ភូមិផ្នោរសង្ក្រម៖ ចលនា ប្រភពកម្លាំងដើម្បីកសាងភូមិអភិវឌ្ឍន៍ស្ថិរភាព

   ភូមិផ្នោរសង្ក្រម ឃុំ​ហ៊ីវ​ទឺ ស្រុក​ទីវកឹងមានគ្រួសារប្រជាជន ​៣៧៩ ​គ្រួ ក្នុងនោះ​គ្រួសារ​ជនជាតិ​ខ្មែរ​ជាង​ ៩៥%។ ដើម្បីឧបត្ថម្ភគ្រួសារជិតក្រពង្រីកសេដ្ឋកិច្ច ទន្ទឹមនឹងអនុវត្តល្អគោលនយោបាយរបស់បក្ស និងរដ្ឋក្នុងការពង្រីកសេដ្ឋកិច្ច រដ្ឋអំ ណាចភូមិនៅទាំងសហការជាមួយអង្គការមហាជនចលនាបណ្តាអង្គការចាត់តាំងសប្បុរសជនចូលរួមឧបត្ថម្ភជាអំណោយកសាងលំនៅ ឋានជូនគ្រួសារក្រីក្រ គ្រួសារជិតក្រ ចលនាគ្រួសារជិតក្រដែលមានដីផលិតឲ្យចូលរួមអនុវត្តទម្រង់ “ផលិតស្រូវគុណភាពខ្ពស់” “ក្រុមចងសម្ព័ន្ធដាំដំណាំ” ។ល។

លោកមា គីមថន (ទី ១ ខាងស្តាំ) អរគុណរដ្ឋអំណាច និងអង្គការមហាជន គ្រប់លំដាប់ថ្នាក់ដែលបានឧបត្ថម្ភលំនៅឋានដល់គ្រួសារគាត់។

   មកកាន់គ្រួសារមីង ថាច់ធីសារី ជាគ្រួសារក្រីក្រ មានវ័យចាស់ បានរដ្ឋអំណាចមូលដ្ឋានឧបត្ថម្ភដី​ និងប្រាក់សង់លំនៅឋាន មីងឲ្យដឹងដោយក្ដីរំភើបថា៖ កាលពីមុន ខ្ញុំនៅក្នុងផ្តះស្លឹក សង់លើដីរបស់អ្នកភូមិផង ។ បច្ចុប្បន្ន បានរដ្ឋអំណាចមូលដ្ឋានឧបត្ថម្ភដី និងប្រាក់សង់ផ្ទះតាមគោលនយោបាយជនជាតិ និងជូនអំណោយ ជូនប្រាក់ដល់ខ្ញុំរឿយៗទៀតផង។ ខ្ញុំមានភាព កក់ក្តៅ និងសុភមង្គលខ្លាំងណាស់។

  គ្រួសារ​លោកមា គីមថន ជាគ្រួសារជិតក្រ ​ជួប​ការ​លំបាកអំពី​លំនៅឋាន រដ្ឋអំណាច​គ្រប់​លំដាប់​ថ្នាក់​បានសហការ​ជាមួយ​អង្គការមហាជន និងសប្បុរសជនចូលរួមឧបត្ថម្ភលំនៅឋាន​មួយ​ខ្នង​តម្លៃ ៦០ ​លាន​ដុង។ លោកមា គីម ថន បានឲ្យដឹងថា៖ បានរដ្ឋឧបត្ថម្ភប្រាក់ និងអង្គការមហាជនភូមិជួយកម្លាំងក្នុងការសាងសង់ ទើបខ្ញុំមានលំនៅឋានរឹងមាំដូច្នេះ។ ខ្ញុំខិតខំ​ធ្វើ​ការ  និងថែទាំ​គោ ​២ ​ក្បាល ដើម្បី​ពង្រីក​សេដ្ឋកិច្ច​គ្រួសារ ។

ទម្រង់ស្រូវគុណភាពខ្ពស់នៅភូមិផ្នោរសង្ក្រម។

  ទទួលស្គាល់អំពីការរីកចម្រើនរបស់ភូមិ ព្រះតេជព្រះគុណ ស៊ើងហ្វា អាចារ្យបង្រៀន វត្តផ្នោរសង្ក្រម មានថេរដីកា៖ ទន្ទឹមនឹងការឧបត្ថម្ភរបស់បក្ស និងរដ្ឋ រដ្ឋអំណាចមូលដ្ឋាននៅទាំងសកម្មក្នុងការចលនាបណ្តាអង្គការមហាជន សប្បុរសជនចូលរួមឧបត្ថម្ភគ្រួសារក្រីក្រ ឧបត្ថម្ភកសាងសំណង់សាធាររណៈប្រយោជន៍ដូចជាសាលាអ្នកតាក្នុងភូមិ ឧបត្ថម្ភសិក្ខូបករណ៍ដល់សិស្សមានស្ថានភាពលំបាក។ល។ ផ្តើមពីនោះ ជីវភាព សម្ភារ និងស្មារតីរបស់ប្រជាជនរីកចម្រើនជាលំដាប់។

   ដើម្បីបន្តការអនុវត្តការងារពង្រីកសេដ្ឋកិច្ច-សង្គមរបស់ភូមិ លោកង៉ូវ៉ាំងហ៊ីប លេខាសាខាបក្សភូមិមានប្រសាសន៍ថា៖ ភូមិនឹងបន្តកិច្ចសហការជាមួយអង្គការមហាជនផ្តុំកម្លាំងអនុវត្តភារកិច្ចសំខាន់ៗដូចជា៖ ចាត់តាំងពិគ្រោះ ឧទ្ទេសនាមការងារធ្វើជូនពលករជាគ្រួសារជិតក្រទៅធ្វើការនៅបណ្តាក្រុមហ៊ុន ចលនាអនុវត្តល្អការងារសុខុមាភាពសង្គម។ ជាពិសេស បង្កើនការងារផ្សព្វផ្សាយដើម្បីប្រជាជនបង្កើនការយល់ដឹងម្ចាស់ការពង្រីកសេដ្ឋកិច្ចធ្វើមានដោយស្របច្បាប់។

   ក្នុងដំណាក់កាល ២០២២-២០២៤ ទន្ទឹមនឹងការយកចិត្តទុកដាក់ឧបត្ថម្ភដី លំនៅឋានតាមគោលនយោបាយជនជាតិ និង គោលនយោបាយផ្សេងៗរបស់បក្ស និងរដ្ឋ រដ្ឋអំណាចភូមិផ្នោរសង្ក្រមនៅទាំងសហការជាមួយបណ្តាអង្គការមហាជន សប្បុរស ជនរួមចំណែកក្នុងការកសាងលំនៅឋាន ជូនអំណោយ និងប្រាក់ដល់គ្រួសារក្រីក្រ គ្រួសារជិតក្រ សរុបតម្លៃជាង ១,២ ពាន់ លានដុង។ ក្នុងនោះ​ឧបត្ថម្ភក​សាងលំនៅឋាន ០៤ ​ខ្នងជូន​គ្រួសារ​ក្រីក្រ គ្រួសារជិត​ក្រ សរុប​តម្លៃ ២៤០ ​លានដុង។ កសាងសាលាក្នុងភូមិ ០១ ខ្នង តម្លៃជាង ២៥០ លានដុង សម្រាប់ប្រជាជនប្រជុំជីវភាពវប្បធម៌ សិល្បៈ និងរៀនភាសា អក្សរសាស្ត្រខ្មែរ រដូវវិស្សមកាល។ល។

អត្ថបទ- រូបថត៖ សុជា