ដំណាក់កាល ២០២១ ២០២៥៖ ខិតខំដាំព្រៃឈើ ដើមឈើពង្រាយថ្មី ២,១ លានដើម

ផែនការគឺសំដៅដើម្បីកេណ្ឌប្រមូលប្រភពកម្លាំង ការចូលរួមរបស់បណ្តាផ្នែក បណ្តាថ្នាក់ បណ្តាអង្គការ បុគ្គល និងប្រជាជន អនុវត្តមានប្រសិទ្ធភាពគម្រោងការ “ដាំរុក្ខជាតិ ០១ ពាន់ លានដើមដំណាក់កាល​ ២០២១‑២០២៥” បាននាយករដ្ឋមន្ត្រីនៃរដ្ឋាភិបាលផ្ដល់សច្ចាប័នក្នុងសេចក្តីសម្រេចចិត្តលេខ ៥២៤/QĐ-TTg លើកកម្ពស់គុណភាពជាសន្សឹមៗ និងកម្រិត  គ្របដណ្តប់របស់ព្រៃឈើ បង្កើនការចូលរួមគបវាល់របស់សហគមន៍ ក្នុងកិច្ចការពារបរិស្ថានធម្មជាតិ កែប្រែបរិស្ថាន និងបង្ការទប់ស្កាត់អាកាសធាតុប្រែប្រួល ពង្រីកសេដ្ឋកិច្ច‑សង្គម របស់ខេត្ត បង្កើនគុណភាពជីវភាពប្រជាជន។

ដាំដើមឈើសង្ខាងផ្លូវ។ រូបថត៖ រតនា

ដំណាក់កាល​ ២០២១‑២០២៥ ដាំដើមឈើថ្មី ១.៤៧២ ហិកតា ប្រមាណ ២,១ លាន ដើម រួមមានដើមឈើដាំពង្រាយ ១.១០០​ ហិកតានៅតំបន់ទីក្រុង ជនបទ ស្មើ ១,១ លាន ដើមឈើពង្រាយ ៣៧២ ហិកតា ព្រៃប្រមូលផ្តុំ ស្មើ ០១ លានដើម។ គិតជាមធ្យមក្នុងមួយ ឆ្នាំដាំថ្មី ៤២០.០០០ ដើម ស្មើ ២៩៤,៤ ហិក តា ។ ក្នុងនោះដាំដើមឈើពង្រាយនៅតំបន់ទីក្រុង ជនបទ ២២០.០០០​ ដើម (២២០ ហិកតា) ដាំព្រៃឈើប្រមូលផ្តុំ ២០០.០០០​ ដើម (៧៤,៤ ហិកតា)។

ចំពោះដើមឈើដាំពង្រាយ ជ្រើសដើមឈើដែលសមស្របជាមួយទិសដៅ ទិដ្ឋភាព និង លក្ខណៈធម្មជាតិ ទម្លាប់ផលិតរបស់មូលដ្ឋាននីមួយៗ នៅតំបន់ជាក់ស្តែង អាទិភាពដាំដើម ឈើដែលមានដើមធំ គោលដៅសម្បូរបែប  ដើមឈើប្រណីត។ នៅតំបន់ទីក្រុងដាំលើ ចិញ្ចើមថ្នល់ សួនច្បារ នៅទីធ្លាមណ្ឌល​សាលារៀន​ មន្ទីរពេទ្យ។ល។ នៅតំបន់ជនបទ ដាំនៅ ក្នុងភូមិ ជិតមាត់ទន្លេ តាមភ្លឺប្រឡាយ នៅបរិវេណបណ្តាទីស្នាក់ការធ្វើការ។ល។

ចំពោះព្រៃឈើបង្ការ ដាំបណ្តាប្រភេទឈើ បង្ការអាចទប់ស្កាត់បានរលកទឹក ទប់ស្កាត់  ខ្យល់ព្យុះ ខ្សាច់ហើរ ដើមឈើដែលមានឫសស៊ីជម្រៅ អាទិភាពដាំដើមឈើនៅមូលដ្ឋាន និងមានលទ្ធភាពបង្ការទប់ស្កាត់ លូតលាស់ល្អ។ ចំពោះព្រៃឈើផលិត ប្រមូលផ្តុំដាំបណ្តាប្រភេទឈើដែលមានតម្លៃ មានគុណភាព លើកទឹកចិត្តដាំបណ្តាប្រភេទឈើដោយពូនដី កំណាត់ដើម គួបផ្សំដាំដើមឈើដែលលូតលាស់រហ័ស និងឈើដែលមានដើមធំ។ អាទិ ភាពដាំបណ្តាប្រភេទឈើទឹកប្រៃ មានតម្លៃសេដ្ឋកិច្ច យកចិត្តទុកដាក់ដាំដើមឈើមាន អម្បូរកោងកាង‑RhiZophoraceae។

ប្រធានគណៈកម្មាធិការប្រជាជនខេត្តប្រគល់ឲ្យមន្ទីរកសិកម្ម និងអភិវឌ្ឍន៍ជនបទធ្វើ អធិបតី សហការជាមួយបណ្តាមន្ទីរ ផ្នែកពាក់ព័ន្ធ និងបណ្តាមូលដ្ឋានអនុវត្ត៕

ប្រែសម្រួល៖ សុខា