ទីប្រជុំជនឌិញអាងជាមួយនឹងទម្រង់ចិញ្ចឹមពពែគុណភាពខ្ពស់

មកកាន់គ្រួសារបងស្រី ត្រឹមធីថាញ (ជនជាតិខ្មែរ) ជាគ្រួសារមួយក្នុងចំណោម ៣០ គ្រួសារដែលចិញ្ចឹមពពែនៅអនុសង្កាត់លេខ ៤ ទីប្រជុំជនឌិញអាង។ បច្ចុប្បន្ននេះ គ្រួសារគាត់ស្ថិតក្នុងក្របខណ្ឌគ្រួសារជិតក្រ។ ឆ្នាំ ២០១៩ បងបានគម្រោងការ AMD ត្រាវិញឧបត្ថម្ភពពែញី ០២ ក្បាល។ ដោយឃើញបងថាញព្យាយាមប្រកបការរកស៊ី និងថែទាំហ្វូងពពែបានល្អ កាលពីដើមឆ្នាំ ២០២១ បងក៏បានសមាគម កសិករស្រុកថ្កូវ បង្កលក្ខណៈឲ្យបុលទុន ៣០ លានដុងពីប្រភពទុនអាទិភាពរបស់ធនាគារគោលនយោបាយសង្គមស្រុកដើម្បី​ទិញពពែញីថែម ០​២​ ក្បាល​ទៀត និងពង្រីកទ្រុងពពែឲ្យទូលាយដើម្បី​ពង្រីក​ទម្រង់​ចិញ្ចឹម​។

បងស្រីត្រឹមធីថាញកំពុងថែទាំពពែ។

បងស្រី ត្រឹមធីថាញ បានឲ្យដឹងថា៖ ដោយឃើញពពែជាសត្វងាយចិញ្ចឹម ចំណាយទុនតិច សមស្របនឹងគ្រួសារ ម៉្លោះហើយឆ្នាំ​ ២០២១ ខ្ញុំបានសមាគមកសិករស្រុកបង្កលក្ខណៈឲ្យបុលទុនអាទិភាពដើម្បីទិញពពែញីគុណភាពខ្ពស់ចំនួន ០២ ក្បាល តម្លៃជិត​ ១៥ លានដុង ប្រាក់ទុនក្រៅពីនោះខ្ញុំចំណាយធ្វើទ្រុងពពែ និងទិញចំណីឲ្យស៊ី។ សព្វថ្ងៃ​នេះ ហ្វួងពពែរបស់គ្រួសារ​ខ្ញុំ​កើនឡើងបាន ៤០ ក្បាល (វៀរលែង ពពែ ០២ ក្បាល​ទើប​ទិញ​)។ ក្នុង​នោះ​ខ្ញុំ​លក់អស់ ​១០ ក្បាលទូទាត់ខ្ទង់ចំណាយ​រួចនៅ​ចំណេញជិត ​៣០​ លាន​ដុង។ខ្ញុំ​ទើប​លក់​ពពែ​សាច់​ ០៥ ក្បាល តម្លៃក្នុង​មួយ​គីឡូក្រាម ១១០.០០០ ដុង​ ទូទាត់ខ្ទង់​ចំណាយរួច​ចំណេញ​​ជិត ១៥ លាន​ដុង។

ជាគ្រួសារដែលទើបចូលរួមទម្រង់ចិញ្ចឹមពពែគុណភាពខ្ពស់ អា​ស្រ័យសមាគមកសិករទីប្រជុំជនបំផុសចលនាបងគាងស៊ីនៅអនុសង្កាត់លេ​ខ ៦ ទីប្រជុំជនឌិញអាងបានឲ្យដឹងថា៖ កាលពីដើមខែតុលា ឆ្នាំ ២០២១ ខ្ញុំបុលប្រាក់ទុន ៣០ លានដុង ពីប្រភពទុន “ កសិករផ្តើមអាជីព “ របស់ធនាគារគោលនយោបាយសង្គមស្រុក។ ពេលបានប្រាក់នោះមក ខ្ញុំទិញពពែញីគុណភាពខ្ពស់ ០៣ ក្បាលតម្លៃ ២៥ លានដុង និងបានកម្មាភិបាលសមាគមកសិករទីប្រជុំជនណែនាំពីបច្ចេកទេសចិញ្ចឹមពពែបានច្រើនទន្ទឹមនឹងនោះខ្ញុំនៅទាំងរៀនបទពិសោធន៍ពីប្អូនប្រុសខ្ញុំដែលធ្លាប់ចិញ្ចឹមពពែជាច្រើនឆ្នាំមកហើយ។ ដូច្នោះហើយទើបខ្ញុំមិនបារម្ភពេលដែលចូលរួមទម្រង់នេះ។

ដើម្បីបន្តការពង្រីកទម្រង់ចិញ្ចឹមពពែ សមាគមកសិករទីប្រជុំជនឌិញអាងបាន និងកំពុងចលនាកសិករឲ្យចូលរួមក្រុមអាជីពតាមគម្រោងលេខ ២៤ របស់មជ្ឈិមសមាគមកសិករវៀតណាមស្តីពីការរៀបចំក្រុមអាជីព។ គិតមកទល់ពេលនេះ សមាគមកសិករទីប្រជុំជនរៀបចំក្រុមអាជីពចិញ្ចឹមពពែបាន ០២ ក្រុម ដោយមានសមាជិក ១៨ នាក់ចូលរួម ចិញ្ចឹមពពែគុណភាពខ្ពស់ជិត ១២០ ក្បាល។

បច្ចុប្បន្ន​ពពែសាច់ប្រភេទលេខ ​១ ​ឈ្មួញមក​ទិញដល់ផ្ទះ​ ជាមួយតម្លៃ​ក្នុងមួយ​គីឡូក្រាមពី​  ១១០.០០០-​១២០.០០០ ​ដុង​ ទូទាត់ខ្ទង់ចំណាយរួចអ្នកចិញ្ចឹមនៅចំណេញ​​ក្នុង​មួយ​ក្បាលពី​ ០២-​២,៥ លាន​ដុង ​។

លោកដាំងជីកុង ប្រធានសមាគមកសិករទីប្រជុំជនឌិញអាងបានឲ្យដឹងថា៖ ដើម្បីពង្រីកតួនាទីជាកងកម្លាំងស្នូលក្នុងការពង្រីកផលិតកសិកម្ម និងធ្វើអាជីវកម្មនៅទីប្រជុំជន សមាគមទទួលប្រាក់ទុនពីប្រភពទុន “កសិករផ្តើមអាជីវកម្ម” របស់ធនាគារគោលនយោបាយសង្គមស្រុកចំនួន ៣០០ លានដុង សម្រាប់សមាជិក ១០ នាក់បុលចិញ្ចឹមពពែគុណភាពខ្ពស់។ ពូជពពែដែលផ្នែកជំនាញណែនាំឲ្យទិញមកចិញ្ចឹមគឺពូជពពែញីប៊ិតថាវ និងពូជពពែឈ្មោល Boer។ ដោយសារស្ថានភាពអាសន្នរោគរាតត្បាតស្មុគស្មាញ ទើបផ្នែកកសិកម្មមិនចាត់តាំងថ្នាក់ហ្វឹកហាត់ផ្ទេរជូនវិទ្យាសាស្ត្រ-បច្ចេកវិទ្យាពីការចិញ្ចឹមពពែដល់ប្រជាជននៅមូលដ្ឋានបាន។ ប៉ុន្តែផ្នែកកសិកម្មសហការជាមួយសមាគមកសិករគ្រប់លំដាប់ថ្នាក់ ជូនឯកសារពីបច្ចេកទេសចិញ្ចឹមពពែដល់បណ្តាគ្រួសារដែលចិញ្ចឹមពពែ ស្វែងយល់ រៀនសូត្របង្កើនចំណេះដឹងពីរបៀបថែទាំ និងបង្កាត់ពូជពពែឲ្យបានល្អ និងរបៀបបំប៉នពពែឲ្យឆាប់ធំធាត់ ណែនាំឲ្យប្តូររបៀបចិញ្ចឹមពពែពីទ្រង់ទ្រាយលែងក្នុងចម្ការទៅជាទ្រង់ទ្រាយចិញ្ចឹមក្នុងទ្រុងវិញ៕                

អត្ថបទ‑រូបថត៖ សុជា