូលផលបង្កង។ រូបថត៖ រតនា