សហការធ្វើអាជីវកម្ម សេវាកម្មចុងភៅ - ទិសដៅថ្មី របស់សាខាសមាគមនារីភូមិផ្នោរព្រីង

បងស្រីថាច់ធីឌិញ (ខាងស្តាំ) អញ្ជើញទៅសួរសុខទុក្ខគ្រួសារបងថាច់ធីច័ន្ទ។

ចាប់តាំងពីស្ថានភាពអាសន្នរោគរាតត្បាតស្មុគស្មាញរហូតមក បណ្តាលឱ្យជះឥទ្ធិពលច្រើន ដល់សកម្មភាពសេវាកម្មចុងភៅម៉ាយឌិញ។ ​ប្រជាជន​មិន​រៀបចំ​ពិធី​ជប់លៀងដូចពីមុន មាន​ គ្រួសារ​ខ្លះគ្រាន់តែកក់ឲ្យចម្អិនពី ​១ ឬ ២ ​តុ​ដើម្បីយក​ទៅ​ផ្ទះប៉ុណ្ណោះ។

ដើម្បីបង្កើត និងរក្សាសកម្មភាព មេចុងភៅមានតួនាទីសំខាន់បំផុតក្នុងការកែច្នៃមុខម្ហូប និងផ្សំគ្រឿងទេស។ អាស្រ័យហេតុនេះ បង ស្រីថាច់ធីឌិញ ប្រធានសាខាសមាគមនារី ភូមិផ្នោរព្រីង បានឈានមុខទៅរៀន និងទទួលបានលិខិតទទួលស្គាល់ អនុញ្ញាតឲ្យប្រកប អាជីវកម្មច្នៃគ្រឿងបរិភោគ អាស្រ័យសមាគមសហព័ន្ធន៍នារីស្រុកទីវកឹង សហការជាមួយមជ្ឈមណ្ឌលបណ្តុះបណ្តាលវិជ្ជាជីវៈខេត្តចាត់តាំង។

សាខាសមាគមនារីភូមិផ្នោរព្រីង មាន​សមាជិកា ១១៦ នាក់ ​សុទ្ធសឹងជាជនជាតិ​ខ្មែរ។ ទន្ទឹមនឹងការប្រមូលទិញកសិផលរបស់សមាជិកាសាខាសមាគម នៅទាំងសហការជាមួយសមាជិកាដែលធ្វើអាជីវកម្មជួលតុ កៅអីទៀតផង។ ដំណាក់កាលមិនទាន់មានអាសន្នរោគគិតជាមធ្យមក្នុងមួយខែសេវាកម្មចុងភៅម៉ាយឌិញ ទទួលចម្អិនបាន ១២០​ តុ តម្លៃក្នុងមួយតុ ៧០.000 ដុង នាំមកប្រាក់ចំណូលជាមធ្យមក្នុងមនុស្សម្នាក់បាន ៧00.000 ដុង  (ក្រុមមាន ១២ នាក់) ក្រៅពីនោះ មានសមាជិកាពី ០២-០៣ នាក់ បានបង្កលក្ខណៈឲ្យមានការងារធ្វើ  លាងចានក្នុងមួយតុ​ ២០.០០០ ដុង។ ក្នុងពេលចាត់តាំងពិធីបុណ្យទាន អាពាហ៍ពិពាហ៍ម្តងៗ សាខាសមាគមកោះហៅសមាជិកាប្រមាណ ៥០% មកចូលរួមធ្វើការងារដូចជា៖ ស្អិតស្អាងសាល រៀបចំតុ កៅអី ម្នាក់ៗទទួលបានប្រាក់ចំណូលពី ១៥០.០០០‑២00.000 ដុងក្នុងមួយថ្ងៃ។

បងស្រី ថាច់ធីច័ន្ទ សមាជិកាសាខាសមាគម​នារី​ភូមិផ្នោរព្រីងបានឲ្យដឹង​ថា៖ “គ្រួសារ​ខ្ញុំ​មាន​សេវា​ជួល​សាល តុ ​កៅអី។ អាស្រ័យបានសេវាកម្មចុងភៅម៉ាយឌិញ សហការក្នុងការឲ្យ ជួលសាល តុ កៅអី ក្នុងមួយឆ្នាំទូទាត់ខ្ទង់ចំណាយរួច (ជួលរថយន្ត ពលកររៀបសាល) គ្រួសារខ្ញុំចំណូលបាន ៤0 លានដុង កើន ២០ លានដុងក្នុងមួយឆ្នាំ បើប្រៀបនឹងកាលពីមុន។ ក្រៅ​ពី​នេះ សាខាសសមាគមនៅទាំងម៉ៅ​ទិញ​បន្លែ​ពី​គ្រួសារ​ខ្ញុំ​ទៀតផង។

បងស្រីថាច់ធីឌិញ ប្រធានសាខាសមាគមនារី‑មេ​ចុង​ភៅ សេវាកម្មចុងភៅម៉ាយឌិញបានឲ្យ ដឹង៖ ដើម្បី​ទាក់​ទាញ​អតិថិជន ​យើង​ខ្ញុំតែងយកចិត្តទុកដាក់ច្នៃមុខម្ហូបថ្មីៗ ឆ្ងាញ់ និងធានាសុវត្ថិ ភាពគ្រឿងបរិភោគ។ កាលពីឆ្នាំ ២០២០ សាខាសមាគមបានចូលរួមសហករណ៍សេវាកម្មឡុង  ថើយ ក្នុងមួយឆ្នាំយើងខ្ញុំទទួលចម្អិនជាង ១.៥00 តុ កើន ៥00 តុបើប្រៀបនឹងដំណាក់កាលមិនទាន់ចូលរួមសហករណ៍។

បងស្រី ថាច់ធីច័ន្ទវណ្ណា អនុប្រធានសមាគមសហព័ន្ធន៍នារីឃុំឡុងថើយបានឲ្យដឹងថា៖ លទ្ធផលដំបូងដែលសេវាកម្មចុងភៅម៉ាយឌិញ នៃសាខាសមាគមនារីភូមិផ្នោរព្រីងទទួលបាន បញ្ជាក់ឲ្យឃើញពីការអនុវត្តន៍ល្អកិច្ចសហការធ្វើអាជីវកម្មរបស់សមាជិកា។ អាចអះអាងបាន ថា នេះជាទិសដៅដ៏ត្រឹមត្រូវ មិនត្រឹមតែបញ្ជាក់ពីការសាមគ្គីជួយគ្នាធ្វើមានប៉ុណ្ណោះទេ នៅទាំងបង្ហាញពីរូបភាពរបស់នារីដែលមានថ្វីដៃប៉ិនប្រសប់ រៀនសូត្រពីវិធីសាស្រ្តកសាងជីវភាពថ្មី អារ្យធម៌ ជឿនលឿន និងសមភាព។ សាខាសមាគមនារី​ភូមិផ្នោរព្រីង​លុប​បំបាត់គ្រួសារ​ សមាជិកាក្រីក្រ ​១០០%​ កាលពី​ឆ្នាំ ​២០១៩។ ​សម្រេច​បាន​លទ្ធផល​នោះ មាន​ការ​រួម​ចំណែក​ពី​សេវាចុងភៅម៉ាយឌិញ  ក្រោម​ការ​គ្រប់​គ្រង​របស់​សាខាសមាគម​នារី​ភូមិផងដែរ៕

អត្ថបទ‑រូបថត៖ សុជា