បើកទូលាយតំបន់ផលិតដើម្បីបង្កើនតម្លៃផលិតផលសក្តានុភាព

ប្រមូលផលពោតពូជនៅឃុំឡុងស៊ើង។ រូបថត៖​ សុខា

   សមមិត្ត ង្វៀងថាញ់ញ៉ាង ប្រធានគណៈកម្មាធិការប្រជាជនឃុំ ឡុងស៊ើង ឲ្យដឹងថា៖ ក្នុងឆ្នាំ ២០២៤ ក្រុមហ៊ុន Syngenta Vietnam និងក្រុមហ៊ុនភាគហ៊ុនពូជដំណាំភាគខាងត្រូង សហការផលិត និងម៉ៅទិញផលិតផលជាមួយផ្ទៃដីដាំជាង ២០ ហិក តា។ តាម​ការគ្រោងទុក នៅឆ្នាំ ២០២៥ អាជីវកម្មនឹងបន្តសហការជាមួយកសិករផលិតពោតពូជបង្កាត់ ៤០ ហិកតា ដោយធានាប្រមូលទិញជាមួយតម្លៃ ១៦.០០០ ដុងក្នុងមួយគីឡូក្រាម។

   ទន្ទឹមនឹងការដាំពោតបង្កាត់ ឪឡឹកជាដំណាំមួយ មានសក្តានុពលរបស់ឃុំ ដែលផលិតជាបន្តបន្ទាប់ពី ៣ ដល់ ៤ រដូវក្នុងមួយឆ្នាំ ប្រមូលផ្តុំលើដីផ្នោរខ្សាច់នៅភូមិពាក់រហាត់ ភូមិទឹកយប់។ល។ ហើយរដូវឪឡឹកនេះ មាមីងកសិករដាំបាន ១៥១ ហិក តា ទិន្នផលផ្ដល់ជាមធ្យម ១៩ តោនក្នុងមួយហិកតា ចំណេញប្រមាណ ៨៥ លានដុងក្នុងមួយហិកតា។

   មីង ថាច់ធីយ៉ាញ់ នៅភូមិពាក់រហាត់បានឲ្យដឹង៖ ដោយមានដីផ្នោរខ្សាច់ ០១ ហិកតា មីងដាំឪឡឹក ០៤ រដូវក្នុងមួយឆ្នាំ ក្នុងមួយរដូវ ទទួលបានផលល្អ មីងទទួលបានប្រាក់ចំណេញពី ៦០​-៨០ លានដុង។ ដំណាំ​ឪឡឹក​នៅចុងឆ្នាំ​នេះ​ជិត​ប្រមូល​ផល​ ទិន្ន ផល​ផ្ដល់ពី ​២០​-​២៥​ តោន​ក្នុង​មួយ​ហិកតា ​បច្ចុប្បន្ន ឪឡឹកមានម្លៃ​ ៨.៨០០​ ដុង​ក្នុង​មួយ​គីឡូក្រាម ចំណេញ​ពី ៨០​-​​​៩០​ លាន​ដុង​ក្នុងមួយហិ​កតា ។

   សមមិត្ត ថាច់ធីធូហា សមាជិកាគណៈកម្មាធិការបក្សខេត្ត លេខាគណៈកម្មាធិការបក្សស្រុក កូវង៉ាង បានឲ្យដឹងថា៖ គម្រោងរៀបចំរចនាសម្ព័ន្ធកសិកម្មឡើងវិញ បានរួមចំណែកផ្លាស់ប្តូរចំណេះដឹងអំពីការផលិតកសិកម្មប្រមូលផ្តុំក្នុងលក្ខណៈ អាកាសធាតុប្រែប្រួល។ ជាពិសេសគឺទម្រង់ចិញ្ជឹមបង្កងដោយប្រើបច្ចេកវិទ្យាក្នុងស្រះកម្រាលផ្ទាំងកៅស៊ូ រួមចំណែកក្នុងការបង្កើនប្រាក់ចំណូល និងលើកកម្ពស់សេដ្ឋកិច្ចនៅមូលដ្ឋាន។

   ដើម្បីលើកកម្ពស់សក្តានុពលក្នុងការចិញ្ជឹមជលផល ក្នុងរយៈកាលប៉ុន្មានឆ្នាំកន្លង ស្រុកបានវិនិយោគលើការកសាងគម្រោងធារាសាស្ត្រចំនួន ០៨ គម្រោងដើម្បីបម្រើការ ផលិតដោយចំណាយថវិកាជាង ៦០០ លានដុងស្រោចស្រពផ្ទៃដីជាង ៧.៣០០ ហិកតា នៅឃុំ ម៉ីឡុងណាម ម៉ីឡុងបាក់​ ហ៊ីបម៉ីតៃ ថាញ់ហ្វាស៊ើង ឡុងស៊ើង ម៉ីហ្វា។ល។ បន្តជំរុញការចិញ្ចឹមជលទ្ធផល ជាពិសេសបង្គានាគ និងបង្គាជើងស ឲ្យមានប្រសិទ្ធភាពខ្ពស់ ក្នុងមួយរដូវ ទទួលបានប្រាក់ចំណេញជាមធ្យមពី ១៥០ - ២៥០ លានដុងក្នុងមួយហិកតា ខ្ពស់ជាងការផលិតស្រូវជិត ២០ ដង។

   ក្នុងឆ្នាំ ២០២៤ ការចិញ្ចឹមបង្គានាគ  បរិមាណផលតាមប៉ាន់ស្មានសម្រេច ៨.០០០ តោន ជាមួយនឹងទិន្នផលជាមធ្យម ៣,៣ តោនក្នុងមួយហិកតា។ ទិន្នផលប្រមូលផលបង្គាជើងស តា​មប៉ាន់ស្មានប្រមាណ ២៤.០០០ តោន ទិន្នផលជាមធ្យមសម្រេច ៥៨ តោនក្នុងមួយហិកតា។ តម្លៃផលិតក្នុងវិស័យកសិកម្មតាមប៉ាន់ស្មានប្រមាណ ៦.៧២២ ពាន់លានដុង ក្នុងនោះវិស័យជលផលចំនួន ៤.១៧៨ ពាន់លានដុង រួមចំណែកបង្កើនប្រាក់ចំណូលមធ្យមរបស់មនុស្សម្នាក់ជាង ៨០ លានដុងក្នុងមួយឆ្នាំ។

   សមមិត្ត ថាច់ធីធូហា ឲ្យដឹងបន្ថែម ឆ្នាំ ២០២៥ គឺជាឆ្នាំចាត់តាំងមហាសន្និបាតបក្ខភាគគ្រប់លំដាប់ថ្នាក់ ក្រៅពី ផ្តុំកម្លាំងចាត់តាំងឲ្យបានល្អមហាសន្និបាត ក្នុងផែនការផលិតឆ្នាំ ២០២៥ ស្រុកចង្អុលការឱ្យមូលដ្ឋានបង្កើនការផ្សព្វផ្សាយ ណែនាំ គ្រួ សារប្រជាជនប្រើប្រាស់ដីផលិតស្រូវនៅតាមតំបន់ និងតំបន់ដែលបានផ្លាស់ប្តូររចនាសម្ព័ន្ធដំណាំសត្វចិញ្ចឹមស្របតាមសេចក្តីកំណត់។

   ស្រាវជ្រាវ និងកសាងនីតិវិធីផលិតព្រមៗ គ្នាបណ្ដាប្រភេទដំណាំ សត្វចិញ្ចឹមដែលបានបង្វែរលើដីផលិតស្រូវ។ លើកទឹកចិត្តឱ្យមានការអនុវត្តន៍កសិកម្មល្អ (GAP) និងកសិកម្មបច្ចេកវិទ្យាខ្ពស់នៅក្នុងតំបន់ផ្លាស់ប្តូរ។

   ចាត់តាំងការចងសម្ព័ន្ធរវាងបណ្តាគ្រួសារផលិតឲ្យទៅជាក្រុមសហការផលិតនិងសហករណ៍ដើម្បីបង្កើតតំបន់ផលិតមុខទំនិញប្រមូលផ្តុំ។ លើកទឹកចិត្ត និងបង្កលក្ខណៈដើម្បីបណ្ដាអាជីវកម្ម និងសហករណ៍ឧបត្ថម្ភ វិនិយោគ និងណែនាំមាមីងកសិករក្នុងការផលិត ចុះកិច្ចសន្យា ផ្គត់ផ្គង់សម្ភារ រកទីផ្សារសម្រាប់ផលិតផល ច្នៃផលិតផលនិងជំរុញការ ផលិតមុខទំនិញស្របតាមកន្សោមតម្លៃប្រភេទទំនិញ៕

ប្រែសម្រួល៖ សុខា